城巴A29P開辦消息

原帖由 053h4 於 2015-9-23 17:51 發表

CUT 692根本事實証明同開將荃無關, 因為新巴堆車無做將荃, 當年690就唔會用成廿幾架車

而796B係因為每日得個600個都無的將南客, 人地取消條線, 將北+將南見有資源FREE出離先開將沙
E22A將南人都覺得慢, 係因為快同 ...

根據西貢區議會交通及運輸委員會二○一三年第五次會議記錄第21頁,
由運輸署首席運輸主任關翠蘭所述, 若要開辦一條全日往來將軍澳至荃灣的巴士服, 便須取消第692號線,
讓巴士資源於繁忙時段也可騰空出來行走新的巴士服務...

咁大家話692取消同開將荃有無關係?

原帖由 S3BL100 於 2015-9-23 21:12 發表


798 將南使用人數應該仲多過 796B 當年將南客量，290/290A 相比起 692 就更加，
同埋 290/290A 開得成根本係「打劫」左觀塘山同荃葵青區十幾架車的資源，條數而家仲未找得晒，你又唔提？

寧願自己留垃圾都唔要同人地分享大 ...

咁不如取消290/290A將南及坑口一段, 開番692啦
你講到觀塘山同荃葵青區咁大貢獻, 咁咪自己搵條線取消去開線,
因為你地要分享就要別人痛苦? 而家將南過海坐港鐵比692更貴,
如果去D唔近地鐵站地方, 行路加坐車的時間仲耐過692, 又有冇人可憐下我地?


加密E22A做將南新樓客, 夠唔夠合理呀?
下繁加密E22A仲可以搶E22客, 一人收多6蚊唔好?
好過而家E22A下繁東涌上唔到車, 成批將軍澳客走晒去搭港鐵.

如果當日唔反對 E22A 逆走, A29 都唔會係將南尾站, 到時最多只會跟798咁行,
咁比而家坐E22A仲慢.


至於A29P, 我一向都唔支持開, 如果觀塘山要機場車, 應該係開A22P,
最小藍田油塘都可以受惠.

原帖由 HT408 於 2015-9-23 00:43 發表
A29P 機場與 N26 同站

http://www.nwstbus.com.hk/en/uploadedFiles/evs_notice/C201502122a02.pdf

A10越搬越後

原帖由 053h4 於 2015-9-23 12:53 發表

你口中得將南, 明明條線係服務將南+觀塘半山

你條E22A打得爆咪睇下有無機場車專服務將南LOR
人地成條線有無客開左就知

不過將南自己選擇係平車而唔係快車, 唔該而家就唔好睇到自己咁高, 好似下下將軍澳巴士規劃都要將南尾站先叫"正常"LOR

咁既然係咁，麻煩將 A29P 縮短到翠林，或者拉去油塘，我非常歡迎。

都係果句，以現時客量 E22A 非繁本黎係要減班，如果因為開左 A29P，將來要 E22A 減班減到 45 分鐘就好睇。
而E22A 兩繁既客量根本係要加班，又因為開左 A29P，又可以唔洗加班。

要服務觀塘半山有好多方法，盲目支持 A29P 依類三不像既路線，最終受害既將軍澳，
因為將軍澳非繁無咁大需求要三條全日大嶼山機場線。

原帖由 053h4 於 2015-9-23 15:45 發表
人地坑口尾站, 就要坑口居民入將南, 自己唔上跑山就要坑口寶琳客居跑山, 真係好似成個將軍澳都要圍著將南轉咁
自己區做到一條全日線無所謂, 但下下搶人就唔啱LOR ...

分清楚一件事，寶琳客根本有條件跑山，時間上係同落隧道差唔多，又可以避觀塘道同將隧塞車（又唔見你提依點）。
成日認為寶琳跑山慢，同某部份板友認為 290 系跑山係原罪係無分別。
就算 A29P 兜完四順，都係 70 分鐘既事。

邊個話將南一定要尾站？將南夾坑口出觀塘道又唔得既？只要去機場係觀塘道加站，試問又點會無客？
我更加唔見得對坑口有幾大問題，只要將 A22 改行觀繞去油塘就可以。

最大問題係，坑口、寶林一定要 30 分鐘一班 A 車，係咁既條件下，咁拆行山果邊都會最少變 45 分鐘一班。
既然將軍澳無咁大個頭，真係唔好搞咩野 A29P，到時分薄晒三條線客源，越改只會越衰。

[ 本帖最後由 dennis28a 於 2015-9-24 02:06 編輯 ]

原帖由 fleetline 於 2015-9-23 23:18 發表

加密E22A做將南新樓客, 夠唔夠合理呀?
下繁加密E22A仲可以搶E22客, 一人收多6蚊唔好?
好過而家E22A下繁東涌上唔到車, 成批將軍澳客走晒去搭港鐵.

如果當日唔反對 E22A 逆走, A29 都唔會係將南尾站, 到時最多只會跟798咁行,
咁比而家坐E22A仲慢.

E22A 兩繁服務緊太多人，黃大仙既人又上、下繁仲有班觀塘客見車就上。
RDP 成 9 成、8 成載客率，兩繁依舊唔去加班。

而家開多條 E22C，原則上係好事黎，叫分流一批客走，
但我唔明，E22C 又唔係觀塘道加站，明明係要取代 K2B 但早繁牛頭角、九龍灣一個站都無。

A29P官方宣傳海報已出

原帖由 fleetline 於 2015-9-23 23:18 發表

咁不如取消290/290A將南及坑口一段, 開番692啦
你講到觀塘山同荃葵青區咁大貢獻, 咁咪自己搵條線取消去開線,
因為你地要分享就要別人痛苦? 而家將南過海坐港鐵比692更貴,
如果去D唔近地鐵站地方, 行路加坐車的時間 ...

290/290A 你話縮就縮？而家坑口加將南搭 290/A 相信有超過四千個客，仲多過 692 當年乘客數目，
你縮短兩條線，點去同呢四千人交代？
仲有調景嶺，今次佢地係白賺左條線，先前佢地無 692 的，縮短左你點補償佢地？

692 又係你話開就開？執笠前傳聞兩巴加埋年蝕八百萬，係咪你補貼巴士公司開線先？
因為你要坐 692 就要其他人痛苦？因為你要有密車 E22A 及/或尾站紅車，就要將北陪兜？
點解又唔可以你地兜上山？又有無人可憐下將北先前要幾耐先入到機場？

如果當日 E22A 逆走，A29 幾乎肯定將南尾站，因為果個平行時空下，開 A29 的目的就係要解決將南去機場慢的問題，
寶林上山走係仲快過而家唔少架，A 線當然唔會輪到佢地。
如果 A29 跟 798 走就倒不如唔好開，因為會仲慢過行山，尤其繁時，比起 E 線無明顯優勢。

同樣道理，而家 E22A 將南尾站，A29 開線目的就變左係解決將北去機場慢的問題，
順理成章就唔入將南，因為入埋將南就唔會顯著比 E22A 快。

仲有就係 A29P 起碼開左個頭，日後可以拉去康城。
如果係 A29 兜入將南，或者維持 E22A，康城永世都唔會有機場車。同屬將南的康城又可以唔駛理？

明未？

原帖由 dennis28a 於 2015-9-24 01:56 發表

咁既然係咁，麻煩將 A29P 縮短到翠林，或者拉去油塘，我非常歡迎。

都係果句，以現時客量 E22A 非繁本黎係要減班，如果因為開左 A29P，將來要 E22A 減班減到 45 分鐘就好睇。
而E22A 兩繁既客量根本係要加班，又因為開左 A29P，又 ...

A29P 一粒鐘一班，擺翠林定擺將南一樣都要三部車。
識做生意的城巴，點解唔擺將南？

本來寶林行山走，坑口併將南係比較理想，不過你岩，
如果咁拆，是但一邊都一定做唔返半粒鐘一班，除非城巴肯額外又倒多三部車落去。
識做生意的城巴，又會唔會咁做？

同埋翠林康盛係需要 A29P 的，而家佢地搭 E22A 的行車時間係太過份，仲長過香港飛台北航程。

只可以話，呢D係將南種出來的果，而家已經別無他選，A29P 係唯一可能的結果。