下繁屯門轉車站交外

每當下繁，屯門公路交通意外後，屯門轉車站就會有大量巴士擺哂2條缐爭入站，
今晚有三十幾部巴士齊齊等埋站，最少持續2小時，
而每㗎巴士就要排隊約20分鐘先埋到站。

其實九巴有咩可以應變？

叫老九唔好強制要求巴士停落車站已經減輕好多
今日見站頭得一部 58M 上客，其餘都係落客站落客 ...

條路線寫明經轉車站就要停 點應變??




接近收工約7點半見之前屯公撞車 開下App望下d班次

見到果陣成個屯門(包來回)得一架258d 961出現30分鐘班次(山景開)

樓主邊樹人士，你個標題度寫既「交外」係咩意思? 我淨係知咩叫「郊外」，我亦留意到香土有個叫「平田XXX」既人同樣使用「交外」一詞，如果兩者係同一人，咁「交外」就唔係手文之誤，而係專有名詞，獨有見解。

由此想問問樓主係邊樹人士，讀咩學校，好讓大家增廣見聞。

應變？點變？只怪當初冇考慮轉車站的負荷就乜線都話要停咯.......淨係去良田都已經4條、960、58M、58P、260X.......當時又有師兄話[可以叫幾飛嘛].......唉......轉車站有幾大呀？確實係有人方便左、但係都有人唔方便架......整個轉車站出來反而令我沒了快捷的巴士服務、早上出去又塞轉車站、夜晚回去又要塞轉車站......到最後連58P都......可能咁講實有人話自私、顧自己、但又有誰可憐像我這一小撮人呢？
(利申:由良田去荃灣返工人士)

剛才坐對面 960
見到入屯門的車排晒龍
因為有部份橋邊阻礙視線
唔係太睇到實際有幾多架正在排隊
但廿架應該有
其實同樣停咁多線
出九龍卻沒有這問題
會否係入屯門那邊的設計上出了問題?

乜野叫「交外」？我只聽過「郊外」。樓主唔改標題，此帖冇討論價值

Jacob 發表於 2015-11-3 22:27
樓主邊樹人士，你個標題度寫既「交外」係咩意思? 我淨係知咩叫「郊外」，我亦留意到香土有個叫「平田XXX」 ...

樓主篇文表達無乜問題，但個標題就完全係兩回事
搞到小弟以為屯轉搞乜鬼

要玩簡化慳字數，屯轉更多人明，慳得更多字都唔用，
同樣係用兩個字，用"意外"都好難諗錯第二面，
"車禍"都係兩個字而更貼切
走去寫D無人明的"交外"
簡寫唔係求其係個詞抽幾個字就得架

cky 發表於 2015-11-4 00:10
剛才坐對面 960
見到入屯門的車排晒龍
因為有部份橋邊阻礙視線

出屯門多人落車嘅，以M線為主要，
但入屯門，除咗M線會有人落之外，仲有一大堆長途線，
所以咪多咗起碼一倍車等落客囉。

GD1570 發表於 2015-11-4 08:25
出屯門多人落車嘅，以M線為主要，
但入屯門，除咗M線會有人落之外，仲有一大堆長途線，
所以咪多咗起碼一 ...

九巴早上比多 早繁路線 (有好多唔入轉車站), 所以好少少 (不過都會塞)