其實朝早八點幾間唔中都會排到浪琴軒對出的位置, 一入一出轉車站都要 10 分鐘或以上,
有時坐出旺角堆 X 線仲要排完一大輪之後一個客都無。
下繁我通常六點半至七點坐車經過轉車站, 靠近七點既時段塞入轉車站的機會係比朝早八點幾
往九龍方向多, 但時間上我覺得要睇返坐邊區既車。我自己坐 67 系就唔會耐過朝早好多,
但我覺得碼頭區的客平均會花多過朝早唔少時間。
宜家轉車站的問題係九巴於繁忙時間兼顧太多路的客 (屯門東北、良田、大興山景、市中心、碼頭、青公
<-> 港島、九龍東、九龍西、沙田、荃葵), 而靠近屯門公路果邊既轉車站兩個方向九巴都係得 5 個上客位,
每個位只容納一部車, 但停站路線隨時有一堆。如果你將全日線繁忙時間部分班次飛走轉車站, 雖然有一部分客
可以慳到時間, 亦都可以減少入轉車站的車量, 但轉車客隨時花幾多時間等車, 到時入轉車站既車隨時要
花多左時間上落客。所以我只覺得好少班次有條件飛走轉車站 (例如 960S)。
如果要減少轉車站繁忙時間的負荷, 最重要係要減少轉車的人次, 針對無直車而需求唔細的客路。
|
