大家贊唔贊成將「港鐵故障次數」納入「可加可減機制」裡?

因為而家港鐵係咁加價, 但故障率不斷上升, 所以希望整D 機制去迫使港鐵提升服務質素, 加緊檢查維修保養

以下只針對港鐵自身導致的故障, 如訊號故障, 路軌裂紋等
方法有以下

方案1:
每年計算, 一次嚴重事故(超過30分鐘延誤), 便扣減1%加幅。當加幅為負數( 如一年10次延誤), 變應減車費

方案2:
若某條線超過某個次數延誤(如5次), 該線凍結加價。嚴重者減車費

方案3:
若全線超過某個次數延誤(如5次), 該線凍結加價。
超過10次, 減車費


因為實在睇唔過眼港鐵係咁加價, 但質素沒有提升....
相信若港鐵做好維修, 不會帶來前線員工壓力

如果用方案一﹐未來好多年都唔駛加價



問題根本係多年前積落的﹐早幾年不停緊縮開支﹐一味做靚條數﹐令到不少野都係唔夠資源去做到好。

維修團隊唔夠人唔夠資源﹐只係做到最基本的維修﹐明知有d野快夠期﹐都唔夠人/資源去提早更換﹐甚至係更新﹐結果近年不停爆鑊。


而家﹐終於落實去更換訊號系統﹐不過所需的時間都唔短﹐未來幾年都係要繼續涯。
(江湖傳聞係再落實更換﹐將會連最基本的維修都成問題﹐即係無得再整)


至於其他設備﹐自己體會啦﹐唔見得叫做做得好。

聽講有電梯為慳錢判及非原廠做日常維修﹐結果部機情況越來越差﹐故障次數增加。
其後非原廠合約完﹐MTR都知衰﹐搵番原廠去做日常維修﹐但係原廠唔肯接番﹐要差不多換晒成部機才肯接﹐MTR都死死氣被劏。

但要迫港鐵做好維修, 罰佢唔俾加價甚至減價先係王道

如果用此方案, 如何? (重鐵一組, 輕鐵/西北巴士一組, 各自計)
1: 凡發生事故, 致列車延誤, 但未停駛者, 每影響半小時扣加幅0.1%
2: 凡發生事故, 致停駛者, 每半小時扣加幅0.5%
3: 加幅未扣盡者, 下年再扣
4: 罰款制度仍舊實施
5: 責不在港鐵者不罰
6: 扣加幅後, 若不能觸及2%加價下限, 不加價 (加幅撥下一年)

mak5052 發表於 2015-11-10 10:41
如果用此方案, 如何? (重鐵一組, 輕鐵/西北巴士一組, 各自計)
1: 凡發生事故, 致列車延誤, 但未停駛者, 每 ...

針對第1點﹐你留意一下官方apps嚮機次數﹐同埋非官方的mtr service update 所提及的延誤次數﹐睇下有什麼發現

今早荃灣線唔係自己問題﹐官方apps咪即有反應囉。
經常性有延誤都係慢一慢才出聲﹐出聲時已經係不少站已經淪陷。

如果真係實行﹐睇怕有事故會更加收收埋埋﹐令到更少人知道出事。

timewater 發表於 2015-11-10 10:12
但要迫港鐵做好維修, 罰佢唔俾加價甚至減價先係王道

問題係有些事故﹐係日常維修都好難做到。

設備老化係一個大問題﹐早幾年唔少野已經推遲了更換步伐﹐而家才來起步話換﹐未來幾年事故都會持續高水平。


另外﹐我都認同有少部份事故﹐真係無人可預防。例如早幾日荔景站又斷軌﹐新聞引述專家話斷軌可以發生在好短時間﹐日常檢查係好難發現到的。

053h4 發表於 2015-11-10 11:55
又唔見大陸成日斷, 港鐵自己保養唔得就唔得啦

路軌就要按使用量換, 唔知港鐵肯唔肯公佈相關數字, 有無因 ...

現時開門「叮噹」﹐關門門郁才「DO DO DO」﹐大家可能已經習慣。

在MTR SERVICE FACEBOOK 入面﹐好耐之前提及﹐最初在機場快線去試﹐真係去試的時間話要押後﹐原因係......... 人手不足


根本早幾年不停去削減人手﹐削減資源﹐而家咪見惡果囉。


近年年年賺大錢﹐但係都唔見得肯投資多一些在後勤支援一方面(包括日常維修等支出)﹐人手亦唔見得足夠(月台門神另計)。
根本這是做死前線員工﹐成班離地高層都未係太知這個惡果帶來的問題﹐下下都要所有人/物件用到最盡﹐出事率自然有所提高。