建議 103X 107X 108X 繁忙時間往返東九龍，另 103 170 改道

配合東九龍發展，通勤需求增加，建議增設三條繁忙時間特別線往返港島及東九龍，
方便港島區遠離鐵路站的居民往返，減少私家車進入九龍灣。

三條特別線如下：

103X 蒲飛路 - 觀塘裕民坊
途經九龍灣、啟德隧道、紅隧口，西行停灣仔警署，不經銅鑼灣
蒲飛路開 07:40 08:00
裕民坊開 17:55 18:25
全程收費 $11
配合 103X 開辦，取消 103P，而 103 北行 15:40 前、南行 10:20 後劃一改為 20 分鐘一班車；
九巴 18:25 班次或需由 690 抽調車輛行走

107X 華貴 - 觀塘裕民坊
不經黃竹坑及銅鑼灣；來回經啟德隧道及九龍灣
華貴開 07:10 07:30 07:45 08:00
裕民坊開 17:40 18:00 18:20 18:40
全程收費 $13.4
配合 107X 開辦，107 酌量調整班次，九巴班次由 101 抽調車輛行走，城巴部分班次由 619 及/或 690 抽調車輛行走

108X 寶馬山 - 啟業
來回經啟德隧道，北行不經銅鑼灣，於 108 延長至啟業後實施，善用繁忙時間逆向剩餘運力
寶馬山開 07:00-08:25 之 108 班次全部改為 108X，啟業開約 17:15 - 18:45 每 30 分鐘一班，與 108 梅花間竹開車

===

另，為縮短行車時間，避開興發街及景隆街擠塞，紓緩過鐘問題，建議 103 170 往九龍方向改道：

103 北行經原線至灣仔消防局後，改經波斯富街、禮頓道、邊寧頓街、怡和街西行、軒尼詩道、堅拿道巴士專線、堅拿道西入紅隧，
取消百德新街至景隆街車站，增設利舞臺廣場、雲翠大廈、怡和街、堅拿道巴士專線分站。

170 北行至黃泥涌道後，改經禮頓道、邊寧頓街、怡和街西行、軒尼詩道、堅拿道巴士專線、堅拿道西入紅隧，
取消銅鑼灣區所有分站，增設雲翠雲翠大廈、怡和街、堅拿道巴士專線分站。預料可節省 10-20 分鐘行車時間。

歡迎給予意見

103改怡和街,無野呀!怡和街已經被108,112,116(有d銅鑼灣空車)食晒紅隧客,行車時間無短到,
但由海皮站102,103,106,110邊條黎到就邊條執!
跟641上鴻興道好過!

DC3938 發表於 2015-11-27 22:35
103改怡和街,無野呀!怡和街已經被108,112,116(有d銅鑼灣空車)食晒紅隧客,行車時間無短到,
但由海皮站102,10 ...

跟 641 上鴻興道走，咁銅鑼灣乘客應該搭咩車返旺角東、橫頭磡同竹園？

103 唔係只係做紅隧口客，仲有佢既獨巿位…
經銅鑼灣係慢，但銅鑼灣係主要客源，又唔可以唔理。

其實我有諗過 103 熙信大廈後跟 2/104/720 轉出告士打道，停入境處，然後直飛銅鑼灣，停景隆街後入紅隧，
至少塞少興發街同軒尼詩道東行，不過咁就做唔到灣仔至銅鑼灣之間一段幾個站，而果度有一定人流，又唔近地鐵。

當然仲有個選擇，係景隆街後規定用鵝頸橋調頭入紅隧（而唔係好似 102 106 仲可以選擇行灣仔北），加停堅拿道西，同 107/117/171/182 同站，呢個站都算係做到內街。
但始終灣仔地鐵站同史釗域道乘客要行多一段路，而且咁行其實未必比上面的建議快幾多。

不過我上面的建議，非繁其實未必比而家走線快幾多，但繁忙時間起碼塞少興發街同景隆街，而怡和街西行經巴士專線入紅隧
繁忙時間其實快過景隆街經灣北走。

反而更要擔心的是兩巴會唔會因為時段問題唔俾 103 停怡和街西行。

170撤出天后應該有人會反對....而且咁行真係會快15-20分鐘咁多?

103真係快唔到幾多, 軒尼詩道轉入波斯富街, 睇住隔籬啲車噓噓聲咁去, 正如當年的914 23B, 等轉燈嘥晒啲時間, 綠燈又唔係長呢! 入左利舞臺又轉番出去怡和街, 感覺真係唔好受. 怡和街東行變左西行要有充份理據, 唔批quota又係行唔通.

如果嫌103太長, 不如縮去金鐘站, 半山另外自成一條接駁線做紅隧(例如縮短103P全日做紅隧循環線), 預左唔夠客可以開疏啲, 如非繁30分鐘一班, 半山區無論居民或學生, 大部份寧願俾多少少都唔鍾意左兜右兜, 103就做金鐘站＜＞竹園邨(往金鐘經中環美利道).

170與其入完禮頓道再出怡和街, 不如跟10由邊寧頓街出維園, 灣仔軒尼詩道可以靠182堅拿道西站代替, 170就做禮頓道.維園.景隆街, 一樣做到銅鑼灣.

至於那三條繁時線, 107X應該最好客, 但往觀塘在過機隧後選行啟祥道, 然後跟T277出觀塘道返裕民坊, 可更方便乘客.

103X服務中.西半山, 半山區居民會有幾多去牛頭角邨返工? 跟T277行啦!

108X港九兩岸服務範圍太細, 即使做埋特快紅隧口接駁客量存疑. 寶馬山就在北角對上, 用東隧過海更直接, 但亦因為炮台山.北角用港鐵過東九龍非常方便, 巴士經東隧縱比經紅隧直接, 料仍難與港鐵競爭.

EX-TL 發表於 2015-11-28 01:17
103真係快唔到幾多, 軒尼詩道轉入波斯富街, 睇住隔籬啲車噓噓聲咁去, 正如當年的914 23B, 等轉燈嘥晒啲時間 ...

103 係最難搞的一條

半山太兜係事實，但如果拆兩條，一條金鐘站開的話，無解決過灣仔要先經銅鑼灣先過海的問題，灣仔都係太慢。

上繁直出海皮係最快，但其他時間好似 104 咁一樣要塞灣北，分分鐘仲慢過 101 過海，
況且上繁仲要做埋內陸非過海 $9.8 客，幫小巴同 40M 清客，呢點九巴就最鍾意，所以無可能全部班次踢晒出去。

如果拆兩條，正路應該係一條金鐘後跟 101 111 115 182 入紅隧（理論上最穩定入紅隧行法），另一條就主力銅鑼灣，可以拉去北角。
可惜本身唔夠車，中九龍本身又無咁多客，無其他選擇下先要灣仔銅鑼灣兩個客倉用一條線做晒，減低對灣仔乘客的吸引力。

軒尼詩道/波斯富街交界，右轉慢過直去，不過之後唔使塞興發街景隆街，有得抵銷返。
正如上面所講，我唔想流失灣仔內街客先要咁做，非繁的確唔快得幾多；
當然另一個選擇係好似 #3 所講，熙信大廈後出告士打道，入景隆街，鵝頸橋 U-turn（部份 102 106 都會咁行），加堅拿道西站…

而且我想長遠配合埋 113 反轉來行改行西隧，到時 103 會變左旺角東/橫頭磡唯一去灣仔巴士線。

至於 170，禮頓道出維園，相信會快過天樂里，但其實禮頓道交通都唔係好暢順，有機會打和。
不過問題係，既然出到邊寧頓街/怡和街交界，左轉經怡和街、堅拿道入紅隧係會快過右轉停維園景隆街唔少，起碼慳返塞車時間，真係可以快 10-20 分
（呢點同時回應樓上 straysheep123 板友的問題）

107X 我唔反對 megabox 後跟 T277 咁行，不過原意係唔想增加觀塘道車流

至於 103X，好大程度係想同 101X 九龍灣同站位（雖然而家 101X 灣仔不停站，但日後加唔加站係另一回事），
同埋配合埋我想將 601P/619P/641 重組，加下繁（甚至全日）特快班次經紅隧去四順（119P）同觀塘至寶達（101P），
然後將 641 安心搬去行紅隧，141 變成彩福 - 啟業/啟晴（上繁加下繁回程）/九龍灣商貿區（下繁港島方向）- 機隧 - 紅隧 - 灣仔 - 中環，
咁到時成個九龍灣下繁就可以 103X/141 兩飛出灣仔，而現時 641 唔少客九龍灣放工搭去灣仔警署的。

當然如果單係睇 103X 一條線的話，跟 T277 行都可以的。

108 有諗過特別車行東隧，順手做埋北角炮台山，但其實上繁紅隧北行唔會點塞，而且仲有勵德村/大坑道包袱，
根本唔太可能落到銅鑼灣後再屈返轉頭去東隧。無錯做唔到觀塘，但至少仲有九龍灣返工客，算係善用反方向資源。

當然我覺得北角炮台山九龍灣特別線係值得做的，但正正就係有 108 的包袱…

多謝樓主建議更多直飛東九龍走廊既紅隧線。
不過點解條條都唔建議雙向服務？尢其是107、108都很明顯有雙向客源。
而103既特車雙向服務更可以食埋HKU既客(不過大前題是早繁南行版本和下繁北行版本要直接出入薄扶林道而唔行堅道)。
君不見101X早繁南行版本搞下搞下都可以在HKU港鐵站口果兩個站落較高比例既客，懷疑果班客當中是有返HKU。

其實非繁過紅隧170比107慢10-15分鐘
係繁忙時間會誇張少少

但係咁改法慳唔到幾多時間，除左銅鑼灣可能d站位吸引力大d之外
對南區黎講唔會有太大吸引力

103你咁改係可以改善103客量, 但時間上未必慳到

kay 發表於 2015-11-28 14:51
其實非繁過紅隧170比107慢10-15分鐘
係繁忙時間會誇張少少

南區想唔兜路跟 107 171 直入紅隧係無可能架啦，中九龍加沙田唔夠客，除非上繁九點前所有班次唔兜銅鑼灣，停堅拿道西就入紅隧，反正果d時間銅鑼灣都唔會有咩人上車…

但景隆街中午打後就開始塞車，改行禮頓道、怡和街同堅拿道巴士專線真係可以慳到唔少時間。
唔係話要專登吸引南區乘客，但至少行車時間可以合理返少少，唔好成日過鐘。