點解只討論上午繁忙時間
因為好多人都集中返0900因為好多公司就算set左彈性返工時間都只係提早/延遲半個鐘至9個字 但因為下繁收工時間有唔同同埋放工之後可以有好多活動力人流上唔會比上午多 而且唔似朝早咁趕時間可以有好多交通組合由核心商業區返屋企/其他地方 但因為[size=27.0156px]返工時間相近會同時有大量人係各區向核心商業區出發 而導致返工交通需求比下午高
[size=27.0156px]
|
|
|
|
|
|
|
|
|
本帖最後由 ryandroid 於 2015-12-15 10:55 編輯
回錯，恕刪 |
|
|
|
|
|
|
|
|
本帖最後由 ryandroid 於 2015-12-15 10:58 編輯
咁就係你假設咗太古以東同將軍澳客全部都係塞哂喺港島線
而唔會有將軍澳線客喺北角轉北港島線去會展香港，以及港島東無人直坐北港島線直岀會展香港
支持交匯就假設將軍澳線客好多客去會展香港，港島東就一定坐死港島線
咁你話有幾埋性？
|
|
|
|
|
|
|
|
|
下繁活動人流唔多？
銅鑼灣、灣仔依家都唔易上車吧
所以銅鑼灣、灣仔嗰啲你唔願等N班車就一係幾遠都要行去北港島線搭
一係搭巴士、電車？
講交通組合東區人一定比其他區多
點解其他區就有其他交通組合就可以強行交匯
東區有其他交通組合就一定唔可以換線？
其他區去港島嘅工作人口多
巴士車程長、費資源、覆蓋唔夠廣、等車時間長、巴士轉乘時間仲長
呢啲叫有其他交通組合？
啲人唔願等N 班車就一係留喺市區等鐵路人潮散
一係自行選擇其他交通組合？
會唔會對其他花長時間喺交通嘅上班人士涼薄咗啲，
太古以東人口唔多
巴士夠COVER夠密集、車程短、資源花費少
但就唔係東區人嘅交通工具？
得港島線先係太古以東嘅唯一選擇？
呢啲根本係雙重標準
一句到尾只以太古以東嘅利益優先
唔好將啲歪理講得咁漂亮好嗎？
|
|
|
|
|
|
|
|
|
無錯, 當年將線令黃大仙、觀塘由兩程變三程、新界東係三程變四程,
但係你忘記左尼D都係中長程車,
坐鐵路真係預左要轉車,
同時因為距離遠, 轉多次車令整個車程延長既時間係可以容忍既.
但係換線方向係令港島線既短途車程要轉多次車,
因為車程短, 轉多次車對整個車程延長既問題就會好大.
極端D講, 炮台山要坐車去銅鑼灣灣仔,
而家講緊6-8MINS既車程,
比著你第日返工要先坐去北角, 再轉一次車坐返將線去銅鑼灣灣仔,
吾計"上吾上到車既問題", 去北角2分鐘, 轉車2分鐘,
北角去灣仔8分鐘, 加埋已經係12分鐘, 足足多左4分鐘(現在1.5倍既時間),
加埋港島線先天車站比較深既缺憾, 本來港鐵已經無咩優勢,
第日仲要再用多一半既時間去返工就更加搵鬼搭.
所以的確好難令港島人BUY換線尼個方案.
對港鐵來講, 佢地長途車競爭力係好大, 吾怕你吾坐,
但係係港島區既流水客來講, 優勢其實一D都吾大,
上面版友已提過, 北港島線真係只係分流, 吾會為港鐵帶來好多額外既客量,
姐係話成本大左, 收入無咩驚喜, 點解仲要倒客比電車/巴士?
|
|
|
|
|
|
|
|
|
一句到尾
鐵路預咗要轉車
唔代表啲中長途客樂意轉咁多程
所以先有部份客流轉投巴士
巴士都唔一定一程過
係要轉巴士的
中長途就係因為車程長
所以要便利中長途乘客去減少過多長途巴士及私家車擠塞道路
但太古以東係短途
短途要一程過已經有巴士、電車、小巴
咁有咩充份理據連鐵路都要必然一程過？
因為短途所以咩交通工具都一程過
呢啲咪叫住得近就可以攞盡着數
仲可以面不改容話鬧其他區居民搶嘢
簡直係天下無敵
|
|
|
|
|
|
|
|
|
你自己睇下巴士版東區上下繁比無能既新城攪到怨聲載道就知
其實港島人返工係吾係真係大把選擇
|
|
|
|
|
|
|
|
|
因為東區人怕路面塞車所以好多都搭鐵
反正一程過
而且東區巴士爭議係CUT流水線、拆線、加強快線服務
啲東區人口講保巴、腳就保鐵
尤其係炮台山北角呢區要所有東區巴士行電車路
唔準上東廊飛北角直去銅鑼灣灣仔
呢啲咪就係一少撮人既得利益就逼其他人SUFFER嘅例子囉
中環灣仔繞道落成後
就減少東廊及告士打道塞車
容納到更多更密短途巴士快線
東區人係咪會死硬保鐵先？
太古以東嘅人喺咁多有利交通條件下
都要話無選擇要港島線一程過
咁樣嘅話
你叫其他一直都冇得揀嘅新界九龍人情何以堪？
如果中環灣仔繞道落成
地鐵都少咗批客
咁太古以東所受嘅影響有幾大啊實質？
因為港島線換線會再少批客就要繼續一程過保持競爭？
你係幫港鐵諗賺錢？
要繼續為咗中環灣仔繞道落成後
多好多選擇揀但自己保鐵棄巴嗰少數人去堅持交匯
不顧新界九龍人嘅苦況
同土豪根本無分別
|
|
|
|
|
|
|
|
|
商家對基層都仲有對立面可以講
但港島住定九龍新界住你夾硬要抽個對立面
實在有D講唔通
而家唔使轉車
又或者荃灣線轉港島線落東區班人就係罪人?
因為我自己要轉多次車
所以唔該你都要同我一齊轉車
lee個思考角度叫損人利己唔見得有幾咁偉大
交匯無助減輕ISL我唔太認同
起碼部分人可以選擇經北港島線走
只係效用冇換綫咁明顯
中間果堆推理
肯定有樣野唔符合好多人既合味係
假設真係如你所願有更多人搬離港島既話
港島樓價實跌
又一個點解有樓既港島區既居民唔支持既地方
學你咁推理
ISL分開左
對巴士一程過需求高左
更吸引人去渣車
路面交通調返轉更擠塞
空氣更差
點算?
其實講咁耐
點解你唔諗下如何令港島區既居民都支持
(實際上九龍區亦都未必所有人支持)
而只係話你港島人自私自利?
|
評分
-
查看全部評分
|
|
某巴士公司疑似謊稱區議會重組方案經區議會通過
|
|
|
|
|
|
本帖最後由 ryandroid 於 2015-12-15 12:24 編輯
其實我講左
交匯方案對港島西同港島南有好大負面影響
最大問題喺下繁個分流作用係大大降低
如果係交匯方案
港島東過返對面海嘅工作人口會照坐港島線到金鐘、中環轉車
例如沙中線乘客會一直去到金鐘先轉車搏有位坐
東涌線乘客會一直坐到中環先轉車
本身乘客都行慣咗，要北角轉完再添馬嘅話轉
同中環轉車嘅時間差別唔會好多，難以吸引乘客轉3程
西鐵線乘客要無論由港島綫喺炮台山轉將軍澳線>會展轉南北線>紅磡轉西鐵線
定由港島綫喺喺炮台山轉將軍澳線>添馬轉東涌線>南昌轉西鐵線
都係唔理想
所以西鐵線的乘客會港島線喺金鐘轉南北線>紅磡轉西鐵
或者中環轉東涌線>南昌轉西鐵
呢啲都會令到港島東嘅工作人口無論係搭東鐵定西鐵定東涌線
喺交匯方案下都吸引唔到坐港島線嘅佢哋北角自己走出嚟轉車
咁嘅話就大鑊啦
因為仲有西港島線、南港島綫東段、南港島綫西段以及荃灣線係一定會坐港島線的
結果就係將軍澳線北角站去維園方向冇乜人上車
但港島線北角站去炮台山方向就已經好多人
咁北角站分流港島東工作人口返屋企嘅作用差唔多可以話係唔WORK
跟住去到銅鑼灣、灣仔更加上唔到車
去沙中線、東涌線、西鐵線嘅可以視自己情況揀搭北港島線或者港島線
呢個係自由選擇，離北港島線車站遠的固然會搭返港島線
北港島線會展、維園喺下繁嘅分流作用係聊勝於無
但西港島線、南港島綫東段、南港島綫西段的乘客冇得揀，焗住喺灣仔、銅鑼灣等N班車都未必上到
起完北港島綫竟然在下繁時間只做到少少嘅分流作用
令喺灣仔、銅鑼灣收工港島西同港島南居民等N班車都未必上到時
交匯方案係咪真係咁理想無人SUFFER呢？
南港島線因為港島線灣仔、銅鑼灣上唔到車而令到下繁乘客下降
咁係咪真係一啲問題都冇呢？
主導交匯方案嘅人多數係東區人
但中西區同南區人都唔知發生咩事
淨係覺得港島線一程過就最好
南區未有南港島線
就更加諗唔到北港島線影響自己
呢啲問題係要拎出嚟傾
現階段妥協先交匯後換線
九成九唔係袋住先而係袋一世
依家連詳細研究咨詢都未做就諗住妥協並唔係一個合適時候
到有哂工程數據先再睇邊個要妥協都唔遲
總之唔可以為起而起
既然反換線嘅人力數換線缺點保送交匯
我又覺得現階段傾返交匯有咩缺點並冇唔妥
總之唔好為了一定保送交匯方案而亂講反換線嘅理由
其實有好多嘢可以傾
亦唔急住有結論
但好多人喺冇實質數據資料情況下落結論
呢樣除咗私心之外
我揾唔到有咩原因佢哋要咁快下定論
要同佢哋呢刻傾妥協並不恰當
只會跟住佢哋走而令其他可行方案永不超生
|
|
|
|
|
|
|
|
|
|
Advertisement
Advertisement
Advertisement
Advertisement
Advertisement
|
