東行2X首航 時間參考

siusiupeople 發表於 2015-12-19 21:26
唔駛等先有用，起碼搶番宜家搭緊綠小落彩虹站同行落九龍灣站的客返2X先。

咁旺角需求大過西九好合理現象吧?我無話過西九無客，但要煲一段時間


至於9上彩褔，我又唔擔心上唔到喎

三彩班議員都爭取9全日上彩褔好耐
難得九巴肯建議拉上去，又拉直條線博多D人搭

黃大仙又係民建聯自己友

如果自己友都唔撐自己友
三彩個兩個議員都好難交代

siusiupeople 發表於 2015-12-19 21:16
小巴日日排長龍你上到車先好同人講快。
仲有，界限街一樣塞架咋。

朕無耐性，當然會唔等，但係事實上確實係等五架小巴仍然快過等一班巴士

再者小巴沿途可以搵路走，巴士好似係唔得
（例子：前幾日有線人向朕報告，嗰朝國瑞路有小型車禍，佢搭嗰架 238S 停咗喺路口唔肯調頭走，焗住落車搭地鐵）

講到尾，小巴靈活性好過巴士太多

見住個個問去唔去旺角
真係當初不如踢埋 24 上去加車做密佢好過

2X 彩福試搭報告

用車: SY9181
1530 美孚開
1557 旺角先達
1611 淘大落車
美孚>牛頭角總共42分鐘


如果係旺角<>牛頭角/彩福,2X一定係首選
但係深水埗上車就可能會比較慢
2X有潛力做大

kay 發表於 2015-12-19 21:16
9延長至彩褔後
繁忙時間基本班次要20分1班

其實一直以來2A都係主打旺角亞皆老街吧，九巴有哂數據
這幾年來九巴開新線最好睇既就是青沙繁時線同290/290A
15X都不俗
到底九巴何時能夠小心睇下數據，認清楚乘客需求先好開線？

BlackBird 發表於 2015-12-19 22:54
2X 彩福試搭報告

用車: SY9181

其實2A先達到淘大一般都係20-25分鐘以內⋯
除非剛巧撞到正，否則搭返2A，時間都已經係哂度

HF3204@243M 發表於 2015-12-19 22:35
見住個個問去唔去旺角
真係當初不如踢埋 24 上去加車做密佢好過

甘又唔好甘講，24號再上埋三彩，分分鐘加價
仲要三彩見要行啟麗，啟晴，實嚇到去哂人。

其實拉架9號，令9號起死回生，已經值得大家高興了。
攬住一條密車點既線，總好過攬住兩條疏車又唔夾時間出車既線吧

3ASV174 發表於 2015-12-19 14:44
條線擺明開俾彩福，雖然落地鐵站唔算太唔方便，但上面始終搵條似樣少少既全日線用都無，
依家 2X 都只係 ...

你可以望下本版另一條講 2X 的 thread，你回緊果位板友似乎覺得 2X 直頭唔應該開，應該拎去做觀深線

2X 西行停唔停旺角係有好大討論空間，但呢條線係咪需要開，根本無討論空間，彩福呢個巿區孤島點睇都比有大把替代品的觀深更有需要

至於單邊唔停旺角呢個問題，
將來 9 如無意外都係去埋彩福，所以 2X 都無必要兜入旺角陪塞，要知道行亞皆老街比太子道西塞車時間多 N 倍，若果經埋旺角，到時恐怕又會有人話條線快唔過 2A，又無啦啦收貴，仲要界走 2A 班次。

其實 2X+9 係一個好尷尬的問題

因為如果 2X 唔塞旺角，就輪到 9 陪塞，影響對油麻地至尖沙咀乘客的吸引力。
而上繁最多人需要去長沙灣的時間，亞皆老街西行唔會點塞車，對車程影響好有限。

而 2X 西行做埋旺角的話，班次有好大增長空間，可以去到繁忙時間甚至全日 15 分一班，當然前提係樂華開上彩盈走，回程可以兜彩福（去程就免，因為會花多太多時間）
就算做埋旺角，因為 2A 西九打摺，2X 如果直去，去長沙灣點都快唔少，加埋上橋點都有得快成個字，已經係收特快價的理由。

本來如果 9 唔使拖住亞皆老街往返尖沙咀的話，可以 2X+9 齊齊西行界限街，東行亞皆老街，理論上會令最多人有得快。

不過拖住亞皆老街往尖沙咀就無計，唯一諗到可行替代係將 208 來回改經露明道同亞皆老街。

不過 2X 係三彩第一條跨區線，尤其是在 9 黃大仙未同意搬走的前提下，唔做旺角始終有點兒那個；再睇埋版友乘車報告，太子道西天橋都會塞車，
其實根本做埋旺角都唔會太差，到時 9 可以來回行油麻地一段窩打老道慳時間，唔需要塞入旺角心臟地帶，但窩打老道「邊皮位」比起 2X 停男拔係更接近旺角唔少。

咁做的話，9 拉直後可以比 RDP 方案再減多兩部車，可以拎返俾黃大仙重組，安撫佢地。

238X 發表於 2015-12-19 20:46
今日出太子，見時間啱，喺荔枝角道搭咗幾個站 2x

感覺同樓主一樣，啲燈超唔順

暫時諗到嘅嘢：
一、荔枝角道東行站各停算數，吸引班幸福邨客喺荔枝角道出旺角（同 32 聯合班次 ）
二、西行非繁停一停九龍城迴旋處執客
三、如情況許可，全日 20 分鐘，9 號延長減班，兩條線彩福開車做聯合班次（不過唔知 9 號仲有無車找到數）

如果 2X 要加到全日 20 分一班，相信要 2A 縮短深水步段減車先得

不過如果想咁玩，又堅持 2X 做西九特快的話，如果唔係因為 9 拖住亞皆老街往返尖沙咀，理論上可以 2X+9 齊齊西行太子道西、東行亞皆老街（見 #48）

tonycheung0123 發表於 2015-12-19 23:06
甘又唔好甘講，24號再上埋三彩，分分鐘加價
仲要三彩見要行啟麗，啟晴，實嚇到去哂人。

其實拉架9號，令9號起死回生，已經值得大家高興了。
攬住一條密車點既線，總好過攬住兩條疏車又唔夾時間出車既線吧

問題係三彩要有車去油尖旺，又要有車去深水步，根本唔可能一條線做晒。
況且聽過一個講法，三彩唔少居民都係深水步舊區搬入去，佢地需要一條西九線係好正常

東九龍正常少少的屋村都唔會得一條向西走的跨區線

再加上三彩道路網，想一條線做晒，就要好似 2X 咁打摺落山，其實唔理想