建議新增路線:“翠曉樂沙”, 獅隧公路新田圍/美松苑-南九龍

280s  中港碼頭 - 沙田大會堂 / 美松苑 (循環線) 之 西隧過海線轉乘建議

(一). 在沙田大會堂 {及之後的分站} 上車往中港碼頭方向的乘客,
到雅翔道巴士站轉乘九巴獨營之西隧過海線: 與現有280x號線之轉乘制度完全相同.


(二). 在港島區乘搭九巴獨營西隧過海路線 到 西隧收費廣場後之安排:
(i) 乘客以同一張八達通拍咭, 在指定時間內在以下指定車站可免費乘搭280s往沙田, 並享有(ii)或(iii) 任選其中一項的連續轉乘優惠...




(ii) 乘客在第二程280s下車後, 如在青沙公路轉乘站 (往沙田方向) 下車,
在指定時間內以同一張八達通咭進行連續轉乘:
- 如第三程路線為前往沙田方向的 249x, 280x, 286c, 286x, 287x; 則建議可拍同一張八達通免費乘搭這些路線一次. 如在青沙公路已享用連續轉乘, 則不能在沙田市中心一帶再享有連續轉乘 [即(iii)之優惠].
- 如第三程路線為 270B 前往上水方向, 而第一程西隧路線登車時繳付的車資不足 $24.3, 則建議在乘搭270B往上水時須補差價
(西隧線+280S+270B三程合共 $24.3)
- 如日後青沙公路轉車站北行有巴士路線往大埔區, 亦建議以270B線方式處理, 惟往大埔方向之三程巴士合共車資為不少於$21.2*


(iii) 乘客在第二程280s下車時, 如在 "沙田大會堂", 或 "帝都酒店" 下車,
在指定時間內建議可用同一張八達通咭免費轉乘任何一條於 沙田市中心/沙田大會堂/好運中心/帝都酒店 設有中途站, 而該路線終點站設在沙田區 (含大圍) 的任何路線一次.

(只限往沙田/大圍方向之車程, 如轉乘之第三程路線之行車方向是前往九龍/港島/荃葵/天水圍/元朗等, 則第三程路線不設免費轉乘)
(如屬前往大埔方向的72號線, 或西貢方向之299x線, 可考慮設 "補差價" 的連續轉乘優惠一次, 三程車資合共不應少於 $21.2*)

此理念是建基於, 在港島上車的九巴西隧獨營線一上車都收 $20 以上,
如果上環乘客返沙田區肯捧場俾 $20 兼由西隧收費廣場行去柯士甸道西轉280S, 在轉乘第三程路線的選擇上應該寬大一點.


初步估計, 例如上環皇后街嘅站點, 就算$20返沙田市中心, 在時間上亦唔會太差 (只要柯士甸道西站加上蓋加座位),再配合沙田市中心一大堆班次頻密嘅區內免費駁腳 (只限一次免費), 都應該執到幾個上環往沙田非巴迷客.


* $21.2 是路線307的全程收費.


[聲明: 上面的插圖的確是來自 www.kmb.hk 然後經軟件修改的二次創作.
如該圖的版權持有人不希望本人進行該二次創作, 請私訊本人, 本人定必刪除該圖並終止這圖片的二次創作.]

Snowbb 發表於 2016-2-8 01:15
成個建議有幾個問題

Re: 82K


星期一至五上課日,
補留幾班下午三點幾班次接放學,

實際運作上基本上唔難, 有限錢,
搵沙田區內幾條蛇字軌, 下段早一個鐘出嚟做生意
order 82K一兩單, 真係唔難.


不過我就唔知實際上 exactly 邊條蛇可以拉動...
(例如 80-s1 定 s3 定 s8之類...當中係邊幾條蛇可以拉動)
我就未研究得到, 所以唔方便寫上一樓嗰堆表,
唔想搞亂 "車輛分配" 嗰盤數.


但其實, 假如只需保留上下課幾班車, 配合73A用多一架車提供新田圍至威院服務,
就可以換取地區人士 "不反對削減82K蝕錢班次", 套返兩架車出黎,
我諗唔駛我寫埋 "下午拉動蛇車" 營辦商都會自動波識配合, (除非唔介意82K繼續行全日燒銀紙),
唔駛畫公仔畫出腸.



不過話時話, 個計劃套出來嗰2架車,
實際操作上點樣 "氹" 掂 82K 沿線各個山頭, 倒是難題一則.

我個方案係照顧最接近青沙公路出入口,行青沙最具網絡效益, 而現時交通配套極度不理想嘅美松苑.

不過82K沿線各山頭...除咗得益甚大嘅新田圍之外, 我個建議對82K其它各山頭可能唔多啱聽...

不計算沙田區同九龍東的問題, 只看 95M

要 95M 不經聯合醫院根本好難, 首先醫院有多個探病時間, 而且 50 專線於呢段時間總站等車的人數可差不到排到去老麥記, 探完病返落去官塘轉車又一堆人排返去主座大樓
76A, 76B 跟本車輛根本不足以應付巴士流量的人流

第二聯合醫院同曉麗 / 樂華去聯合醫院是 W 型完全地分開, 沒 95M 就要搵人替代 = 106 專線, 50 專線, 13D, 11X, 76B 爛線 ... etc
載客無效率之餘仲要比更貴車費

第三聯合醫院有返 TKO 全日需求, 若 95M 不設服務情況下, 可點返到去?  只有 106 高台專線 / 只能轉車, 對老人家及輪椅人士岐視味道相當大

expertuser2004 發表於 2016-2-9 10:30
不計算沙田區同九龍東的問題, 只看 95M

要 95M 不經聯合醫院根本好難, 首先醫院有多個探病時間, 而且 50  ...

都係嗰句, 95M不設服務時段

按照我的建議, 乘客可在現時95M "協和街聯合醫院中途站"
(當然方向掉轉咗) 乘98B.


往將軍澳方向上車時已經係分段收費$4.9


而翠林/康盛往聯合醫院, 乘98B亦只係改在對面線下車矣已.
(即係原本由醫院返將軍澳搭95M要過對面馬路搭車, 變成將軍澳去聯合醫院嗰程搭98B落車後要過馬路).

當然咁樣改95M其中一程就要用八達通才可享有$4.9分段.



話時話, 我真係想學習吓, 95M乘客除咗利用協和街聯合醫院中途站之外,
95M係咪有其他站位去聯合醫院更方便...

如果係, 可能我個建議95M要改做星期一至日 full service, 非繁30分鐘定點班次
(當然聯合醫院返翠林, 如果98B協和街聯合醫院站位對居民係可接受,
一樣可以照搭 $4.9 現金都有分段嘅98B,
可惜行車方向唔容許 95M/98B 同站位叫兩飛)



而98B就用5-6架車, 純粹做30分鐘一班, 開咗條線先, 唔再搵95M做 order 加密98B到20分一班.
(或者如果98B係有利可圖, 就搵其他路線order做密D)
咁樣亦可以保留 翠林往協和街聯合醫院 現金價都係 $4.9,
回程就95M, 98B任選.

leolaw 發表於 2016-2-9 10:58
都係嗰句, 95M不設服務時段

按照我的建議, 乘客可在現時95M "協和街聯合醫院中途站"

暫時未有比協和街更方便的路線, 個邊有 LIFT 可上落巴士站, 方便老人家及輪椅人士
其他更方便的路線, 則是直接乘 50, 76A, 76B 專線去主座大樓落車, 老人家同輪椅人士就受惠不到, 但輪椅的士可停急症室及主座大樓
個人也有興趣想知點解聯合醫院沒鐵沒巴士咁不方便, 點解正得3條專線小巴入到去, 要病人自己行入去?!

不過聯合醫院重建工程已開始, 整好後可能有其他方法出入, 非常建議整特快升降機 / 行人天橋連接秀茂坪公園, 因秀茂坪商場行去醫院就係對面路程很近
95M 取消也不是難事, 但要搵替代難度會大左少少, 建議找 13M / 213M (轉單層加班改道), 34S / 34M 專線 (大幅度加班) + 76B 爛線做聯合醫院 = 幫手

而且目前協和街(聯合醫院站) 可雙向返九龍灣 / 可雙向返秀茂坪寶達 / 可雙向返四順-彩虹, 不少人見邊面有車先會直接過衝馬路去對面搭車, 有雙飛線相當是好事但班次不夠幫助不大
98B 逆走或能解決問題, 協和街沒平車返官塘肯定比人剷到開花, 95M 可考慮下用全新思維去調整路線(即於不取消路線的情況下, 又甩到車出黎去解決)
否則 93K 一早就取消到十年, 年年都有新意見聽, 上年就話取消後 98A 裝不晒 D 客 + 縮班縮人縮數, 今年已聽說有人話九巴用 BBI 轉車時間做手腳=轉車乘客直接比短程要最貴車費, 要求區議員制止運吉把沒鐵地帶巴士服務無理地縮減, 個人也建議紅色小巴除左快速公路不行得外, 可行走香港任何地區(包括:東涌機場赤柱邊界), 以加強穩定性, 解決巴士班次不足 + 港鐵故障沒車的問題

本身曉光街落官塘的路線都不少, 上秀茂坪寶達又有 601, 601P, 13X, 93A, 1A
返官塘有 13 回程專線(去程經將隧公路), 34S 專線, 要把 95M 解決比較容易(個人不推薦咁做)

個人對 95M 調整新思維, 包括以下幾個
1. 95M 修改路線, 每日循環線由 TKO 往聯合醫院經曉光街折返, 全單層行走 30 分鐘一班, 並延長至寶林; 直接跟官塘脫勾, 93A 修改路線跟 95M 路線行走, 93A 則延長至坑口鐵路站, 短車/中車(雙層巴士) 行走, 飛走曉光街, 由協和街直達秀茂坪寶達, 平價分段由 95M Continued
2. 95M 改為每日繁忙時段, 探病時間單向運行, 其他時段由 93A 改經協和街解決, 曉麗苑客就要全日上秀茂坪坐 290A (建議加 13M -> 98A, 93A BBI, 轉乘位置寶達橋底, 秀暉樓)
3. 95M 全單層行走 30 分鐘一班, 行走路線不變, 而且兜入山上各個總站上落客 (村外站不設站), 93A / 98A 按需要自行派車支援 95M
4. 95M 全線轉為小巴 + 單層混合行走, 班次大幅度加強至單位數字班次, 但老人家同輪椅人士就用不到呢條線去醫院, 可保留一部低地台巴士應付緊急需要
5. 95M / 93A 雙線, 協和街交匯運行, 二邊也可返 TKO

expertuser2004 發表於 2016-2-9 19:39
暫時未有比協和街更方便的路線, 個邊有 LIFT 可上落巴士站, 方便老人家及輪椅人士
其他更方便的路線, 則 ...

嘩...閣下對將軍澳, 觀塘山巴士服務的不滿 & 怨氣似乎都唔細 wor.

我依個已經係在政府部門車隊 quota 種種限制下, 希望執車出嚟殺出重圍幫一幫沙田新田圍/觀塘山/翠林康盛等山區住宅的方案...



98B走線...

要做樂華&周邊居屋,
再加上要照顧曉麗苑 (秀安沙線唔知沒有在曉麗苑設站),
其實真係冇乜可能在協和街對調方向行走...

呢d無鐵路服務嘅住宅區, 都好需要一條經大老山去沙田市中心嘅路線, 俾條生路佢哋行啦...



其實聯合醫院返將軍澳,
依照我嘅計劃, 95M改為裕民坊循環線之後,
如果唔介意車程耐咗搭95M先落一落裕民坊,
其實都叫做可以在協和街聯合醫院站叫兩飛, 仲唔駛過馬路tim.

優先在該站豎立 ETA 顯示屏, 亦可方便人揀車搭.

leolaw 發表於 2016-2-10 11:00
嘩...閣下對將軍澳, 觀塘山巴士服務的不滿 & 怨氣似乎都唔細 wor.

我依個已經係在政府部門車隊 quota 種 ...

車站豎立 ETA 顯示屏   <-- 覺得個電視不是好準, 成日架車過左站都未唔識跳, 應最少每線有2-3個班次預計較好

安達臣線暫未有聲氣, 大部份路線行將軍澳道走不落曉麗苑, 應該 4 月左右就入伙, 估計好快會有新線開~

expertuser2004 發表於 2016-2-9 10:30
不計算沙田區同九龍東的問題, 只看 95M

要 95M 不經聯合醫院根本好難, 首先醫院有多個探病時間, 而且 50  ...

其實呢   ，   版友係唔係漏左條  23M  呢   。。。

只係覺得整多幾條20-30分鐘一班既線
吸引力唔大之餘仲玩緊現有班客

98B概念上唔成問題
但有798B同秀安沙既情況下98B開既機會好低
穗禾苑接上大老山方面可聃取
但經沙中先再上大老山吸引力冇咁高

280E如果為左雞80M同新田圍既話
我唔認為係好既做法
班次唔密旺區範圍細對客量有一定影響

280S更甚都唔知想玩咩客
西隧返四美大兜
單靠西隧轉乘完全唔夠客

Snowbb 發表於 2016-2-11 11:08
其實呢   ，   版友係唔係漏左條  23M  呢   。。。

#1 的官塘修改轉線圖已經研究左幾次, 當然有看埋 23M, 重點不是係呢條到, 而是返 TKO 平價分段客 + 老人家同殘疾人士 (93A 同 95M)
其次是找不到官塘轉車站係邊