87E 首航行車時間測試報告

今日我專程乘搭87E首航用車,由於該路線標榜為特快,因此我將行車時間記錄落嚟,另外該車客量大約為30-40%左右,過左烏溪沙站都仲有大把位坐,最多人上車有2個站(泥涌及烏溪沙站),下圖就係87E首航行車時間紀錄

今日唔知乜事獅隧公路無塞車, 巴士可以過咗收費廣場才排隊, 正常工作天應該要預多啲時間

pch_yeung 發表於 2016-2-29 09:57
今日唔知乜事獅隧公路無塞車, 巴士可以過咗收費廣場才排隊, 正常工作天應該要預多啲時間
...

今早吐公6車串燒

車程一個鐘左右可以接受
不過好奇泥涌竟然多人上車

烏溪沙路停站 同 烏溪沙鐵路站停站一刻，都分別差幾秒就7:49同51分。
我記錄到既時間: 開到錦英後面坳頂 7:54.5 到大水坑站 7:56.5 到金利來 7:59.5 到水泉澳Lift塔 8:01.5

九龍區內太子站之前無停到既站: 龍濤花園、男拔。男拔爬卸客中PX8537@1頭。駛到聖德勒撒堂時見到KTT列車北上(據MTR Service Update fb是日改單頭行駛有延誤)。

車長係7叔且貌相可能低於40歲。屬最後一批日薪制員工? 要讚一下佢九龍區有主動向等車乘客講"同87D一樣!"來吸客, 遇到位麻煩女士反覆兩次再問"係同87D一樣牙?", 仍沒有發爛渣

我數到既客量(入隧道): 56人, 不計企緊既職員, 巴迷近半, 全車男性比例明顯多!  跟36X首航時全車客人數量差唔多, 但巴迷唔見多過5個