候機室等上機時，地勤再check登機證，所為何事？

大家都知道，911後，搭飛機越來越多無厘頭規矩，最無厘頭莫過於禁隨身指甲鉗，但跟團時o個個有針既團章又得，飛機餐用金屬刀叉又得。

另一樣就係，候機室等上機時，通常係排緊隊又未到時，總有地勤要你出示登機證同護照(或回鄉證)，佢望一望後，就用箱頭筆o係登機證上撩兩撩或畫個圈，完。有冇c hing知道點解要咁做？同埋係咪得香港機場有咁做(印象中，外地機場好似未試過咁，可能記錯)？

最好盡量詳細，唔好淨一句「保安理由」，我當然知係同保安有關，但我唸極都唔明呢下動作可以點加強保安。

先謝！

確認登機証係其本人, 避免有人持他人登機証上機, 因為之前試過有偷渡客係登機前交換登機証並成功登上客機飛往第三地

tkglobe 發表於 2016-2-29 21:20
確認登機証係其本人, 避免有人持他人登機証上機, 因為之前試過有偷渡客係登機前交換登機証並成功登上客機飛 ...

我之前都估會唔會係呢個原因，但係咁又更加唔明，
劃左登機證後，都仲要排一陣隊至上機，期間一樣有機會偷龍轉鳳，
點解唔去到臨上機前一刻，登機證過機搣飛時先做？


同埋就算偷渡客，「正常黎講」都要買左機票，辦妥登機手續，取得有效登機證，至入得候機室，佢點解唔直接買目的地機票，而要咁樣安排個同黨去換？定係有D咩「自己方式」入候機室？
更大問題係，就算畀佢過到骨，上到機飛到去佢既目的地，離開機艙後，又點避過當地入境檢查去「偷渡」入境？


唔好意思，好多問題，真係一頭霧水

mckhgc 發表於 2016-3-1 00:56
我之前都估會唔會係呢個原因，但係咁又更加唔明，
劃左登機證後，都仲要排一陣隊至上機，期間一樣有機會 ...

唔好以為機口班姐姐仔剩係meet飛,
後面有個supervisor/leader睇住成個場,
有可疑會響meet飛時hold住你再check一次

另外換boarding pass問題仲簡單,
大陸人買一張香港去廣州o既機票,出左boarding pass之後換你張CX888 boarding pass咪可以去溫哥華囉
去到再用假passport入境
之前上過報紙喇
得閒留意下新聞,好多其他機場都開始咁做

mckhgc 發表於 2016-3-1 00:56
我之前都估會唔會係呢個原因，但係咁又更加唔明，
劃左登機證後，都仲要排一陣隊至上機，期間一樣有機會 ...

我估係去到閘口先檢查乘客，登機證同護照，
登機過程會慢好多。

乘客排隊果刻檢查佐護照同登機證先，去到閘口就只需要搣飛過機，
就可以加快登機流程。
閘口的supervisor負責睇埋有無人借機插隊，偷龍轉鳯


由地勤預檢去到閘口，要偷龍轉鳯就唔係換張登機證咁簡單，係要換人。
無遮無掩要換人，盲的都睇到吧。
要遮遮掩掩製造混亂玩單擋，咪即時在閘口檢查多次囉

其實尼, 再CHECK多次登記證時, 多數係在差吾多開始BOARDING先做.
果時已經FORM左一條人龍.

CHECK完要出古或既其實好明顯

唔該晒各位c hing解答先！
不過又無知一問，偷渡者點解要咁做？我完全唔明，就以Oliver_ME16兄既例子，
某偷渡者以合法正常方式，買香港去廣州機票，去機場check in拎去廣州boarding pass入到禁區後，換CX888 boarding pass去溫哥華，點「換」？

係去CX888登機閘口附近，搵機會打荷包咁樣去撻？睇怕得手都機會唔大，就算得手，失主向一定向地勤報失，之後一定穿煲；

定係預先安排另一人做同黨，買CX888機票落同黨個名，都係合法方式入禁區後，同黨同偷渡者交換boarding pass，變成偷渡者去溫哥華，同黨去廣州？
咁就更加奇，偷渡者既然有假護照入境溫哥華，點解唔直接用假護照上既名去買CX888機票？
唔通假護照呃到加拿大出入境檢查官員，呃唔到航空公司地勤？

mckhgc 發表於 2016-3-4 21:37
唔該晒各位c hing解答先！
不過又無知一問，偷渡者點解要咁做？我完全唔明，就以Oliver_ME16兄既例子，
某 ...

其中一種假護照，其實係被盜的真護照

如果一開始用假護照資料買機票同登機，由訂飛、登機、離境同入境都有可能穿崩
因為呢D被盜的真護照係有紀錄

用番真0既資料訂飛，至少訂飛、登機、離境一定無事。少佐三個穿崩位。
禁區換完登機證，登機果下，最近一單係要收買地勤去過骨。
到目的地入境，美加我唔清楚啦，
要楂歐盟護照去歐盟區，係咁易哂一哂就入到境，亦唔會檢查番你張機票係咪同名，咁就過哂咁多關


至於同黨啦喎，同（被收買的）地勤講話有突發事，要番出去，應該俾你去番入境大堂入境？

s3n370 發表於 2016-3-5 00:21
其中一種假護照，其實係被盜的真護照

如果一開始用假護照資料買機票同登機，由訂飛、登機、離境同入境都 ...

至於同黨啦喎，同（被收買的）地勤講話有突發事，要番出去，應該俾你去番入境大堂入境？

其實人蛇自己出面一次過拎兩張登機証入禁區咪得囉
同黨乾手淨腳乜都唔駛做

利申:知到有人蛇咁做過之後去到機口比地勤報警拉左

mckhgc 發表於 2016-3-4 21:37
唔該晒各位c hing解答先！
不過又無知一問，偷渡者點解要咁做？我完全唔明，就以Oliver_ME16兄既例子，
某 ...

似乎你對呢個世界都仲係覺得好完美

日日幾千萬個客你估真係咁得閒同你仔細Check咩

全世界都請唔夠人

分分鐘你講既野日日都發生緊

唔係點會間唔中有搭錯飛機既新聞