不滿同工不同酬 九巴文職員工去信署長告狀

kitarolo 發表於 2016-3-4 09:58
#16 疑似使用粗口近音字...

無公平先係現實世界嘛

喂「生不逢時」四隻字好似係你上一頁講喎
我都係用返生不逢時嚟駁你啫
咁事實上個世界係一直 run 緊，每個年代都會帶來唔同嘅現實 (職業上嘅需求、物質上嘅供應)

至於和諧，我一直都覺得有人嘅地方就唔會有和諧
因為每個人睇野都感覺都唔同，一定會有爭論，口對口君子辯論咪最和諧囉
唔好講香港，唔通大陸真係冇反對聲音咩?
唔通想要希特拉嗰種和諧咩?

無論係呢個壇定柏斯敦，我都睇到唔少巴迷都幾高登思想，當然甚至係高登仔啦
北區重組日日夜夜鬧垃圾，因為益晒華明劉國勳；59A 減班抽何律師；116 新巴想減車仲抽到好興奮

唔學建制唔通學犯民咩?
以你最後一句「公義」，日日夜夜話個世界冇公義好似係班反對派喎
好似份九巴工咁，又話唔公義但又做十年，佢本人咪又係呢個制度嘅罪魁禍首
話我落井下石，得罪講句，如果佢真係咁矛盾，真係唔抵幫喎
唔通好似啲高登仔咁，見九巴係大企業就有理冇理插咗先咩?

想問一下咁新入職既車務主任有無呢D花紅出架

hk20020062 發表於 2016-3-4 16:49
喂「生不逢時」四隻字好似係你上一頁講喎
我都係用返生不逢時嚟駁你啫
咁事實上個世界係一直 run 緊 ...

首先，打工仔唔係話"唔做就唔做"。佢地辭左職出到去未必有人請 (因為不同原因,例如年紀大), 又或者成個行業的待遇都係咁，去邊間公司都係咁。所以有人話打工仔既然唔滿意公司，但又做左咁多年, 自己都有責任, 完全無視社會現實，離地萬丈。

其次，點解我同佢做相同的工作但人工不同? 唔好再用一句 "呢個世界係唔公平" 去解釋。我同其他同事做咁多野，點解因為我入職遲而硬食一個低的人工?

仲有,有人話爭取同工同酬, 係因為新入職, 到做耐左就會掉轉反對同工同酬。我想問? 你又知? 新入職冇得同工同酬未正正係因為呢種老屎忽心態，我有就得, 新入職的唔可以有。

其實，我最討厭就係呢種人，自己又唔係人工高, 職位高, 但永遠幫老闆講野, 自己甘心做奴才，又要迫人地做奴才。呢種人第日公司炒人, 第一個炒佢, 唔好係到怨點解要炒我?

除開工時間不應篤手機
「守時」係基本要求吧,
近一兩年入職? 莫講話剛剛
離校者,就連中年人都會覺得
「行行唔夠人且人口老化,遲
十零分鐘又如何」還有他們有的
是轉了工種、完全新環境亦如是。

一講呢類題目,很多人
會誤解以為新入職要同
一定年資者同工同酬,至少
我從沒講過(其實我認為自己
「上咗岸」雖然係打工,但升唔升
或者轉唔轉工種都唔太重要)

社會精益求精,由工業興旺
走向式微或轉型,學歷及個人
技能等要求越來越高係必然,
除非想社會退步,現在就是出現
「放寬」甚至係「遲嚟先上岸」
兼且有一撮人係打工卻站在僱主
一側去批評員工。要麽就是入世
未深,要麽就懼怕「他朝君體也相同」
等退休,擔心最終會難以獨善其身。

珍惜份工,都要被批係港豬,
不停轉工(即使每次轉職工資
都有顯著增長,夠叻仔/女吧)到時
一樣會有其他貶義詞形容佢囉。

雖然如 #23 所言,辭職
與否,僱員要衡量自身條件,
不過世界上又真係無咗任何
一個人都得嘅。經過呢篇討論,我
學到年資與起薪點係無關連嘅歪理,
而且係出自一名相對年輕者。

stevegold 發表於 2016-3-7 21:19
首先，打工仔唔係話"唔做就唔做"。佢地辭左職出到去未必有人請 (因為不同原因,例如年紀大), 又或者成個行 ...

我都係嗰句
一隻手掌拍唔響，九巴制定呢種「福利」係一隻，咁另一隻喺邊?

潮流興講貼地
說穿了咪又係想聽一啲啱聽嘅說話，逃避現實；或者講一啲討好人哋嘅說話
對唔啱聽嘅說話、唔啱睇嘅事實過濾，並扣上「離地」帽子
講白啲即係為氹你而氹你，懶係要講啲啱對方聽嘅說話
再講白啲，即係偽君子
唔該你懶係貼地之前諗下，都係嗰個問題：明知個制度有問題都仲做十年，佢哋真係冇問題?
唔好懶係好有人性咁盲目貼地，唔打得唔鬧得唔彈得唔踩得

家陣呢個社會風氣嘅另一種就係笑人係奴才
但笑人之前，唔該諗下自己係咪都係奴才
唔係擦老闆鞋就叫奴才
真正可以笑人係奴才嘅只有足不出戶、唔會每朝早做沙甸魚、唔會同其他打工仔浩浩蕩蕩咁返工，日日夜夜喺屋企做宅男唔返工嗰班

我唔識講貼地嘅說話
離地嘅說話：「個現實就係：你唔走，就唔該合埋把口，繼續做所謂嘅奴才」
貼地就係：「...」我真係唔識講

hk20020062 發表於 2016-3-11 17:39
我都係嗰句
一隻手掌拍唔響，九巴制定呢種「福利」係一隻，咁另一隻喺邊?

我都係嗰句， 做幾多年都唔代表員工滿意而家呢個制度。原因已經係上個post詳述, 不再重覆。

其實最離地係你，無視社會現實, 一味去批評d員工，忽視佢地的苦況。班打工仔每朝早做沙甸魚、浩浩蕩蕩咁返工，而家批評下個不合理制度，你就叫佢地"你唔走，就唔該合埋把口"，真係又無恥又離地。

最後，我認為香港社會而家的矛盾，並唔係中港矛盾，而係人同奴才的矛盾。有一種奴才，自己唔係既得利益者, 日日比人壓迫，反而仲幫既得利益者講說話，批評被壓迫者。呢種人，我認為係死不足惜。