西鐵實際用處

miklcct 發表於 2016-4-25 16:55
我搭開西鐵南行最多人嗰段係天水圍至朗屏（唔計尖東至紅磡），通常天水圍，朗屏都落唔少人，喺兆康上車無 ...

西鐵早繁南行最多人嗰段係錦上路-荃灣西

Kaix 發表於 2016-4-27 01:22
西鐵早繁南行最多人嗰段係錦上路-荃灣西

但係非繁同假日唔係呢段最多人，而係我所講嗰段，同埋尖東至紅磡。

kinkisharyo 發表於 2016-4-26 09:09
我都係隨便舉個例啫，唔駛咁惡質疑我冇邏輯嘅
我都係想指出西鐵沿線好多調頭側線可以用，冇需要班班車 終 ...

往紅磡－2分鐘－ 往錦上路－2分鐘－往紅磡

咁你過左錦上路咪幾成4分鐘一班

你點都唔會追得番2分鐘一班啦

咁咪加多幾班天水圍特車咪得

係時候由 神邏輯 返黎啦！
客運鐵路通勤，除左帶來交通便利，鐵路系統相對可靠及準時嘅特點亦係好重要
對於啲好講求要準時返工嘅行業或者工作，你撘西鐵好少可會出事，有大件事就全世界都知


巴士你遇著喺屯公三幹 壞車,撞車,不明事故塞車,大風封橋,落雨慢車,.......
咁你就出事了.....


咁既然鐵路系統講求(返工)準時可靠，
加堆短途特車只會打亂返工客個時間表，同趕客無異！
睇睇堆東䥫客遇正直通車時嘅表情就知乜事....

所以大家就要針對住錦上路嚟反對短棍？
所以你哋覺得沙中線通車果陣唔應該有短棍？
所以講兩句就叫做神邏輯，定係你覺得所有短棍就等於中途站<>中途站？
然後遲兩分鐘就會死？唔識早兩分鐘出門口？
一半人美孚南昌落車，然後就要令去尖東果班人迫沙甸魚或者冇車上？
香港人係被寵壞定係根本蠢唔識變通？咪咁自私啦...
好想問你哋有冇見到天水圍特車清晒天水圍朗屏元朗嘅人？
究竟你哋有冇搭過西鐵，有冇試過要等多幾班車？

我都係學蘇局長講句：等多班車囉！

如果某個站打後既客明顯減少, 開短棍盡快調頭節省資源, OK
但錦上路以南? 唔係囉, 相反幾乎係最逼果段

比個例子你, 以前761天榮做總站,
天恆打後近乎無人, 咪要開天逸短棍囉
你唔會走去開元朗至洪天路清客短棍卦

kinkisharyo 發表於 2016-4-29 11:25
一半人美孚南昌落車，然後就要令去尖東果班人迫沙甸魚或者冇車上？
香港人係被寵壞定係根本蠢唔識變通？咪咁自私啦...
好想問你哋有冇見到天水圍特車清晒天水圍朗屏元朗嘅人？
究竟你哋有冇搭過西鐵，有冇試過要等多幾班車？

我想問朝早設南昌特車點樣令去尖東果班人易d上車??
去美孚南昌班人唔會專登group埋搭哂班南昌特車，
南昌特車唔會令下一班紅磡車少左人，反而仲多左人，
結果去尖東果班人仲難上車

假設每三分鐘有1000人去美孚南昌，1000人去柯士甸尖東紅磡

8:00：紅磡車
1000人去美孚南昌+1000人去柯士甸尖東紅磡=2000人上車

8:03：南昌特車
1000人去美孚南昌+1000人等下班=1000人上車

8:06：紅磡車
1000人去美孚南昌+2000人去柯士甸尖東紅磡=3000人上車

所以以為疏導目的的天水圍特車永遠設在早繁南行，而唔會設在晚繁北行，
同樣道理，以疏導為目的的南昌特車永遠設在晚繁北行，而唔會設在早繁南行

Kaix 發表於 2016-4-29 14:44
我想問朝早設南昌特車點樣令去尖東果班人易d上車??
去美孚南昌班人唔會專登group埋搭哂班南昌特車，
南昌 ...

如果個個都咁乖，去柯士甸尖東紅磡0既客，南昌車都照上。
咁南昌短棍係行得通的。

但問題係唔係個個都咁乖。同埋如果佢真係熟西鐵，
無理由唔知南昌站都多人上車/由東涌線轉過黎。
仲有唔好忘記西鐵仲要載新界東落尖沙咀客，紅磡站月台有幾墟冚
西鐵少幾班未必載唔哂，但係月台就…
到時紅磡南昌兩站出事，佢令壽堂會應接不暇

ryandroid 發表於 2016-3-7 19:58
當初屯門人唔堅持西鐵線入屯門
或者西鐵線起好就會起荃屯鐵路
嗰時人工平、物料平

只不過如果西鐵冇延去屯門，屯門公路要塞多幾多年？唔好忘記前幾年屯門公路做改善工程嗰陣，以西鐵通車後減少咗嘅車流，都可以塞車

而且屯荃鐵路只通到荃灣西，又多站，俾着我係屯門人，就算知道唔要西鐵可以換條屯荃，咁要西鐵一程過出到市區，好過屯荃又要喺荃灣轉車啦
同時當年個技術起屯荃造價都係會好高，唔係規劃西部鐵路嘅時候就唔會選擇做天水圍+元朗，咁屯門人實際上揀屯荃有冇着數到？

再者，屯門人而家揀咗西鐵，因為行車時間吸引力一般，而唔駛俾政府嘅保鐵政策綁死啲巴士線要減班/取消冇得揀，會唔會都係一件好事？將來又有西部外走廊嘅規劃，起咗屯荃，又會唔會有機會再有第二條鐵路直出港島？

Ricky403 發表於 2016-5-2 12:42
只不過如果西鐵冇延去屯門，屯門公路要塞多幾多年？唔好忘記前幾年屯門公路做改善工程嗰陣，以西鐵通車後 ...

而且屯荃鐵路只通到荃灣西，又多站，俾着我係屯門人，就算知道唔要西鐵可以換條屯荃，咁要西鐵一程過出到市區，好過屯荃又要喺荃灣轉車啦
同時當年個技術起屯荃造價都係會好高，唔係規劃西部鐵路嘅時候就唔會選擇做天水圍+元朗，咁屯門人實際上揀屯荃有冇着數到？

現今的屯荃鐵路方案係基於「屯門已有西鐵」情況下去構思，
為左唔浪費西鐵屯門段功能，所以屯荃鐵路係接駁線並且側重青公沿線

既然討論得「西鐵冇起入屯門」情況下的屯門鐵路，
點解仲要用現今的屯荃鐵路版本作為討論前設??

邊個話屯門鐵路一定要係荃灣西做總站??
邊個話屯門鐵路一定要設咁多青公站??

當年起荃灣西-柯士甸其實要預留四軌行車，
先可以應付新界西的長遠需求