請問KTT有否入過石牌廠？

ktt應該唔會入。因為最後返到黎香港都22-23點。直接返入何東樓。
旺角火車站有泊東鐵列車

kkng 發表於 2016-3-17 01:01
ktt應該唔會入。因為最後返到黎香港都22-23點。直接返入何東樓。
旺角火車站有泊東鐵列車
...

KTT應該唔會入石牌廠, 相信冇零件響果度.KTT有事在鄰近經濟強國路段跪低的話都係搵另一車頭推番黎香港啦

jackson1003 發表於 2016-3-17 10:07
KTT應該唔會入石牌廠, 相信冇零件響果度.KTT有事在鄰近經濟強國路段跪低的話都係搵另一車頭推番黎香港啦
...

現時2地直通車﹐如在對方路段故障﹐未能即時處理﹐都會由對方派機車拖去深圳站﹐再由自己的機車到深圳站拖返自己車廠。

即是 :

KTT 在國內故障﹐未能即時解決問題﹐國內便會派出機車拖KTT 去深圳站﹐再由MTR派出柴頭過羅湖橋到深圳站接應﹐再拖回香港處理。
(通常係單頭情況)

國內車在香港出故障﹐便會由MTR派出柴頭﹐直接拖車過羅湖橋去深圳站﹐之後MTR機車折返香港﹐直通車交由中方自己處理。


正常的班次情況下﹐KTT 係唔會在國內過夜的﹐每晚都會做完尾車返到香港﹐落客後返回何東樓車廠﹐聽講每一晚都要做一件最重要的事------- 為車廂廁所吸屎﹐所以每晚都要返何東樓。

bjbus 發表於 2016-3-17 13:08
KTT有無試過在內地段晚上出現晚點，
當晚唔翻香港入石牌呢？

正常情況﹐KTT 尾車係會載客返香港﹐即使單頭運作﹐列車班次有延誤﹐都係會開番部車(載客)返香港﹐未聽過要在國內過夜。
如果真係要KTT在國內過夜﹐相信只有1個情況下才發生 :
- 廣深路段﹐4線路軌都因意外令到封閉唔可以行車。

即使尾程壞車﹐如果已經上客﹐會基於車上乘客已辦理國內出境手續﹐便會盡快拖車回深圳站交由MTR機車再拖番香港。
(除非車未開出﹐乘客可在廣州站即時落車做番入境手續)

如果未上客已決定取消班次﹐都係會安排稍後拖返羅湖。(國內車在香港相同情況﹐安排亦如是)
分別只是緩急問題﹐有客會快一些安排拖去深圳﹐無客會慢慢來﹐在路軌較空閒的時間才拖車。
KTT 唔會在國內過夜/維修﹐因為國內無相關人員去處理。同一時間香港MTR亦唔會攪國內機車﹐因為MTR無人識整大陸車。

這亦解釋到﹐點解KTT單頭運作期間(例必有誤點)﹐MTR要派出機車拖留港過夜的直通車去何東樓(或其他車站)過放﹐但唔包括部機車﹐機車會仍然停在紅磡過夜。