今日購報時見聞

今早六時許，小弟到7仔購報時見到有一條數十人的人龍，小弟頓時覺得奇怪，心想：「咁早排ｄ乜隊買乜？」。之後好奇問職員，原來是搶購月亮報，之後我再追問輪報之街坊：「做乜要爭買月亮報？」，他們答我因為今日有十元停車場超市現金券+十元M記現金券+屈人士$13.9夾心餅，出$4賺$29.9，「咁著數，做乜唔買？」，話口未完，小弟就見到有人購下一整捆未拆開之月亮報，也有很多人一口氣買下數份。

跟著小弟也有到其他的報攤、7仔同圖圈便利店，同樣有排隊及大量賺月亮報的情況，有一處更有人因購報問題而大打出手，要勞煩警察出面調庭。

到了十時許，小弟再次外出，經過報攤時，仍見到有人排隊購報，但當時未有加印之月亮報送抵，人們唯有再等，之後小弟再行往距小弟家15分鐘路程遠之聯和墟，亦見到有報攤有人排隊購報，但小弟見到有部份報攤之分闆抽起報張內之優惠券，但冇完份月亮報賣，之後我又見到雖然有月亮報賣，還要是剛運抵兼正在砌疊中，小弟就買一份，但該老闆卻答我：「冇呀！」，當時我心想可能是留給自用。

好了，當我返回我家附近的商場內之一個報攤，內裡有月亮報賣，我叫老闆買一份給我，他說：「冇現金券播！」，我問他為何，他表示他的報攤已一早於七時許售完月亮報，而該些存貨乃一些賺報後之人，取了現金券之後，全份報紙不要再轉售給他們，「囉著數」之餘又有錢賺，而報攤再以$2轉售予其他讀者。最後我沒有買。

其實現今的香港人係乜心態，貪小便宜之際，又要瘋狂去搶，真有些貶低自己的人格，試問比來港旅遊之遊客看到，人家會怎樣看？真影衰香港人。

香港人幾時先醒過來？

原帖由 poly43092 於 2006-5-13 16:45 發表
今早六時許，小弟到7仔購報時見到有一條數十人的人龍，小弟頓時覺得奇怪，心想：「咁早排ｄ乜隊買乜？」。之後好奇問職員，原來是搶購月亮報，之後我再追問輪報之街坊：「做乜要爭買月亮報？」，他們答我因為今日 ...

上次該報送芝士餅，有人一拎就拎o左3大箱(每箱大約20盒)．．．仲要用車仔車走

點解方向報仲快買完過月亮報呢?

因為多野睇少少.

我屋企果頭如果送得野多果日.
佢地會界定比你.

比$2.5只係拿飛
剩低既報紙再賣過

原帖由 ChickenTong 於 2006-5-13 18:17 發表
係太陽報既問題姐,試問有著數有邊個唔去搶?
閣下咪又係去買月亮報......

從文中所見
其實都唔知樓主想唔想買月亮報?!

晨早六點落街有得賣o既時候又唔去買
十點落街有得賣o既時候又唔去買
到左要買o既時候又去到邊度都買唔到
又要投訴,話大家貪小便宜,貶低人格

溫馨提示
明知月亮報一早就咁渴市
就唔好咁老定等到最後一分鐘先去買啦

咪好lor!懂得分開賣,至少不用做了癈紙

聽屋企人講，今朝有報攤將所有頭版留起，即係話俾四蚊（今日起加價）買份報紙，
但係冇新聞俾你睇，呢個咩道理黎架，家下究竟你係賣報紙，定係賣優惠券？

原帖由 poly43092 於 2006-5-13 16:45 發表

其實現今的香港人係乜心態，貪小便宜之際，又要瘋狂去搶，真有些貶低自己的人格，試問比來港旅遊之遊客看到，人家會怎樣看？真影衰香港人。

香港人幾時先醒過來？

唔好話我話乜，正正就係因為呢 D 所謂「人
民」，左仔先會咁猖獗。

追求民主既過程入面，真係應該諗下係咪要
犠性某一大批人既某 D 自由。
(咁講似乎有 D 法西斯，但再縱容呢班人既話
香港有排都唔會有雙普選)