田少：廣深港高鐵主要目的地非廣州

雖然不嬲對而家嘅高鐵方案不太有好感，
但爆出呢單「全日只有一班直通廣州南」嘅「新聞」又真係無乜好鬧，
一來，而家直通車一樣全部要停常平，唔通就唔係直通車嗎？
二來，高鐵香港至廣州南要停多福田同深圳北都係加多幾分鐘，比直達車分別唔大呱；
不如諗下到時買票有幾難、去到深北廣南轉車有幾麻煩好過！
（係，題外話，印象中以香港始發去廈深／京廣沿線各地班次都好少，
做好準備到深北廣南轉車好過）

Kaix 發表於 2016-5-4 01:26
咁其實中港樽頸位一向在港方，
28公里距離要用成50分鐘先過深圳河，
全球最慢，仲要同本地客齊齊迫、同本地車齊齊塞，
對比下東京-橫濱，大阪-神戶，田少咁講有佢道理，
但特快版東鐵係高鐵其中一個功能，唔代表高鐵只係一條特快版東鐵，
不過做得特快版東鐵即係話客量已經有一定保證，
加上中環西九同福田會因高鐵直結而成為姊妺CBD，會有穩定的商務客流

而且又唔係冇車到廣州南，停1-2個中途站唔駛死卦，
同埋車次問題冇空域咁復雜，上面鐵路又越黎越四通八達，
10年之內西九可以開去廣州東又冇人提??
香港係咪真係只得短視的人??

當年直通車由「中途兩檢」變「一地一檢」確實唔係咁容易番到轉頭。
況且最怕將來就連「一地一檢」都做唔到，要降格做「車上檢」，即係淪為要用手提機器讀出入境證件既地步，請問資料保安方面仲有甚麼保障？
現時固定地點口岸最大既賣點就係所有出入境記錄能夠即時傳送至data center擺好，用手提機器讀證點到做唔到如此高既資料保安級數。

高鐵無論如何都不是主要供九龍人前往廣州用的（因為舊九廣鐵路能直達市中心），廣州南站只是一個長途接駁站。

政府早已回應明報這篇報導，並指出明報的資料錯誤：來往西九龍和廣州南的直達車暫定每日有 11 班，即大約一小時一班。
明報在上星期一說該報會連續三個星期一講關於高鐵的事，當日就說了若合資的調度權問題，結果就給政府批評和事實不符；今個星期二就說每日僅有一班港穗直達高鐵，結果又給政府踢爆老作。

就等下星期明報爆的料又如何給政府踢爆。


http://www.news.gov.hk/tc/catego ... 160504_165804.shtml
高鐵具體班次安排有待商討

運輸及房屋局局長張炳良表示，中鐵第四勘察設計院集團有限公司2009年向港鐵提交報告，當中提及的高鐵通車班次，只作規劃和評估之用。香港和內地當局仍在商討高鐵通車後的具體班次安排，目前未有定案。

張炳良今日會見傳媒時說，根據中四院的顧問報告，高鐵通車初期，每日有114對短途列車往返香港與深圳、廣州，其中61對提供不停中途站的直達服務，佔54%，可見直達服務為數較多。

張炳良又指，在直達列車之中，來往香港和廣州南的有11對，密度不算低。

他說，當年港鐵委聘中四院進行研究，只作參考，港鐵亦非只聘用中四院一間公司。

張炳良表示，政府在高鐵立項時提交的資料，不只提及來往香港與廣州的列車服務，還包括來往上海和北京等地的行車時間。在評估高鐵的整體經濟效益時，省時只是其中一個因素，還應考慮高鐵有助促進其他行業發展。

http://hk.on.cc/hk/bkn/cnt/news/20160503/bkn-20160503221209389-0503_00822_001.html

高鐵營運未定案　政府暗批《明報》錯引數據

【on.cc東網專訊】 運輸及房屋局晚上發出新聞稿，不點名澄清《明報》有關高鐵班次大部分非直通車的報道，強調報道所提及的中鐵第四勘察設計院集團有限公司文件列出的營運細節，僅作參考之用，絕非高鐵香港段最終的營運方案，重申運房局至今未就高鐵日後的實際班次安排有任何定案。

運房屋局澄清指，中鐵第四勘察設計院集團有限公司(中四院)曾於2008年受聘於港鐵，研究高鐵香港段的運營及維護方案，但指報告僅作參考，而根據2009年中四院完成最終報告，高鐵啟用初期，每日將分別有90對及24對短途穿梭列車往來香港與深圳及廣州地區。該114對短途列車中，直達服務佔61對，約佔總數54%，即每日有11對直達列車來往西九龍總站及虎門站，及45對直達列車來往西九龍總站及福田站，換言之，絕非《明報》所指高鐵96%班次非直通車。

運房局指，港方一直按2009年的規劃進行設計，與內地主管部門和營運單位商討高鐵香港段將來開通的營運細節，例如服務班次、列車需要停靠中途站數目及相關行程時間安排，重申在訂定高鐵香港段服務班次時需考慮多方因素，例如客流量的需要、兩地的行車組織及資源配置，目前未訂高鐵日後的實際班次安排。

SP3800A 發表於 2016-5-6 13:00
政府早已回應明報這篇報導，並指出明報的資料錯誤：來往西九龍和廣州南的直達車暫定每日有 11 班，即大約一 ...

今次真係夾硬嚟，我覺得係一班唔識鐵路（或無任何運輸概念）的記者拎到幾份文件就如獲至寶，
重話要一星期爆一單，但係堆文件已經好幾年歷史，好多野都可能已經作廢，唔知頭唔知路當大新聞，而家直情係出醜。
呢單料蘋果都廢事做，可能係蘋果入面有交通迷把到關啦。

kawachan 發表於 2016-5-5 10:25
係香港用一地兩檢可以方便旅客，不過要修改法例畀公安係香港執法，我敢講係危害香港人既安全，李波事件可 ...

我反而覺得李波事件同一地兩檢無直接關係。

似乎李波事件是不能驚動香港警方，不能經過香港海關（包括實施一地兩檢的深圳灣），於是才令李波以「自己的方式」回內地。
如果大陸公安要透過高鐵來香港捉人，則他們就要經香港海關，被捉走的人也要經香港海關，那就算不上以「自己的方式」回內地。


另外，我不相信大陸執法部門能輕易透過石崗車廠來捉人回內地。

barking 發表於 2016-5-5 21:27
一地兩檢預言一程直通廣州呢回事難以實現 ; 既然全車乘客已check-in PRC , 咁班列車順理成章停多幾個車站
...

未必。其實最終都是看利潤而已。如果直達車上座率和利潤高，咁始終都會有得做。

不過，而家真係講唔實。

miklcct 發表於 2016-5-6 11:35
高鐵無論如何都不是主要供九龍人前往廣州用的（因為舊九廣鐵路能直達市中心），廣州南站只是一個長途接駁 ...

其實從廣州南站去廣州不少地方都近過由廣州東站過去。我覺得將來香港人透過廣州南站去廣州的應該有不少。