港鐵查証唔受副本 破壞母親節阻兩粒鐘

GCx468 發表於 2016-5-12 14:05
一來，港鐵寫明既規例模糊，並未有對閣下"如果學生退學, 即不能享用有關優惠"一說提供證據！
二來，退學 ...

呢d咪刁民理論囉+所作所為...

第一，作為一個人係要有責任，唔係俾錢係客就大晒，用一張咩車票自己知有冇呢個權力，竟然仲可以賴人唔講唔教唔宣傳，但自己唔識去睇去問??

仲要"港鐵客務中心有無八仔提早註銷學生身分服務？免費？" 識得呢度問，不如去CuC問...


第二，一直都有講到期就會自動變身做成人八達通，不如問下d人自己有無睇俾佢d資料，或者叫D學生自己醒少少去買張成人仲好啦，唔好講到乜都唔知好無辜咁可憐，講真咩身份自己最清楚吧，否則唔會咁多學生博大矇走去買優惠單程票吧，搭k巴就扮晒蟹入2蚊...


btw，人地俾多d時間係方便學生可以在extend下一個學期時可以無間斷地有優惠，無人話一定可以用到10月尾的，呢個只係果D想貪著數但又唔跟規矩果D人的單方面想法... 果D例子唔係良好學生，良好乘客，而係一個最基本的乘客責任...

良好??? 唔好講到自己咁偉大啦，又想用盡自己身份用盡晒優惠，但又唔用盡自己責任睇清楚告示，條款同資訊，但又要怕中招俾職員周，講真呢d人抵死啦，你估老奉俾優惠?? 反之，一個人常理就係用返正價搭車，唔應該將個波推返俾職員話人地好查你，因為本身就應該有身份證明文件正本去證明自己用呢個優惠的資格

GCx468 發表於 2016-5-12 14:05
一來，港鐵寫明既規例模糊，並未有對閣下"如果學生退學, 即不能享用有關優惠"一說提供證據！
二來，退學 ...

實話實說﹐而家有2個情況。

1. 學期未完但學生唔再讀書﹐即學生提早退學。

2. 學生完成學期畢業﹐不過所謂的畢業時間係早過10月學生八達通的有效期  或  正常畢業後7月中至10月已經投身社會﹐學生八達通仍然有效。



我只會講﹐針對情況1﹐學生有責任通知MTR的﹐至於MTR點處理便是他們的事。
http://www.mtr.com.hk/ch/custome ... _travel_scheme.html

終止學業／更改個人資料
如你不再符合全日制日間課程學生資格，則個人八達通上的「學生身分」即屬無效，必須立即致電港鐵熱綫。

MTR 官網講得好清楚﹐責任在持卡人身上。
即係﹐MTR職員係可以了解你是否仲係學生﹐例如出示學生証﹐學生手冊之類。


********************************************************************************************


但係針對情況2﹐又有灰色地帶了。
MTR一直都無講點處理﹐包括非八達通年代﹐只係講到期自動收番成人價(以前用乘車證講明有效期的)。
我正常畢業又唔等於我唔會繼續升學﹐學生八達通身份去到10月尾才完結﹐擺明又係針對升學轉校時的交接期。

理論上﹐9月1日為開學日﹐即係一個學期的新開始﹐即係學生身份係去到8月31日﹐如果真係唔升學﹐相關的人又要通知MTR﹐要為每一個申報的人做處理﹐MTR又做到PK﹐既要做新申請﹐又係人手做註銷工作﹐全部集中9-10月去做。

睇個勢﹐官網唔清晰講暑假到10月尾﹐新舊學期交接期的安排﹐會係刻意留灰色地帶﹐可以慳人手處理﹐亦為學生提供時間去決定是否升學﹐以及9-10月才知道的後補學位之類。
所以﹐這個期間都係睇八達通便算﹐最多只係確認你是否真正的持卡人。
俗D講句﹐學校都未必短時間內(特別係9月初)提供到新的學生證給新生及升讀中四學生的新學生証。

如果MTR真係執到正﹐N年前便應該學生身份應該係8 月31日完結﹐9月1日自動轉收成人價﹐直至重新處理八達通學生身份為止。

PS. 針對情況2這個存在灰色的情況﹐究竟係應該點處理﹐真正答覆應自行向MTR查詢了解﹐即管睇下MTR有什麼官方解說。