270A可否飛走九龍塘？

或者開一條飛走九龍塘嘅特別班次？

其實270A, 271, 81C呢啲真係要考慮下行窩打老道天橋，九龍塘真係好少客，根本唔值得甘樣塞燈塞車
特別270A要同東鐵對撼

jocosben 發表於 2016-5-10 18:40
其實270A, 271, 81C呢啲真係要考慮下行窩打老道天橋，九龍塘真係好少客，根本唔值得甘樣塞燈塞車
特別270A ...

其實有時塞車塞起上黎條天橋會仲塞過下面條路
窩打老道主要係睇順唔順燈既者

HV9990 發表於 2016-5-10 20:17
其實有時塞車塞起上黎條天橋會仲塞過下面條路
窩打老道主要係睇順唔順燈既者

繁時多數搭村巴飛天橋真係快好多
行下面成堆巴士排隊入站，但好多時排完都發現無客上，呢個時候又miss左綠燈
270A,271呢啲多數客都係油麻地尖沙咀，但油麻地後仲要停甘多站同燈先上到獅隧，感覺真係好差
我覺得聖佐治大廈之後應該全飛
原本初版270S飛九龍塘我以為會係270A既一個試驗，可惜之後無甘樣做

開 T270 下繁班次可以協助嗎?

HV9990 發表於 2016-5-10 20:17
其實有時塞車塞起上黎條天橋會仲塞過下面條路
窩打老道主要係睇順唔順燈既者

唔停站，司機自由揀路已經好足夠

最麻煩係過咗九龍塘地鐵站之後嗰組燈，同時三線只有一線係直行，其他係轉入,歌和老街。呢個位係最塞。行窩打老道天橋或者可以解決呢個問題，雖然如果塞車的話，就話唔定原路仲好！


同時，另一方向諗，南行方向有無方法行天橋?，取消聯合道個站，只停九龍塘地鐵站呢?
咁做可以避開轉入浸會條龍，我試過星期六下午坐81C去九龍，响嗰條斜路塞咗成半粒鍾，只係聯合道條車龍未消化晒。
但係九龍塘地鐵站係有需要的，因為如果窩打老道真係半跪低時，最方便轉鐵ge站，平時用途唔大，但有事時真係會有用。

嘥時間第一
其次 繁忙時間喺油麻地已經坐滿 旺角打爆車
去到九龍塘都係飛站

matchnacu 發表於 2016-5-11 00:00
......但係九龍塘地鐵站係有需要的，因為如果窩打老道真係半跪低時，最方便轉鐵ge站，平時用途唔大，但有事時真係會有用。

吓，如果下下開巴士線要就塞車既時候可以跳到車轉到與巴士走線大致平行既鐵路既話，咁完全冇鐵路救到命既例如城隧線咪永世都唔開得？