沙中線行走的列車型號

各位，小弟多留言於巴士版，但有時都會瀏覽本版，今日見到沙中線ge新聞，表示沙中線新車做工有問題。報紙表示係國產列車。

http://orientaldaily.on.cc/cnt/news/20160609/00176_047.html

但係之前睇過本版一啲討論好似係用韓國品牌ge列車，咁沙中線其實係用韓貨定華貨定係韓貨華製呢?

好混亂啊

求解答

成個沙中線﹐最簡單講係會把前九鐵3條路線重組成2條。

東鐵線 : 路線不變﹐改為「南北線」﹐紅磡站改用新月台﹐之後過海(第2期工期)﹐全面改用韓製新車。使用中的英製番新車全面退役﹐日製車調去西鐵/馬鐵(東西線)使用。

西鐵及馬鐵 : 合併為一條線﹐改稱「東西線」﹐西鐵由屯門出發﹐去到紅磡站用全新月台後﹐經何文田站去到鑽石山﹐再入顯徑大圍接上馬鐵。列車將使用現時西鐵及馬鐵的列車﹐並且增加車卡到8卡 ; 以及由東鐵使用中的日製列車改為8卡調入東西線﹐由日本原廠負責改裝及製造補充車卡。
同一時間﹐亦需要購買全新列車以應付路線增長的需要﹐由中國車廠仿照日製列車製作﹐正正係近日運抵香港的國產列車。

其實「沙中線」只是一個項目工程，當中是包括「南北走廊」及「東西走廊」兩部分。

南北走廊即是把東鐵由紅磡站向南延伸過海到金鐘，將採用37列韓國製的新列車，列車的合約編號是1141B，簡稱R-train。

東西走廊即是把馬鞍山綫由大圍站向南延伸，經鑽石山、土瓜灣一帶到紅磡站，並與西鐵合併為同一條營運路線，
將採用48列現役的日本製的SP-train (內含合約SP-1900、SP-1950、KRS991及1151新車卡) 及14列中國製的新列車。
中國製新列車(仿製SP-train) 的合約編號是1141A。

其實唔算大問題。基本上肯定不會影響列車結構，但亦的確不太好看。

謝解答，咁講，唔知有無理解錯。

將來沙中線港島段通車後，沒有路線以紅磡為總站，紅磡站變成一個大型轉車站 同宜家九龍塘站相似?

matchnacu 發表於 2016-6-12 16:15
謝解答，咁講，唔知有無理解錯。

將來沙中線港島段通車後，沒有路線以紅磡為總站，紅磡站變成一個大型轉車 ...

正確

但用九龍塘站做例子就唔係好岩

油麻地站結構比較相似

要上落一層先轉到車

請問中國制仿SP1900叫咩train(F-train好唔好,F for fake/F**k)

其實想問問，點樣仿製?? 直接拎個批日本車的製造圖大陸整D似樣的車??

還是都要俾返D 錢日本公司買佢D 版權??

又或是列車係鐵路公司定製，版權係由鐵路公司擁有??

cklee19810419 發表於 2016-6-12 22:46
其實想問問，點樣仿製?? 直接拎個批日本車的製造圖大陸整D似樣的車??

還是都要俾返D 錢日本公司買佢D 版 ...

版權原本係九鐵
隨著兩鐵合併變左港鐵
結果...

cklee19810419 發表於 2016-6-12 22:46
其實想問問，點樣仿製?? 直接拎個批日本車的製造圖大陸整D似樣的車??

還是都要俾返D 錢日本公司買佢D 版 ...

所謂「設計」，其實都係好籠統既字眼，一架好似鐵路車輛呢D咁複雜既產品，最簡單咁講都有分外觀設計、內籠設計、系統設計、結構設計等等
比對返真假千九既凹痕，可以窺探到其實兩者無論係車身結構同埋焊接方法，都係有分別，再加上如果留意下真假千九係detail上既分別，可以話兩者共通點其實唔多，假千九並唔見得係仿製既產品
鐵路車輛既外觀同內籠設計呢D由產品設計師去做既野，好多時都係搵3rd party studio去做，而跟據慣例，受客戶委託而做既外觀設計，佢既知識產權仍然係屬於studio，但係客戶係有對該相關設計既「全權使用」權利(可以係營運商，亦可以係間廠)，除非另有協議；而系統設計同結構設計呢D由工程師去做既野，知識產權一般都係屬於間廠。
舉個例，C-train既外觀設計，係長客自己搵Tricon Design(當年長客既御用studio)做出黎，咁長客就可以全權使用果個設計，而RV2020系列，係龜蛋自己搵MBD同佢做，咁龜蛋就可以全權使用果個設計，而間廠係唔擁有果個外觀設計既相關權利。即係話理論上龜蛋唔能夠搵第二間廠去造出同C-train一樣外觀既車，而長客就唔能夠幫第二個營運商去造出同假千九一樣外觀既車。
個人估計假千九只係龜蛋用返本來千九既外觀設計圖，拎俾MBD惡搞完之後，連埋原千九既若干specification，再俾長客「以自己的方式」生產出黎
如果唔明，再舉幾個例子，輕鐵comeng/川崎、台北捷運西門子/川崎、北京地鐵14號線長客/四方，都係外觀幾乎一樣，但係其實本質上係唔同既野