港鐵加價特別優待東鐵乘客？

新東真係咁值得眼紅咁值得葡萄？

舉一個通勤型常客使用全月通例子


張三住天逸/澤/恆、李四住粉嶺華明/上水清河，均為不近西/東鐵之大型公屋群，分別使用正價 屯門南昌全月通 及 上水尖東全月通，每日往返中環返工，以5天工作，7月份上班20天為例

資料取自此網
http://checkfare.swiftzer.net/checkfare.php?m=1

張三每月車費 $836 (全月通連補差價)

李四每月車費 $749 (全月通連補差價) + KMB273/273B 3.5 x 2 x20 = $889

高下立見

這還未計算，通常一個月不止20工作天(即使5天工作，一個月最多會有23個工作天，更不用說5.5或6天)、假日出街、其他區內穿梭.....如果計埋，差距還全不止此數

*************************************************************

又睇埋車程，以最快搭法計，張三用東涌線香港站，李四用荃灣線中環站，時間根據龜鐵/KMB官網，

張三每程需時 ： 14分鐘輕鐵 + 36 分鐘港鐵，共50分鐘， 連接駁轉車 2 次

李四每程需時 ： 約7至10分鐘KMB 273/273B + 53/56 分鐘(粉嶺/上水)港鐵，共60至66分鐘，連接駁轉車 3 次 ，
如果好彩遇上東鐵獨家的蝗通車，一係在沙田/火炭/大埔墟待避，一係要等多(幾)班車(18:xx下繁時北行打仗，佢可以開兩班北行蝗通車，遇著佢，九龍塘站東鐵北行人潮，隨時多到月台倒灌返大堂)，需時更不止此數
*************************************************************
如果兩者都有幸住得近西/東鐵站，免接駁，

張三每月車費 $836 (全月通連補差價) 需時36分鐘，轉次1次

李四每月車費 $749 (全月通連補差價) 需時53/56分鐘，轉次2次(同樣冇計算蝗通車問題)

無計算假日出街、其他區內穿梭.....

張三每月比李四多付$87，如果以20工作天計，即每程多付$2.175(同樣，如果較多工作天、假日出街、有其他區內穿梭，每程差距將縮少)，但所得的服務質素差別，如差天共地的車站、較少的轉車次數、較快的車程、遠不及另一邊嚴重的蝗禍(唔係話冇，但網上不時出現既港鐵人蝗衝突、蝗蟲留金、客卡變貨卡既相/片，絕大多數都係東鐵，少數市區線，西鐵有幾何？)、無蝗通車、全IKK列車無漏風漏雨的廢烏蠅頭.......
是否值回此差距？看倌自己唸唸啦


*************************************************************
又睇下一個假日郊遊消閒例子(由於部分巴士不搭足全程，難以計算巴士需時，故兩者皆不計算時間，只計車費)

天逸/澤/恆 往新界西 BBQ旺地 大欖/小欖
輕鐵5A區往天水圍站、西鐵天水圍往兆康、鐵巴K51兆康往大欖
用全月通 $0
不用全月通 $4.8(成人八仔價，下同)


粉嶺華明/上水清河 往 新界東 BBQ旺地 大美督
KMB 273/273B 粉嶺華明/上水清河往粉嶺站/上水站、東鐵粉嶺/上水往大埔墟、KMB 75K 大埔墟站往大美督
用全月通 $3.5 + $0 + $5.8 = $9.3
不用全月通   $3.5 + $4.3 + $5.8 = $13.6



哪一個平價優質，哪一個貴價劣質，不用再說吧！

Kaix 發表於 2016-7-1 00:23
當年急急腳起南線，求其搵個最容易方法直達尖沙咀就算，勁短視

1) 成個旺角SKIP左，旺角都SKIP得??

其實我都好唔明，九龍南線同東涌線幾乎完全重疊，但點解會skip左奧運站？

mckhgc 發表於 2016-7-1 00:53
新東真係咁值得眼紅咁值得葡萄？

舉一個通勤型常客使用全月通例子

你呢個 例子 只係對西鐵線 經南昌站轉東涌線沿線各站apply北

只要改一改 如果係旺角返工的話

以粉嶺華明為例 我就行去鐵站站多過坐273
粉嶺->旺角東 33分鐘 $10.2 轉乘0次
天水圍->旺角 36分鐘(未計美孚站步行時間) $19.0 轉乘1次
足足多左接近一倍

舉多一個例子
粉嶺->金鐘 $20.3 51 分鐘 連九龍塘 同旺角轉車加多10分鐘 全程61分鐘
天水圍->金鐘 $27 44分鐘 連中環步行時間 同南昌站 加等東涌線多15分鐘(香港站行去中環站一定要8-10 分鐘啦)
全程64-69分鐘分鐘

當沙中線通車後 東鐵優勢 更明顯
所以大部份例子大西北車錢貴過東鐵沿線係不爭既事實
而服務質數 :但所得的服務質素差別，如差天共地的車站、較少的轉車次數、較快的車程、遠不及另一邊嚴重的蝗禍(唔係話冇，但網上不時出現既港鐵人蝗衝突、蝗蟲留金、客卡變貨卡既相/片，絕大多數都係東鐵，少數市區線，西鐵有幾何？)、無蝗通車、全IKK列車無漏風漏雨的廢烏蠅頭....... "
等沙中線通車後再比比啦

住於新界西北，只想講特惠真係好特惠...
明明巴士上乘客須合，寫小童及長者既車費係成人既半價，不足一毫亦作一毫計算
但係？
港鐵一接手已經係$3.7/$1.8
宜家$4.6/$2.0

其實有左$2優惠，加到$2.1或$2.2都唔過份啦。
$2客反正俾一樣，但係港鐵可以問政府拎差價WO
而且又唔洗益D學生及小童……

而全港特惠，又要好Care單程票只能收齊頭或五毫
下年加價可唔可以只加特惠價(都平左幾年啦)，而搞到拉勻加左2.幾%，咁大部份既港人(成人及長者)都會好開心。

KR7607 發表於 2016-7-1 04:42
你呢個 例子 只係對西鐵線 經南昌站轉東涌線沿線各站apply北

只要改一改 如果係旺角返工的話

我完全唔明白，點解你咁肯定龜鐵官方既預定行車時間，係冇包括轉車時間？
雖然佢的確寫得衰，咩野叫「可能」？
此提供的「預計乘車時間」預計採取最短路徑由出發車站前往目的地車站(月台至月台)所需的時間，當中可能考慮了等候時間、乘車時間、轉乘列車以及其他信息和假設。

同埋你講野真係好矛，計西鐵去旺角，就係要話龜鐵官方時間冇計美孚轉車需時(其實有冇計都唔知)；
計東鐵去旺角，就計到去旺角東算，唔計旺角東行去旺角既需時，如果係要比的話，唔該用返同一個站計，而且你既數據亦同龜鐵官方不符

天水圍去旺角/旺角東 係 38/37 分鐘
粉嶺 去旺角/旺角東  係 41/33 分鐘
注意東鐵仲有蝗通車問題，仲有美孚係冷氣隧道轉車，兩旺就室外行人天橋，兩者既環境差別
旺角熱點多數在近旺角站既彌敦道一帶，只有旺角政府合署或新世紀廣場，東鐵至有優勢


而且西鐵有多達3個地鐵轉車站，3個都過到海(東鐵就得1個過唔到海既九龍塘！)，唔一定事必要南昌轉，
據龜鐵官方行車時間，去金鐘
天水圍上車係44 分鐘(兩尖轉車，轉1次)
粉嶺上車係 51 分鐘 (九龍塘、旺角轉車，轉2次)
注意繁時九龍塘未必一班車上到，東鐵仲有蝗通車問題x2


西鐵有部份車程會貴過東鐵，係事實，但都係o個句，呢個問題可以用全月通舒緩，如果要區內接駁，甚至可以平過東鐵。

但東鐵既種種問題呢？

講起沙中線，已經畀九龍南線就打晒大尖，即使望穿秋水，等到沙中線通車，最多係解決過海轉折問題，但係前景亦令人擔憂。
之前已計過好多次，到時就算真係加到班次，亦不能抵消減去既3卡(最大問題係保留頭等這怪物)，何況之前有 c hing計過，現時東鐵班次已近極限，係好難再加(有人想睇我再post，要時間搵).....

就算如有神助，當佢東鐵D新泡菜車識飛都好，但亦冇可能一夜之間全東鐵車隊去舊換新，當中點都有一兩年(已經預少左)新舊車混跑過渡期，呢個就係最得人驚既時期....海未過，新泡菜車未能發揮飛一般性能(點都要下調性能去遷就批廢烏蠅頭)，但卡就先減！簡單講，就係班次不加，但有部份班次12減3變9卡，計普通等的話，就係11變8！點算好呢？頭等冇減呀，下下搭頭等好冇？

即使退一萬步講，唔講減卡問題，現時東鐵既其他問題：殘舊簡陋的車站(龜鐵最多加閘門，日曬雨淋既問題似明顯無意解決)、蝗禍、蝗通車(羅湖分岔線一直連吹水階段都唔係)、要另費接駁(就講近十年，南有美田、水泉澳，遲D有火炭大圍最入最o個度；北有清河、龍祥圍，遲D大大個東北發展區)、為富貴屋苑減速....都不見得隨著沙中線通車而會有任何改善，而且沙中線更是把蝗直送過海，過海既蝗在東鐵，原本出現在羅湖至九龍塘，到時就羅湖至金鐘足足全程！反觀其他觀塘線、荃灣線、西鐵線等，蝗禍卻可因而減輕！

所以，就算沙中線都唔使眼紅，要付出代價(反觀打晒大尖既九龍南線，西鐵客又有咩代價付出？冇左架K16囉)，同埋亦改善唔到東鐵其他問題，無論如何，東鐵服務質素同設施比西鐵差，係不能改變既事實

20160424 發表於 2016-6-30 20:50
我聽講當年打尖好似係因為西鐵客量仆直先要急急腳起南線救亡？

我就唔信啦

你去過柯士甸站就知B出口同D出口果兩座野擺明就係駁去隔離果個車站啦

又用晒玻璃幕牆 有晒預留位加大量升降機扶手電梯

D出口有成六條扶手電梯駁大堂

B出口駁去九龍站天橋叫做有人用緊都係得三條

平民用既就樣樣衰衰咁駁去行入隧道 加少少暗斜

個站俾邊個人用幾明顯下

所以唔洗講到咁偉大係俾西鐵救命

屯門 南昌 全日通累計加左$7，成35%
明明加$0.5就得，佢就齊頭加$1，結果愈加愈多

dogdog002 發表於 2016-7-1 13:18
我就唔信啦

你去過柯士甸站就知B出口同D出口果兩座野擺明就係駁去隔離果個車站啦

抽水都唔該俾d質素喇，假係自己攞黎丟的，
當年起九龍南線個陣都未有高鐵計劃，
而且西鐵計劃90年代已經話係去尖沙咀，
只係斬件首先興建到南昌

西九塊地無論做乜都一定係大型發展，
出入口當然要起大d，唔通到時又再改建？

西鐵車站STYLE起得大係常識，南昌站出入口夠大到無倫，
想請教下南昌站又有d咩陰謀??

Kaix 發表於 2016-7-1 15:21
抽水都唔該俾d質素喇，假係自己攞黎丟的
當年起九龍南線個陣都未有高鐵計劃，

雖然我都覺得版友係抽水，但係嗰陣已經有高鐵前身—區域快線計劃，而且政府更加要求九龍南綫隧道加入區域快線（共用通道方案）預留位

其實我無論用咩標準計算都好，東鐵點都係抵搭過西鐵好多，只有唔離開輕鐵專區範圍者例外。

首先講下最低車費：
東鐵：九龍塘去紅磡3.7由獅子山腳搭到海底隧道口，大埔去上水重平過太子去旺角。
西鐵：搭一個站已經4.7，但係兆康搭去元朗只係上到5.2。
地鐵：一個站的確平過九巴，但搭多幾個站就已經好快跳到上8.2。﹙例如旺角去彩虹﹚

如果係學生嘅話重屈機，喺有次程九折嘅環境，由九龍塘來回紅磡一次重平過太子去旺角單程，來回兩次紅磡同旺角東重平過搭一程隧巴分段，返理大就最啱用。

之後就到中長途：
東鐵搭晒全程﹙唔計過境﹚重平過西鐵嗰一個站。

講埋月票：
用西鐵長途通勤少不免要用月票，話東鐵月票唔抵嘅，有無諗過月票淨係要返尖東先抵買？過海嘅話唔用月票，東鐵轉隧巴隨時重抵。如果係大埔出發過海，基本上已經唔使諗月票啦，紅磡轉隧巴啦。

到車站位置：
西鐵大多數車站都喺邊皮位，得屯門、尖東同紅磡係正市中心，加個朗屏勉強，東鐵上水、粉嶺、沙田、大圍、紅磡全部都喺市中心，重有屋邨專站太和站、勉強當近嘅大埔墟同旺角東，幾乎個個站都係旺嘅。更重要嘅係，西鐵喺大角咀無站，再加埋美孚嘅轉車通道，淨係呢點除咗過海之外西鐵根本就輸晒。

接駁服務：
無可否認，因為輕鐵專區嘅歷史原因，西鐵喺呢方面好過東鐵。但係免費嘢始終質素有限。天水圍都還好，一條循環拖卡輕鐵再加一條特快巴士。你睇下屯門？下下9分鐘先一班單卡輕鐵，又逼又chok，但係西鐵本身已經夠貴啦，我不如搭直上高速嘅快巴。係兆康嗰邊因為唔使捱廢鐵先肯買你張天價月票搭出去咋。