路線 61R / 88R 班次開出前三分鐘讓乘客登車

如乘客眾多﹐又要不違反停車熄匙法例﹐好簡單之嘛﹐一有人排隊等車﹐便撻車放客上車咪得囉
有客在車上﹐停車唔熄時幾耐都得


好心張通告寫明一點啦﹐唔駛班司機怕會違反法例要求﹐提早放客上車嘛。

kei_hk 發表於 2016-7-13 22:44
如乘客眾多﹐又要不違反停車熄匙法例﹐好簡單之嘛﹐一有人排隊等車﹐便撻車放客上車咪得囉
有客在車上﹐ ...

呢張通告咪寫得高明囉

你唔可以講到教司機走法律罅

但又隱晦地講左解決方法

可以話係傑出關公系列

要預早3分鐘開門上客，都應該係第一城啫，咁第一城入面都係私家路，其實你點著都應該係咪都無人周你

dogdog002 發表於 2016-7-13 23:38
呢張通告咪寫得高明囉

你唔可以講到教司機走法律罅

我話寫的白痴﹐製造恐怖才真。

其實條例的豁免情況寫得好清楚﹐不論專利巴士定係非專利巴士﹐在巴士站內上客準備開車﹐違例的機會可以講係「零」。

原因 :
適用於所有車輛 : 正有任何乘客上車或落車的車輛的司機

適用於巴士及學校私家小巴 :  載有乘客的巴士(俗稱“旅遊巴”)或學校私家小巴的司機

適用於專利巴士:  載有乘客的專利巴士的司機 ﹐正供乘客上車的專利巴士的司機



所以﹐唔需要講「不低触 .... 的情況下」﹐因為如果等候乘客眾多﹐你提早開門上客﹐車上便一定有客(唔會集體唔上車去整蠱位司機掛)﹐這樣便唔會違反條例。直接講為「如眾多乘客候車﹐司機應該提早讓乘客登車﹐以保持準時開出」﹐根本唔需要提熄匙條例。如果可以用細字注明此情況下唔會違例﹐司機便更加安心。


反而3分鐘前撻車﹐以非專巴士來講﹐如果巧合地無乘客上車﹐係有機會違反條例。只不過好難斷正比執法人員﹐同一小時內﹐部車已經去了另一邊總站。

ky927 發表於 2016-7-13 23:49
要預早3分鐘開門上客，都應該係第一城啫，咁第一城入面都係私家路，其實你點著都應該係咪都無人周你 ...

其實唔關私家路定係公家路的問題﹐你睇下條例中講明的豁免情況﹐你便會明白點解我話一般情況下﹐係唔會違反條例。

kei_hk 發表於 2016-7-14 10:04
我話寫的白痴﹐製造恐怖才真。

其實條例的豁免情況寫得好清楚﹐不論專利巴士定係非專利巴士﹐在巴士站內 ...

佢應該係針對司機有時過早就撻左車但又無人上客

所以講到明三分鐘囉

呢類通告係擺明出左事先至會出黎警告世人