觀塘延線港鐵客流未來預測

Kaix 發表於 2016-7-19 22:13
早繁115黃埔去中環起碼40分鐘，
MTR可以20分鐘內(連轉車時間)包到中環甚至上環，
所以你肯定MTR冇競爭力? ...

早繁而家旺角都未必即班上到車，更何況係要行上一層搭嘅油麻地，坐到太子過對面或者情況會好D嘅
但20分鐘一定包到我就有D保留啦
更何況呢D時間搭過地鐵嘅人都知，只要前面班車遲咗少少開，後面班車就要等，差唔多有一半機會會遇到呢D情況
利申: 以前試過八點半出門口，要九點返到中、上環公司，所以試盡各式各樣轉車方法，基本上上繁只有尖咀上車先叫穩陣少少，平均情況即班或等一班，佐敦油麻地甚少人落車

waterboy1984 發表於 2016-7-20 09:28
非繁落銅鑼灣嘅人多過去中環，
呢方面巴士一定快，基本上6-7分鐘就到

我真係好想知黃埔點樣可以6-7分鐘去到銅鑼灣，就算當你去106巴士站附近（皇室堡／維園），106都唔經黃埔，行去紅磡街市快極都5分鐘啦，仲未計遠離馬頭圍道果Ｄ期數
唔通ching識飛？

jpoon 發表於 2016-7-22 02:33
115去港澳碼頭方向行告士打道，唔經銅鑼灣，灣仔亦只掂到邊皮
不過告士打道塞車亦會減慢速度
但唔好忘記11 ...

溫馨提示，115紅隧港島出口第一個站係「伊利沙伯大廈」，
位於鵝頸橋以東，屬於銅鑼灣而非灣仔！

另外，我係以尾二站機利士南路計算，因為同原本有人用116/106比較為最近的站，
而非以黃埔為比較，計算點唔同！

重點係，都講左「非繁」，仲要講塞車呢個point？
尤其係西行，告士打道西行非繁係比甚少塞車，就連慢車都少！

jpoon 發表於 2016-7-22 02:47
我真係好想知黃埔點樣可以6-7分鐘去到銅鑼灣，就算當你去106巴士站附近（皇室堡／維園），106都唔經黃埔， ...

Sorry，無比較過黃埔，只比較紅隧前尾二站一帶，屬延線有利範圍，如對答答覆有錯配，請見諒！

或者我講得太盡，亦請見諒，
6-7分鐘只係紅隧前尾二站，到港島出口最近的銅鑼灣伊利沙伯大廈作計算，好似只有115做到，
維圍站就無辦法了，請加2-3分鐘！

不過重點係，6-7分鐘又好，7-12分鐘都好，都快過地鐵啦？

jpoon 發表於 2016-7-22 02:40
早繁而家旺角都未必即班上到車，更何況係要行上一層搭嘅油麻地，坐到太子過對面或者情況會好D嘅
但20分鐘 ...

太子/旺角都開左邊門，油麻地開右邊門，
右邊門好多空位，所以油麻地上車其實唔難

同埋唔好expect油麻地轉車會好迫人，
只係兩個站的轉車人流，唔係成條線的轉車人流，
每班車可能只有40-50人油麻地轉車

黃埔至中環MTR淨車程只係14-15分鐘，5-6分鐘油麻地乜都轉到喇，
OK就當你繁時真係要25分鐘，咁又點?? 唔知25分鐘115出左紅隧未呢??

仲有115上環方向港島站位問題，好多站都遠離上班地點，
大半個中上環都係近MTR多過115，金鐘115直頭成個skip左，
又塞車又唔就腳，趕返工的有得揀一定唔搭115

如無意外115早繁特班會全數取消，甚至主線要輕微減班，
依個係最保守估計

waterboy1984 發表於 2016-7-22 09:18
溫馨提示，115紅隧港島出口第一個站係「伊利沙伯大廈」，
位於鵝頸橋以東，屬於銅鑼灣而非灣仔！

非繁客量低，
況且冇塞車都快唔過MTR去中環，
仲有就係黃埔去好多地方都屬短程，
巴士有位坐依個優勢係盪然無存，
MTR站位又極度就腳，會培養出一班慣性乘客，
除左巴士明顯比MTR優勝的行程(例如黃埔-尖沙咀/銅鑼灣)，
以外首選都會係MTR

所以你話冇塞車個陣d人就會搭返你巴士??
一般市民唔係巴士迷，
冇人會咁思前想後就係為左有個理由搭巴士

waterboy1984 發表於 2016-7-22 09:30
Sorry，無比較過黃埔，只比較紅隧前尾二站一帶，屬延線有利範圍，如對答答覆有錯配，請見諒！

或者我講 ...

1) 紅隧前一站係機利士南路，你話近何文田站都算說得過去。前二站是紅磡南道，基本上屬唔屬延線有利範圍已值得相榷。
2) 所以一般人講黃埔延線既影響，好難淨係計機利士南路站，然後唔計紅磡南道、紅樂道、黃埔花園、德民街四個大站，然後得出115仲有競爭力呢個結論。

3) 紅磡南道到進入漆咸道北，一共有六支燈。最佳情況係第一、二同三支全綠，第四支必嘉街係一定唔順，平均等候時間大約一分鐘。機利士南路停站後，大半機會過唔到第五支燈，即蕪湖街交界燈位，即係又加多一分鐘。機利士南路去到漆咸道北，除非排隊頭同埋唔係廢車，仲要前面冇車阻住(例如6F碌車)，否則一定過唔到第六支燈。呢支燈要分半鐘。6分鐘過海，全日都可能有幾班車做到既，不過一定唔係紅磡南道站起計lor。

Kaix 發表於 2016-7-22 13:55
太子/旺角都開左邊門，油麻地開右邊門，
右邊門好多空位，所以油麻地上車其實唔難

油麻地都係開左邊門
雖然油麻地係島式月台
但係右上左落
所以開左邊門

alexleechaksum 發表於 2016-7-22 18:32
油麻地都係開左邊門
雖然油麻地係島式月台
但係右上左落

我係講緊荃灣線南行，
觀塘線開邊一邊門對於黃埔客黎講有咩討論價值呢??

荃灣線南行太子/旺角都開左邊門，油麻地開右邊門，
呢個對黃埔客黎講係好重要

Kaix 發表於 2016-7-22 14:24
非繁客量低，
況且冇塞車都快唔過MTR去中環，
仲有就係黃埔去好多地方都屬短程，

呢啲咁短程巴士根本無可能鬥得贏地鐵，就好似旺角去佐敦咁，一定係搭荃灣線屈晒機。

觀塘線新站通車，基本上唔使諗，212一定收硬皮嘅啦，搵30X吊命；41都應該摺得，由45吊命；小巴方面，分分鐘27M正線都收得皮（何文田站），淨返條27M(S)吊命；重有旺角返黃埔新邨條紅van嘅下場應該會同西旺一樣，由人等車變成車等人。

到南港島線通車，應該到成個深灣同鴨脷洲嘅香隧線，加埋75同629，收晒皮，可能死剩條99X，同埋去銅鑼灣嘅72A、96同592。

到東西線通車，就輪到成個土瓜灣同馬頭圍嘅非過海線收皮，而過海線應該都減到垃圾級班次捱埋最後幾年。尤其係2E、5、5A、5D、11、14、15、17、21、93K、796X應該可以全部收皮，只係得返上山嘅5C同26，同埋太子道流水12A可能有得留低，3B可能都會同5C合併；85系應該只會得返85X；除此之外，6F都可能收得皮，6C都可能要大減班；小巴方面，6系應該會得返紅磡站接駁，8系應該可以摺得。

到南北線全線通車，可能成個紅隧網絡收皮，只係得返101X、102、111、112同118有得留低，新界東過海車方面，307應該可以直接收皮嘅啦，681都應該要減到有緣人班次，到時成個新巴應該可以摺埋啦。