【新聞】輕鐵40部第五期車輛批予中國中車南京浦鎮公司

利益輸送一定有, 道道都有
美國好多野都規定Buy America
日本仔用自己國產出晒名

問題係:
英國佬當年, 100蚊野, 收你300蚊cap水, 唔交150蚊都肯定足100蚊貨過你.
中國佬, 100蚊野, 收你300蚊cap完水, 交60蚊貨過你
呢個先係最火滾嘅地方, 而唔係因為佢cap水. cap完水唔該唔好交垃圾比我.

唔好偷換概念. 反對用中國貨唔係因為中國所以反, 而係中國貨基本上同劣質/偷工減料畫上等號.

英國佬同中國佬最大分別係, 雖然兩者都係屈你逼你簽不平等合約,
但前者簽左之後就尊重合約精神, 點都會做番佢係合約入面的本份
後者簽左都仲係會甩底, 甩拖, 搾流攤, 用次貨料/不合格料, 減工序...... 我相信呢方面唔洗specific講邊單大家都唔會有異議.

cn2661_2d32 發表於 2016-8-1 12:37
利益輸送一定有, 道道都有
美國好多野都規定Buy America
日本仔用自己國產出晒名

兩點可以大致概括中國車的問題：
1. 一分錢一分貨

中國車的問題可能和超低的造價有關。

2. 技術未成熟
希望將來會改善。

053h4 發表於 2016-7-31 19:15
都係個句, 港鐵係設計埋, 所有零部件自己招標

只係搵人裝, 同解決組裝及測試過前出現的運行問題

我知龜鐵啲車係執藥咁執，但有啲部件係要由車廠自己生產，例如底盤同車架
依家唔係ADL運條底盤上去裝咁簡單，而係買部Youngman不過要Man偈

講返用唔用英國貨，我覺得當你做一啲基礎建設，例如引入一種新交通工具，而你係跟英國標準黎做時
咁的確係較難避免唔用英國貨 / 搵英國公司起，但後來亦有其他國家可以參與其中
例如起港島線時係有唔少日本財團參與架喎

cn2661_2d32 發表於 2016-8-1 14:37
利益輸送一定有, 道道都有
美國好多野都規定Buy America
日本仔用自己國產出晒名

中國比英國佬好，會免費送贈品，例如石棉。
#曲線要講明

HV9990 發表於 2016-8-1 23:23
我知龜鐵啲車係執藥咁執，但有啲部件係要由車廠自己生產，例如底盤同車架
依家唔係ADL運條底盤上去裝咁簡 ...

其實會唔會因為照單執藥﹐連車身內外MTR自己都做埋﹐所以無外國廠商有興趣接單﹐又或者訂單太細﹐根本連標都廢事入﹐所以只有國內車廠大家玩 "圍標" ?

乜而家唔係只係會用 中國中車 一個單位黎投標咩？
如果咁都可以"圍標"，咁咪即係得一支標入到?!

照估計，應該係得中車張標夠低價，
高地台輕鐵本身係冷門貨，平極有限，
品質方面，佢地又可以俾MTR進駐睇住黎做，
又要過左基本QC先可以運落黎，
有乜唔妥，又應承左可以換貨(一貫淘寶風格)，
咁夠膽唔怕賠錢都做，想唔中都唔得啦！

不過去到重型列車，仲有泡菜國可以同中車鬥平

SP3800A 發表於 2016-8-1 14:23
兩點可以大致概括中國車的問題：
1. 一分錢一分貨

1. 一分錢一分貨, 但都係要達到合約expect的質素, 同要合理地達到standard.
呢個就係合約精神.
最多只可以話平, 所以手工差, 粗糙, 裝工核突. 呢d合約上唔會寫明嘅野, 你係可以偷雞.
但係送石棉, 裂車底, 唔跟spec做野, 偷工減料 , 不合國際標準, 呢d唔會係任何Reasonable的Contract Party會expect的缺憾
上到法庭都係會話你違反合約Implied的Contract Terms.

舉個例:
如果同大陸廠買架巴士, 冇耐車身生鏽, 座位變黃, 行車打冷震, 上斜冇力
- 呢d係唔會影響一架巴士作為公共交通工具功能, 只會用落唔舒服. 呢d就係一分錢一分貨合理可接受嘅地方

如果買架巴士, 大陣裂左, 引擎著火, 或者我合約要鋁合金車身你比左鐵車身, 我合約要原子胎你偷工減料用膽胎, 車門不能夠正常開關
或者有其他安全問題例如之前Toyota咁油門/brake有缺憾, 行車會死火, 方向盤鎖死,
- 呢d (1)違反合約 [貨不對辦]; (2)影響架車作為公共交通工具基本功能的Expectation. 呢個絕對唔係一分錢一分貨可以做藉口嘅地方.


2. 技術未成熟, 呢個係你問題. 冇人逼你入標, 你入左標你就死掂佢.
如果你請陪月員 (不用任何專業資格) 湊你個BB, 同個bb仔沖涼浸親, 沖奶太熱辣親佢個咀, 唔識抱佢搞到扭親條頸,
你覺得技術唔成熟係唔係藉口? 係咪可以將責任推得一乾二淨?
可唔可以話因為你我收你最低工資, 所以一分錢一分貨?

可能採購主任曾經向歐美日廠商查詢，發現佢地唔係真誠地擁護基本法，所以咪取消咗佢地嘅入標資格囉。

SP3800A 發表於 2016-8-1 08:59
按你的說法，重點就是質量問題而非如何得標的問題。
其實中國車的質量問題會否也和得標價太低有關？（比 ...

你唔好睇小一粒螺絲，螺絲質素差係好容易出事，由其係打落牆做固定果d
好多地盤都指定用某H字頭牌子，貴係貴d 但一定符合負重要求，中蟈制邊有人敢用

cn2661_2d32 發表於 2016-8-2 21:33
1. 一分錢一分貨, 但都係要達到合約expect的質素, 同要合理地達到standard.
呢個就係合約精神.
最多只可 ...

其實你說的兩樣嘢我都冇反對。正如我在上面某樓所說，現階段也許真的不應該購買中國車住。

不過有啲嘢其實會唔會係份約寫得唔夠死，以至對方有空間走盞？例如你寫話用不銹鋼，我相信佢唔會俾鐵你，但不銹鋼都有唔同等級。如果你的出價低，份約又寫得唔夠死，人家真係未必會俾好嘢你。（有起問題嚟可能港鐵都有責任~~）

（OT 你說的車底裂紋應該是針對新加坡事件吧，我唔肯定那個轉向架聯接器是否中國生產。）