港鐵觀塘延線10月通車, 南港島線仍以今年底為通車目標

觀塘延線:
10月通車。港鐵今晚會安排無載客列車，從油麻地駛入黃埔站作為測試，8月底開始所有觀塘線列車均會以黃埔為終點，故全部乘客抵達油麻地後需落車。


南港島線:
至於南港島線(東段)，張局長指港鐵及政府仍以今年底為通車目標

全文:
http://hk.on.cc/hk/bkn/cnt/news/ ... 0806_00822_001.html

之但係而家油麻地站會唔會正式變成一個落客月台同一個上客月台先？

好似好耐都未有一個島式總站延長

南昌上環本身都係側式

dogdog002 發表於 2016-8-6 19:36
之但係而家油麻地站會唔會正式變成一個落客月台同一個上客月台先？

好似好耐都未有一個島式總站延長

如果以島式月台的總站去延長﹐應該之前只有觀塘站一次 - 藍田站及東隧過海。

今次油麻地站會係第2次﹐2次都係觀塘線延長。


第3次島式月台總站再延長﹐會係南北線(原東鐵線)紅磡站過海 - 沙中線第2期。
暫時來講最有機會成為第4次﹐會係再之後計劃中的香港站東涌線(配合北港島線)。

註 : 將軍澳線將軍澳站分支去康城﹐我不計算在內。原因將軍澳站不是總站﹐以及康城只伙有如上水站﹐只係分支﹐不是延長。


*********************************************************

根據非官方面書網頁﹐預計下個月中旬開始會跟港島線延長安排相同﹐所有車都會去到黃埔/何文田掉頭﹐介時所有乘客都需要在油麻地站下車﹐無得坐回頭車。
到時﹐油麻地將會一邊月台只供落客及職員檢查仲有無乘客﹐另一邊月台只供上客﹐直至延長部份正式營運。

kei_hk 發表於 2016-8-6 20:38
如果以島式月台的總站去延長﹐應該之前只有觀塘站一次 - 藍田站及東隧過海。

今次油麻地站會係第2次﹐2次 ...

觀塘線有多一次，鰂魚涌延長至北角。

第時太子旺角冇坐回頭車呢支歌仔唱了～

DIH 發表於 2016-8-6 22:23
觀塘線有多一次，鰂魚涌延長至北角。

第時太子旺角冇坐回頭車呢支歌仔唱了～ ...

係指島式月台延長姐

紅磡站南北綫就唔計數啦成個月台搬左去

至少班客最大要適應既地方係唔好見到油麻地月台一有車就衝上去姐

其實而家堅尼地城站／ 調景嶺站／荃灣站有無真正清客？

仲有無職員會上車檢查？

到時何文田班次如果要人手清客先麻煩，如果清客時間耐左，又塞住黃埔車，加上班次係頻密，容易塞住後車

雖然堅尼地城、荃灣、調景嶺都要清，班次都係密，但就係班班清，何文田/黃埔係隔班清，何文田個班頂住黃埔個班就唔係幾好...

DIH 發表於 2016-8-6 22:23
觀塘線有多一次，鰂魚涌延長至北角。

第時太子旺角冇坐回頭車呢支歌仔唱了～ ...

鰂魚涌站又有特別﹐佈局上係島式月台(不過穿梭2邊月台的通道又真係好少)﹐但運作上都係則式月台相同。

乘客需於指定月台全部下車﹐列車再進入掉頭隧道掉頭﹐返回另一個月台上客﹐乘客必須於這個月台登車。


而我上面列出的﹐係島式月台﹐2邊月台都係同時供上落客﹐乘客無規定某一月台登車/下車的。

dogdog002 發表於 2016-8-6 23:24
係指島式月台延長姐

紅磡站南北綫就唔計數啦成個月台搬左去

我淨係知道一般都唔會有職員上車檢查﹐最少荃灣站係。

大既所有乘客都知道總站要下車﹐只係瞓著的乘客才會唔識落車。

不過﹐正常部車只係掉頭繼續緊接做下一班車載客﹐入了非載客路段﹐都好快返回載客路段﹐問題唔算大。
(事實係youtube都搵到片﹐有人故意唔落車進入掉頭隧道)


當然﹐如果班車係收車收廠﹐可能真係有人上車檢查的。



PS. 紅磡站新月台﹐都要運作一段時間﹐過海段才會開通。即係有幾年時間係島式月台﹐同時又係總站﹐乘客可自由選擇任何一邊月台上車的。

bestwishes706 發表於 2016-8-6 23:40
到時何文田班次如果要人手清客先麻煩，如果清客時間耐左，又塞住黃埔車，加上班次係頻密，容易塞住後車

雖 ...

這真係我最擔心的地方﹐以市區線繁忙時間的班次﹐一旦要清客及檢查﹐所需時間係會比正常停站的時間為長﹐極易阻到後車的。

假如有乘客唔生性﹐真係攪好耐才下車﹐後車必定受阻入站。


所以開通初期﹐如果真係要清客﹐真係要預備會有班次不穩定。



如果唔清客﹐載埋唔識落車的乘客入掉頭隧道﹐唔知會唔會出現「康城車無限輪迴」的翻版。

當何文田車唔清客﹐連客載入掉頭隧道﹐返回調景嶺方向月台﹐乘客要先上大堂才可去到黃埔方向月台﹐會唔會又巧合夾到何文田車﹐得出無限輪迴?

kei_hk 發表於 2016-8-7 00:05
這真係我最擔心的地方﹐以市區線繁忙時間的班次﹐一旦要清客及檢查﹐所需時間係會比正常停站的時間為長﹐ ...

件事又唔同，康城問題係因為去寶琳同康城方向都載緊人，但何文田站問題，係月台講明「本班列車將不會載客」。

通車初期，何文田站將會用到青衣站清客模式，只不過視乎班車站助理做野有幾快手。