hkitalk.net 香港交通資訊網

 找回密碼
 會員申請加入


(B0)香港巴士車務及車廂設備 (B1)香港巴士廣告消息/廣告車行踪 (B2)香港巴士討論 [熱門] [精華] (B3)巴士攝影作品貼圖區 [熱門] [精華] (B3i)即拍即貼 -手機相&翻拍Mon相 (B4)兩岸三地巴士討論 [精華] (B5)外地巴士討論 [精華]

Advertisement


(B6)旅遊巴士及過境巴士 [精華] (B7)巴士特別所見 (B11)巴士精華區 (B22)巴士迷吹水區   (V)私家車,商用車,政府及特種車輛 [精華]
(A6)相片及短片分享/攝影技術 (A10)香港地方討論 [精華] (A11)消費著數及飲食資訊 (A16)建築物機電裝置及設備 (A19)問路專區 (N)其他討論題目  
(F1)交通路線建議 (C2)航空 [精華] (C3)海上交通及船隻 [精華] (D1)公共交通有關商品 [精華]   (Y)hkitalk.net會員福利部 (Z)站務資源中心
(R1)香港鐵路 [精華] (R2)香港電車 [精華] (R3)港外鐵路 [精華]   (O1)omsi討論區 (O2)omsi下載區 (O3)omsi教學及求助區
(M1)小型巴士綜合討論 (M2)小型巴士多媒體分享區 (M3)香港小型巴士字軌表        
 

Advertisement

 

hkitalk.net 香港交通資訊網»論壇 (R) Railway 鐵路討論區 港外鐵路 (R3) JR日票涉及直通運轉問題
開啟左側

JR日票涉及直通運轉問題

[複製鏈接]
kaiyip24 發表於 2016-8-25 12:53 | 顯示全部樓層 |閱讀模式

                                    Advertisement



有勞各位高手指教!

1.
買了JR東京都內日票,坐坐吓唔同線路由JR中野站入了「地下鐵東西線直通」,在地下鐵車站範圍用JR日票出唔出到閘?點計算車費?


2.
買了東京都營地下鐵日票,從橫濱坐京急鐵路經泉岳寺直通運轉返回都營路段出閘,應該點買票?假如偷雞買張最平的京急車票橫濱入閘,
返到都內都營路段用日票出閘咁咪慳到好多?

3.
JR東日本係咪無同都營地下鐵直通運轉?因為軌距問題?

不同公司的直通運轉對我來說真係好複雜……

謝謝。
CRH5 發表於 2016-8-25 13:15 | 顯示全部樓層
本帖最後由 CRH5 於 2016-8-25 13:17 編輯


1) 出唔到,要補返中野到該站的車資
2) 買橫濱-泉岳寺既京急飛
去到都營站個陣用一日飛出閘,出唔到就去有人驗票口,show 橫濱-泉岳寺既京急飛+都營地下鐵日票就得
3) 係,得中央總武綫有同東西綫直通
常磐線同千代田綫、小田急綫直通

初初睇會覺得好複雜,但去過一次就知大概 pattern 係點
 樓主| kaiyip24 發表於 2016-8-25 13:52 | 顯示全部樓層
CRH5 發表於 2016-8-25 13:15
1) 出唔到,要補返中野到該站的車資
2) 買橫濱-泉岳寺既京急飛
去到都營站個陣用一日飛出閘,出唔到就去有 ...

先謝回覆!

1.
所以我最後在地下鐵範圍內唔敢出閘,一直坐到西船橋入番JR世界,再搭總武線返回日票的範圍內才出閘。

2.
呢個做法我都明白,我意思係日票可否在無入閘記錄的情況下出閘?如果可以即係會被人偷到雞。
我當時係買京急橫濱去泉岳寺,仲要出埋閘,之後再用日票入番閘。

難怪日本咁多出入口都要有人看住,跨公司直通運轉的收費問題真係好複雜。

Thank you.
Chi_Hang 發表於 2016-8-25 13:57 | 顯示全部樓層

                                    Advertisement



當小弟第一次對直通運轉的看法:

1. 明明係東京地鐵路段,點解會有其他鐵道公司的車行走?
2. 看路線圖,明明總站係涉谷,點解架車會去到元町.中華街?

當你同搭慣搭熟的港鐵網絡對比時,第一次的感覺絕對係好複雜同好奇。

但係當你深入探討同瞭解時,其實就唔係太過複雜,反而仲覺得方便(用家角度)同好玩(鐵道迷角度)。因為車種的千變萬化同列車在不同的路段會用不同的方法黎營運,在香港係找不到的。
Hong Kong Life is really "Exciting"...
CRH5 發表於 2016-8-25 14:00 | 顯示全部樓層



2個個真係唔知,聽聞話得
其實唔係好複雜姐,基本上你拿IC 就一定沒煩惱
企係度個D都係打算協助有需要乘客,即係好似香港既客務中心,但人地係企係度
hippohippohippo 發表於 2016-8-25 14:24 | 顯示全部樓層
本帖最後由 hippohippohippo 於 2016-8-25 14:29 編輯

1. JR日票只限JR區間內使用, 如果坐到去地鉄站, 可以去有人駐守的閘口補票 (至於可唔可以用精算機補票就唔清楚)
2. 如果橫浜上車, 售票機上面有一張地圖講明都營淺草線車站車費. 理論上你講o既"慳錢"方法都行得通, 不過日本人應該絕少有咁唔老實

其實直通運轉相當方便, 試想由屯門可以直通南昌去香港站, 中間幫到幾多人? 好多時呢D線都係方便通勤, 減少轉車時間, 因為東京大阪有好多人住郊區, 番工分分鐘個幾鐘頭, 慳十分鐘轉車時間都幫好多.
Chi_Hang 發表於 2016-8-25 15:24 | 顯示全部樓層

                                    Advertisement



點解會搞直通運轉?就係私鐵們要同 JR 競爭。

聽說私鐵們係唔可以起山手線圈內設站。唯一提高自己競爭力,就係同山手線圈內的地鐵系統貫通,咁就搞出複雜的直通運轉啦。
Hong Kong Life is really "Exciting"...
cyc_yin 發表於 2016-8-25 15:50 | 顯示全部樓層
本帖最後由 cyc_yin 於 2016-8-25 15:56 編輯

分享下我用京阪電車定期券(膠飛)既經驗:

定期券個用法係你可以係自己指定既兩個站(例如A、B之間)之間任搭,當你搭出範圍外就可以將膠飛放入精算機補返錢,之後會還返膠飛同出一張紙「精算券」,出閘放精算券就得。
如果由範圍外去範圍內既站(例如由C經過A去目的地B),首先要買單程飛由C至A,然後到B站時將單程飛放入精算機,再放定期券(膠飛)入去,同樣會有「精算券」,然後就可以出閘。
如果唔係用膠飛既定期券而係IC卡定期券就簡單方便得多,電腦會分辨返你既行程同扣餘額,扣錢價格原理同上面一樣。

我認為(1)同(2)個度既用法就同定期券原理差唔多,而日票任搭範圍比定期券範圍更大,不過(2)一定唔係買最平飛,而係要買由範圍外去到日票範圍邊界既車站既飛先得。

另外,大多數JR入閘機可以放2-4張飛(4張飛多數係新幹線閘機,私鐵部份都可以放2張,要睇清楚標示入閘,係可以一齊放單程飛同膠飛定期券(避免出閘要花時間精算)、紙單程飛兩張、膠飛定期券兩張、普通單程飛+新幹線飛......等等唔同配搭,可以方便乘客唔同既搭法。係金券店*買既飛有時會分幾張出,例如姫路〜京都會分為姫路〜灘(途中包神戸、三宮站)、神戸〜大阪、大阪〜京都咁樣,可以三張一齊入/或者想中途出站既話可以分開用。自動售票機除左可以放IC卡增值,仲有精算機功能:單程飛或回数券,事先改目的地補錢;定期券,預先買去範圍外既飛,兩張一齊入閘。自動售票機可以退票(有時有手續費)。


金券店賣既車飛主要收購其他人用唔曬既「回数券」[買10送1/買10送2(只可平日非繁時、六、日用)/買10送4(只可六、日用)等等,限定乘客搭車時間而推出唔同折扣既飛,JR只有買10送1既折扣],用稍高(但平過正式車站買)既價格賣出去黎賺錢。


順帶一提,好似京阪電車幹線型網路既話定期券用法就簡單,如果係JR東日本、西日本大都市網狀既網路就要申請定期券時指定「経路」,定期券售票機可以顯示同比較唔同價格(例如經過唔同公司路綫就唔同價,同一公司內唔同経路都係一樣價)。

私鐵王國 @ Medium
CRH5 發表於 2016-8-25 21:37 | 顯示全部樓層
cyc_yin 發表於 2016-8-25 15:50
分享下我用京阪電車定期券(膠飛)既經驗:

定期券個用法係你可以係自己指定既兩個站(例如A、B之間)之間 ...



其實有咩情況會放兩張紙單程飛?無理由你會轉登買兩張飛搭車ga wor
同埋我見 IC 定期票係印你既定期票區間落張卡度(即係好似機場員工八達通/職員証),咁如果入錢,退個陣咪要比手續費?冇入錢既話退個陣洗唔洗收錢?
同埋點解 JR 東日本往來線賣Green Car/特急卷既機只收Suica,唔比普通單程飛補錢?(我唔肯定特急卷得唔得,但Green Car應該唔得)


同埋金卷屋個度,個陣係新宿西口個度有好多
但佢地賣個D 回數卷係已經用剩一次先賣定係仲有好多次,你用完要還?同埋個D真係 130yen 既飛都有得買,係咪真係有人會咁買法?
我見金卷店 D 新幹線飛好似買到幾平下,其實個D可劃位既回數飛係咪可以換?有冇 Green Car 買?

先謝解答
cyc_yin 發表於 2016-8-25 22:38 | 顯示全部樓層

                                    Advertisement



本帖最後由 cyc_yin 於 2016-8-25 23:20 編輯
CRH5 發表於 2016-8-25 21:37
其實有咩情況會放兩張紙單程飛?無理由你會轉登買兩張飛搭車ga wor
同埋我見 IC 定期票係印你既定期票 ...

兩張紙普通單程飛就類似普通單程飛+新幹線飛咁,本身你如果要成日往返兩個地方,但未頻密到要買通勤/通学定期券既話,你可以買定「回数券」,例如我本身就買開京都〜宇治既JR回数券,當你要去遠啲既地方(例如神戶,通常金券店賣既飛都係來回主要站既熱門路綫,通常得神戶〜京都賣),如果無得買完全cover曬你行程既飛既話,你就可以配搭自己買落既回数券同金券店賣既飛(即係兩張或以上普通單程飛)。之前都講過,金券店既飛有時會分幾張出,可以方便你中途出站、分開黎用咁樣(例如中途出站食飯/買手信)。新幹線同樣道理,金券店都有平飛賣,可以配搭自己買落既回数券,例如新幹線東京〜京都,之後在來線京都〜宇治咁。

IC卡定期券通常都無乜人退,要續期既話只係放入定期券機比錢就得,膠飛都可以咁做,唔洗再輸入個人資料等等。佢會出一張全新印刷既定期券(IC卡/膠飛),舊既回收。JR西日本既機有鏡頭可以係發行通学定期券時check你既學生在學證明。就算過期當普通IC卡用都得,退就當然有手續費啦!IC卡定期券唔見都可以再發行。


同埋點解 JR 東日本往來線賣Green Car/特急卷既機只收Suica,唔比普通單程飛補錢?(我唔肯定特急卷得唔得,但Green Car應該唔得)」
普通單程飛只不過代表你車程既車資,要坐特急要再買相應車程既特急券,要特急Green Car相應車程既特急券+Green Car券。suica個系統係中距離列車(常磐線、総武快速線、湘南新宿、上野東京line等等)雙層Green Car用,月台有電子Green Car券比suica,放suica入去買完可以拍車上每個位都有既感應器,代表你座緊呢個位,方便車掌check。月台部特急/Green Car券售票機都可以比普通單程飛乘客買,不過唔洗放普通單程飛,你只需要簡目的地同座位(自由席、Green Car除外)車掌都會check。部份有車上補買急/Green Car券服務,根據你所講既上車同落車地點而收費,呢啲基於信任既野當然唔應該亂用,車掌定時定候都會check


金券店賣既全部都係一次性使用既飛,「回数券」都係單程飛既一種,只不過係鐵路公司比乘客大量買飛既時候送既折扣,用唔曬退比鐵路公司有時會收頗多既手續費,而金券店收購你多餘既回数券時都會因應剩低既使用限期長短而有唔同收購價格,有時佢會話退比鐵路公司蝕少啲(另一個原因係驚使用限期太短賣唔晒)。金券店賣既新幹線飛分自由席、指定席同Green Car自由席平啲同可以直接入閘;金券店賣既指定席飛本身未劃位,要去有人窗口或自動售票劃位機搞咗先。金券店賣既新幹線Green Car券一樣要先劃位。有時分埋唔同繁忙期(黃金週、盂蘭盆節、年尾、新年等)唔用得。

仲有一款係株主優待券,唔同鐵路、航空公司都有,係買佢地股票時送返比投資者既,金券店有得買。株主優待券係基本上用係非常長距離車程係好抵,唔同公司用法唔同,有時要先去有人窗口講你既目的地同換領車票先得。近鉄既就係可以直接放入閘機,比你係佢路網任搭一程,但係搭特急要再買特急券。JR西日本既可以係有人窗口換購半價單程車票(全程既車費連急、指定席、Green Car等等費用半價,特急接駁特急或新幹線既兩程各種費用折);JR東日本既一張株主優待券八折,最多同時用兩張=六折,(程既車費連急、指定席、Green Car等等費用有折,只限一程特急/新幹線車費折扣,Grand class不適用);JR東海同東日本相似,不過每張九折,最多同時用兩張=八折。

評分

參與人數 1aPower +1 HugeC +10 收起 理由
CRH5 + 1 + 10 謝解答

查看全部評分

私鐵王國 @ Medium
您需要登錄後才可以回帖 登錄 | 會員申請加入

本版積分規則

Advertisement

Advertisement

Advertisement

Advertisement

Advertisement

站規|清理本站Cookies|hkitalk.net 香港交通資訊網

GMT+8, 2024-3-28 23:28

Powered by Discuz! X3.4

Copyright © 2001-2020, Tencent Cloud.

快速回復 返回頂部 返回列表