請問觀塘線觀塘段可否地下化？同九龍灣廠可否搬

市建局又真係同龜接觸過，睇下有無可能將觀塘站，走線同行人天橋網絡執一執，市建局初步睇法係睇下將觀塘站稍稍搬入現時重建範圍，再重整行人天橋網絡，將人流分散唔好集中晒近APM果兩個出入口。

但估計呢單野複雜性好高，地下有行車隧道，地面又有大量巴士小巴站

bjbus 發表於 2016-8-31 19:56
我覺得應該要好似深圳北咁，
整個地下巴總或車站，地面起舖起樓，
特別係將觀鐵觀碼兩塊地收返

講多次，呢度係香港唔係大陸，請不要將土共思想放入香港人思維
(請不要說香港是中國一部份，社會主義同資本主義不能同負一軛)

如果地皮真係咁值錢，你估港鐵會唔知，我相信佢知地皮果陣，樓主仲未在母體內形成，問題係觀塘站同牛頭角站如果地下化左，有幾多地皮夠空間起樓先

理性討論, 唔好咁著重佢個19脷伸先啦
以周邊發展密度計, 觀塘線東九段地下化絕對係極高成本之作,
但又係咪真係完全唔值得研究?

先講觀塘站, 下面個迴旋處繁時例塞,
搬左上面個站落地底的話, 想像空間會大好多

九龍灣站、九龍灣車廠, 將觀塘道/九龍灣工廠區幾乎完全湯開,
結果偉業街、觀塘道、龍翔道天橋車流谷晒落啟業死亡交叉,
久唔久就癱瘓成個東九, 已經幾乎係死症

如果唔計成本, 觀塘線三站地下化+車廠遷移, 係可以有效改善九龍東既道路網...

所以我一直都唔明點解果條爛單軌, 除左地產考慮之外, 點解死都要塞入觀塘站同九龍灣站,
明明中間有個非繁使用率較低、周邊空間亦較多既牛頭角站...
如果用牛頭角站做單軌總站, 利用雅麗道花園、觀塘工廠大廈、海濱道公園, 甚至九倉電訊廣場,
基本上已經可以完美直出海皮, 唔駛經過已經朝朝爆晒廠既觀塘站同開源道...

睇黎樓主真係聽唔明....
1. 觀塘線喺起嘅時間，肯定已經有考慮過地底化同高架方案，
最終地底化方案從來無提出過，明顯係同高架方案唔係差好遠，但成本高好多，所以連提都唔提
觀塘區發展，基本上係有地鐵先，之後先有觀塘區大型發展


2. 鐵路地下化，反而係香港行先過大陸....至少廿年！
九龍灣車廠明顥係先行者
"Rail + Property" model 雖然日本都有玩，但香港係世界級代表，
大陸都係吸收左香港經驗咁跟住起


另外，
其實喺起動東九龍嘅計劃度，已經有計劃點樣發展牛頭角站嘅行人過路系統
不過，牛頭角站天生問題大，距離民居太近係致命傷，分分鐘要過環評都可以搞你十年
另外，大堂無發展空間，面向觀塘道一面無位可以再起嘢，
另一邊係民居，要發展單軌就要橫過鐵路高架橋，而穿過勵業街觀塘道交界，就亦要橫過觀塘道行車天橋，點樣起都好有難道....
喺橫空出現五層樓高嘅單軌鐵路，仲未計車站可以點擺...
哩個加埋最少有七層高嘅新牛頭角車站，應該幾難過到關...


OT.
龍翔道天橋，最大問題係匯流位打交叉，車流唔多都會塞
長遠應該重建彩虹交匯處，俾龍翔道天橋嘅車分流，提早進入觀塘道慢線

一併回覆：

即使拆走觀塘線，仍然有條觀塘道，唯一可以free到地皮係九龍灣車廠，
但該地皮現時已由本港某龍頭地產公司佔用；

牛頭角站至藍田站橋墩都唔算大型，觀塘站更加係多條幼墩，
左右兩旁都已有／將有大型發展項目，拆走架空段不見得可以擴闊馬路；

觀碼地皮與觀塘線無關；

中九龍幹線通車後（最快2023年竣工），龍翔道及太子道東車流有望減少，
而地鐵在彩霞道入地底並離開觀塘道，偉業街天橋至牛池灣一段路是否改建與觀塘線關係不大；

本人一貫立場是啟德單軌應該拉上順安秀翠做大環線，鐵發2014亦已明示觀塘半山有集體運輸需求，
奈何該項目並非由交通部門負責，注定只會半桶水。

bjbus 發表於 2016-8-31 13:51
車廠出入口，近啓業及牛下的一大塊地可以各起兩棟樓，
官塘道也夠位起一排一梯兩伙豪宅。
至於德福下面的 ...

你知唔知，就算車站路線地下化，車廠都唔會地下化！

官塘道係主要道路，起左D車行邊？
唔好講路都地下化，主要道路無現成替代路唔停用得！
德福已經係個唔細嘅商場，仲加咩商場呢？

你都無一點係有說服力....

bjbus 發表於 2016-8-31 13:51
車廠出入口，近啓業及牛下的一大塊地可以各起兩棟樓，
官塘道也夠位起一排一梯兩伙豪宅。
至於德福下面的 ...

四棟樓，當你一梯八伙，每棟四十層高，每單位八百萬，
四幢樓大約可以賣到一百億，
當你唔駛補地價，四分一建築成本，
七十億夠唔夠搬廠加地底化？

港島西線唔駛起廠都玩左二百億呀。

rickywk 發表於 2016-8-31 19:20
市建局又真係同龜接觸過，睇下有無可能將觀塘站，走線同行人天橋網絡執一執，市建局初步睇法係睇下將觀塘站 ...

觀塘站工程技術難度應該唔係大，以前荔景站改建都係咁做，反而最大阻力主要係成本方便考慮


斷估龜記唔會肯貼錢俾巿建局作嫁衣裳，自己俾錢巿建局增加人流，
一定會要求巿建局承擔部份改建工程費用，
但巿建局亦未必有呢個誘因去駛呢筆錢，

所以我估最可能方案係由政府發板，
要求巿建局配合，承擔擴建工程開支，
而城規會會用增加地積比率等方法補償相關成本

方案我估不嬲都有響度，
不過直接由政府提出，可能會俾人話官商勾結...
所以要經傳媒放風，上到公眾層面，
拎到社會共識要"擴建月台"，最後先拎份方案出黎。

bjbus 發表於 2016-8-31 13:51
因為地下鐵路只有觀塘地段最值錢

你知道咩叫地皮？地皮唔一定係地下嘅，將軍澳車廠係咩？仲有最值錢嘅一定唔係觀塘，柴灣廠呢？拆埋杏花村一齊重建咪仲有價值？
『你認為有討論價值嘅話題，未必真係值得討論』同你自己講就唔啱啦，有無去投票呀？Sorry，應該問有冇資格去投票呀？