《高朋滿座》賣地鐵"廣告"

我覺得真係完全無聊到極,
成集野一睇就知係為左賣廣告
如果唔係係出面食飯間餐廳播, 我真係睇都唔會睇, 浪費時間

而家地鐵好似無響廣告時間落廣告，
反而響節目內宣傳

我覺得佢到明宣傳la，節目下半part個背景絕大部份時間都係地鐵站

一開場亞dee都拎住n條 C&S 廁紙啦…

仲有永明金融.日日都拿住個袋

不過我覺得冇所謂la.都係睇電視only

小弟有睇呢集《高朋滿座》，
之前o個晚見預告有唐詩詠客串地鐵職員，
仲諗住呢幾晚都追《高朋滿座》……
唐詩詠個 look 幾引死小弟～～
不過呢集未做完，
小弟已經熄電視，
因為頂唔順佢o個隻 hard sell ……

「阿咩」做 DHL 、「阿 Dee 」做永明金融 sell 保險，
都唔會開晒口 hard sell 公司Ｄ service －－
或者叫做「順道俾Ｄ冷知識大家」啦！
呢Ｄ小弟都接受到。
小弟最頂唔順係「阿 Dee 」o係茶樓叫屋企人估地鐵站名！
「靚老公」、「天降 under 」、「鑽石跌落廁所」，
呢Ｄ問題係咪 sell 地鐵應該 sell 埋呢？
「阿 Dee 」份人係咪無聊到會玩Ｄ咁o既o野呀？
同「拉姑姐」搭地鐵又係！
懶係對地鐵有好感咁，
係咁 sell 「有藝術氣息」……
雖則「阿 Dee 」份人係有Ｄ「死剩把口」－－
應該係「口甜舌滑」～～
但係未至於會同地鐵 sell 到咁o既款囉……
追女仔之嘛～～
點會連佢做緊o個間公司Ｄ「 product 」都 sell 埋呀？

不過差還差，
試問 TVB 有幾何可以入地鐵站入面拍電視劇？
多個場境睇o下，
都過睇埋晒Ｄ唔合理o既廠境：
邊有Ｄ茶樓、豪宅咁多空位、空間感大得咁緊要？

原帖由 bose_hung 於 2006-5-24 09:50 發表
小弟有睇呢集《高朋滿座》，
之前o個晚見預告有唐詩詠客串地鐵職員，
仲諗住呢幾晚都追《高朋滿座》……
唐詩詠個 look 幾引死小弟～～
不過呢集未做完，
小弟已經熄電視，
因為頂唔順佢o個隻 hard sell  ...

係lor, 真正的地鐵服務, 係「招呼唔到」!
幾時有咁得閒的職員在月台四處幫人?
... 仲有, 地鐵女職員制服唔係有帽麼?

算啦, d廠景同劇情 -- 聽故就唔好駁故啦!

就係因為以前有條廣播條例,
唔准電視節目內直接賣廣告,
攪到近二十年來香港電視劇嚴重脫離現實.
劇中人物要飲雜嘜汽水 / 啤酒,
食「紅膠紙」牌薯片,
買「紅膠紙」牌電器.
出入唔係搭紅綠小就坐的士,
從來唔搭巴士火車地鐵.
去外國就去假啟德機場.
甚至連電話號碼都係清水灣電視城的.
唯一好就好在住公屋都有超過五百呎單位住,
返學就返一間拍得住外國水準的學校.

潛移默化之下,
香港觀眾睇劇集見到有現實中的品牌出現,
反而覺得礙眼.
不過下下 close up 件商品又的確係幾突兀.

但睇返日劇, 人地又唔會左改右刪咁去阻住D牌子

以飛機航空劇為例,
香港既 衝上雲宵 就用間唔知咩航空公司去做

日本既 Attention Please (由錦戶亮及上戶彩主演, 現正上演中)
佢用返晒JAL實境, 制服, 設備 等等, 感覺順眼好多