東鐵信號同車一齊換, 係咪一個愚蠢既做法?

韓國新車到左, 遲遲都未行得

信號更新delay, 隨時影響埋西鐵
其他線試新車都叫做仲有機會可以日更試下車, 同其他車/其他地方磨合下, 韓國新車連呢個機會都無

到信號同韓國車一齊換果日, 所有新野一齊變晒, 韓國新車一次過幾部一齊行, 隨時載客先知批車有事要收晒批車去turn, 千九又行唔番出黎, 成條東鐵靠晒批舊車死頂, 到時東鐵線真係死得.

其實係唔會影響西鐵馬鐵的﹐因為獨立訊號系統。

而根據安排係會在所有的MLR 同時安裝新訊號系統﹐全新的韓國車只會裝新訊號系統﹐而SP1900 不會裝新的訊號系統。

當全線路軌已經裝好新訊號系統之時﹐便會在收車之時全面測試﹐到時MLR 及新車都會一同測試﹐直接合格可上線使用為上。

當確定使用新訊號之時﹐便是所有SP1900 全面離開東鐵之日﹐因為SP1900 沒有新訊號系統。

同日會由新車接替SP1900 的位置﹐並且遂部增加新車數目﹐慢慢退出MLR。

假如﹐真係實戰有問題﹐便把新車徹離主線﹐轉回舊訊號系統﹐SP1900 重新出場。
不過﹐發生機會應該極微﹐事關晚間測試都唔會係一個短時間。

去到新系統完全無問題﹐新車取代舊車去到一定數量﹐亦代表無得再番轉頭﹐介時才慢慢拆舊訊號系統便可。



其實都沒有什麼更好的方法去處理更換訊號系統﹐反正裝新訊號系統又要時間﹐之後又要培訓﹐又要測試﹐攪得來都夠新車取代SP1900 的地位。
所以﹐SP1900 唔裝新訊號系統﹐真係沒有什麼大問題。

kei_hk 發表於 2016-10-11 22:03
其實係唔會影響西鐵馬鐵的﹐因為獨立訊號系統。

而根據安排係會在所有的MLR 同時安裝新訊號系統﹐全新的韓 ...

佢想講應該係指

1. 東鐵俾唔切SP1900 俾西鐵
2. 怕換晒新信號系統係日頭出現問題，無千九可以頂上黎替換


我知kei_hk你個問題係咩

係學晒出面正式既回覆/新聞稿，
所以成日講鬼唔知阿媽係女人既廢話，遊花園，睇完無咩得著咁

回正題，港鐵之前好似公佈左換信號系統點算，

就係準備定鐵巴Standby

http://paper.wenweipo.com/2016/10/06/YO1610060013.htm

咁似乎應該會係兩個系統同時使用而唔係一下子換晒？

dogdog002 發表於 2016-10-12 00:09
佢想講應該係指

1. 東鐵俾唔切SP1900 俾西鐵

純粹討論下
1
東鐵更換訊號前最後階段以我所知會仲有4列千九
而東西線仲有14抽大陸千九同日本新卡
以目前東西線通車同東鐵換訊號預計日期
即使真係有比唔切千九西鐵既情況，都未至於影響東西線 (因為未通車) 同埋現有8卡化計劃

2
舊系統無咁快拆，4抽千九都無可能一晚去曬西鐵
而每晚東鐵都開始轉系統試訊號
相信到時新訊號真係有問題到唔用得既話，都可以好似試車咁一段時間內換番舊系統
咁換番用舊訊號自然可以係廠拎番4架千九出黎用
當然轉系統都要時間，同埋處理已經係正線上既新車 (因為無舊系統)
呢個時候就到鐵巴出場
(當然以上部份係可行性討論，不代表港鐵有咁既backup plan或者會唔會咁做，正如紅磡3路backup plan都未用過)


至於運作上無可能兩套系統一齊用，如果得都唔洗搞咁多野係舊車裝新系統

dogdog002 發表於 2016-10-12 00:09
佢想講應該係指

1. 東鐵俾唔切SP1900 俾西鐵

先在收車時間去做test﹐這是必然。

試到有信心真係live使用﹐才會決定那一天去轉用新訊號系統。

至於什麼新車磨合問題﹐微細問題會有的﹐例如停車位置有偏差﹐但沒有閘門幕門的情況下﹐司機可以睇下是否安全﹐有沒有超出月台範圍﹐手動開車門便可。

相對來講﹐全部都係唔係太急的問題﹐令到唔可以上線使用。

如果真係有大問題﹐根本唔會去到 live 上陣。
真係大問題﹐去到最後一個測試階段﹐在收車時間作全面模疑運作﹐出盡所有列車做繁忙時間班次運作﹐已經可以睇到問題。


而最後一著便是收起新車轉用千九﹐用番舊訊號系統。
轉換期間﹐便要接駁巴士及其他交通工具幫手。
上面有人都講了﹐去到最後階段﹐仲會有千九留守到最後的。


一夜間由舊訊號轉新訊號﹐新車取代千九﹐MTR 及 政府仲緊張過大家﹐他們知道係唔可以出事的﹐一定會做足事前測試準備工夫。

正如 "尖東歸西"﹐都有唔少人懷疑一夜間改變﹐由西鐵接管尖東及紅磡站2條軌(月台)﹐是否會有問題。
現實已經反映﹐事前收車做測試﹐在收車時間模擬2線全面運作﹐令到成件事好順利可以交接。


至於 4>8﹐7>8 會唔會受東鐵遲交車影響﹐真係到時才知。
但這一些亦一早預左在新車卡來港安排﹐再加埋東西線本身最少有1年延誤﹐變相令東鐵交車的期限可以推遲。

http://paper.wenweipo.com/2016/10/06/YO1610060013.htm

咁似乎應該會係兩個系統同時使用而唔係一下子換晒？

入面提及﹐應該係指馬場站會係首個完成安裝新訊號系統的車站(包括前後路軌)﹐這都好正常﹐因為幾乎連日間都可以去派人去開工裝新訊號系統組件﹐亦可睇到工程會遇到什麼實際難題﹐在日後加以優化。

當馬場完成後﹐便會在收車時間先做測試。同一時間在其他路段及車站進行鋪設新訊號系統。

去到明年首季﹐火炭至大學亦會完成新訊號系統的鋪設﹐介時在收車時段﹐便會用埋火炭至大學站及馬場站一齊做測試。


新聞及MTR都無講的﹐便是當新訊號系統繼續鋪設﹐再有新路段完工﹐例如大學至大埔﹐到時測試範圍便會由火炭去到大埔。

但在正常營運時間﹐新訊號系統係唔會用的。
因為根本未全線鋪設完成﹐無可能中間幾個站用新野﹐其他站用舊野﹐對於所有人來講都係好混亂的。


不過﹐我唔排除日後全面鋪設完成﹐做完大測試後﹐在未正式live上陣之前﹐會抽出晚上近收車的時段﹐預先安排抽走所有行走中的千九﹐並且轉用新訊號系統﹐派出新車載客。
當然﹐都要視乎2套系統要用幾多時間去做切換﹐才知這個Live正式上陣前﹐是否有條件派出新車去真係做載客測試﹐一次過可以試晒訊號及新車有沒有什麼問題。

kei_hk 發表於 2016-10-11 22:03
其實係唔會影響西鐵馬鐵的﹐因為獨立訊號系統。

而根據安排係會在所有的MLR 同時安裝新訊號系統﹐全新的韓 ...

有時候實戰既野夜晚真係試唔到, 例如:
A)新車夜晚一次行兩個鐘, 但第日一次行廿個鐘, 頂唔頂得住? (例如機件過熱)
B)新車受唔受得住香港又濕又熱既天氣? (唔止鐵路, 路面車都有呢個問題)
C)新車同其他車夾唔夾得黎? (如大陸車)

等等既問題, 通常都唔會第一日就出現, 同往時唔同, 以往一部部新車一部部咁出, 有問題都可以立即係廠換另一部車出黎搵食, 就算廠無車, 都只係影響一個班次

以往, 日又試夜又試, 今次, 只得夜晚試車, 點計, 試車時間一定少過其他新車


新車新信號既南港島咁, 十月開始日又試夜又試, 試足2個幾月先話通車, 東鐵要幾多個夜晚, 先可以有番相同既鐘數?

HU6455 發表於 2016-10-13 08:30
有時候實戰既野夜晚真係試唔到, 例如:
A)新車夜晚一次行兩個鐘, 但第日一次行廿個鐘, 頂唔頂得住? (例如機件過熱)
B)新車受唔受得住香港又濕又熱既天氣? (唔止鐵路, 路面車都有呢個問題)
C)新車同其他車夾唔夾得黎? (如大陸車)

等等既問題, 通常都唔會第一日就出現, 同往時唔同, 以往一部部新車一部部咁出, 有問題都可以立即係廠換另一部車出黎搵食, 就算廠無車, 都只係影響一個班次

以往, 日又試夜又試, 今次, 只得夜晚試車, 點計, 試車時間一定少過其他新車


新車新信號既南港島咁, 十月開始日又試夜又試, 試足2個幾月先話通車, 東鐵要幾多個夜晚, 先可以有番相同既鐘數?

A & B 係相同的問題﹐你覺得新車試唔夠﹐令到新車未必可靠。

要應對其實可以好簡單﹐在投入服務初期﹐先在繁忙時間行走一些短期班次﹐例如火炭至紅磡﹐之後才擴展去行全線﹐再全天服務。

你B項的擔心﹐怕部車受唔到 "香港又濕又熱既天氣"﹐這咪要部車試足一年?
而家新車去到正式投入服務﹐都超出一年﹐唔知又夠唔夠呢?

唔好睇到一部車真係咁差﹐咁弱不禁風﹐容易水肚不服。


當然﹐我真係唔排除去到差不多新舊交接﹐MTR 會逐步在臨收車的營運時間轉用新系號系統﹐放批新車出來行﹐甚至載客。

一切真係要睇MTR 自己點安排。


至於 C項﹐其實點解新車要同其他車去夾?

除了MTR自己各款車去做連結﹐以便拖/推車走之外﹐都沒有什麼事要同其他車款要夾。
直通車都係睇訊號去行車﹐如果訊號系統問有問﹐MLR 一樣出問題。

去做訊號系統測試﹐一樣可以叫大陸車來港做測試。
而實際上距境車係有2大套訊號系統﹐一套係大陸﹐一套係香港﹐只需搵部工程車裝番大陸車的訊號設置﹐拖一堆貨卡去扮直通車﹐已經可以測試到。




南港島線﹐要試咁耐﹐主要係多左一項叫做新的功能﹐便是全自動無人駕駛。
雖然唔係全新的事物﹐老鼠線已經用了好多年﹐但規模一定唔夠南港島線。
南港島線直情係由車廠出車(連同出車前測試)﹐進主線﹐去不同車站載客﹐收車回廠...... ﹐全部都係無人駕駛。

現時試車﹐除了真係試成套系統﹐亦是培訓員工熟習成套工作流程。

為防真正開通時爆鑊﹐同老鼠線一樣﹐初期每班車上面都有職員standby﹐隨時人手更靈活處理。

kei_hk 發表於 2016-10-13 10:14
A & B 係相同的問題﹐你覺得新車試唔夠﹐令到新車未必可靠。

要應對其實可以好簡單﹐在投入服務初期﹐先 ...

其實佢想講而家日頭試唔到新車
明白未，磚家，你講黎講去就係你信港鐵就無事就得嫁啦

問題係 南港島綫已經可以模疑每日5am-1am運作，

何文田黃埔又係做緊同樣既野

咁新車呢？

而家就係想討論下點樣會交接期先至會無問題

同埋似乎都唔知舊車係新信號系統會唔會有問題添

與其要咁博一博，咁點解唔索性千九都裝新信號系統？

dogdog002 發表於 2016-10-13 17:13
其實佢想講而家日頭試唔到新車
明白未，磚家，你講黎講去就係你信港鐵就無事就得嫁啦

去到轉變的一天﹐新車亦會多過千九﹐備用車多過現時。真係有壞車﹐車有問題咪同現時處理方法一樣﹐都係車廠出後備車。

唔通而家的做法有唔同?

真係會一口氣全部新車出唔到?
真係全部新車出唔到﹐亦可走回頭路﹐便是用番舊訊號系統﹐出番千九。



究竟﹐大家擔心訊號系統問題多一些﹐定係新車本身問題多一些?



我唔會否定新車唔會出問題﹐但唔會令到全部車出唔到。

你估轉換新舊信號系統 真係淨係扭個掣話轉就轉?
重話臨收車轉新系統出黎試載客