觀塘延線是否成為蝕本路線?

cy35 發表於 2016-10-28 23:26
上下繁106, 115客量冇乜分別，仍然有人上唔到車
當然客係會有多少影響，但會唔會有客回流要睇多幾個月
以 ...

亦有其他版友話115客量下跌三成

Kaix 發表於 2016-10-28 16:11
即係小巴、115同8P冇左咁多客

吸左應該唔止依幾條線既過海客，計埋何文田，愛民同山谷道一帶，估計101,111,106,116,109甚至182等線都有影響，不過只係唔太明顯

cy35 發表於 2016-10-28 23:26
星期六日115又多黃埔賓賓客捧場
只要有經中環紅隧線既地方賓賓都好少會揀地鐵
佢地慳得一蚊得一蚊　
所以115根本不愁冇生意　　
九巴啲本土線就危啲

照你個邏輯，D賓賓應該搭船去北角轉電車喎，咁咪仲平過115

66702686 發表於 2016-10-28 21:34
我意思吾係話成個MTR

請參詳你引文的最後一段﹐究竟鐵路公司會唔會真係精準去計算個別車站的收益?



倒轉問你﹐究竟點去計算精準個別車站收益?

單以你最初的問題去講﹐如果乘客只係坐車來回何文田及黃埔﹐這樣不是問題啦﹐都係屬於你的問題之內。

但係這位乘客係何文田坐車去旺角﹐如何計算何文田站所佔的收益﹐旺角站又佔幾多收益﹐途徑的油麻地站又是否要計算收益所佔的百份比?
問題再複雜一點﹐坐多幾個站﹐油麻地這類途徑車站便增加﹐這堆車站所佔的百份比有會唔會調整?


如果你真係想知個別車站有沒有盈利﹐我可以講﹐即使你定到上面的計算收益的方程式。
第2步係取得乘客乘車資料﹐都係一件極難的事。除了因應特別原因會公佈個別車站的出入人數及粗略去提及相關車程組合外﹐MTR根本唔會公佈。
換句話說﹐大家根本唔會有足夠資料去計算每個車站的收入。



講完收入﹐又要講支出。
這條數﹐更加係外人無辦法得知。
一些唔會同其他車站共用的支出﹐都話易計算﹐例如電費水費﹐外判清潔﹐長駐職員及外判職員的薪金.......。
但同時又有一堆開支係要同其他車站共用﹐例如列車運作的電力﹐日常的隧道內不同設備維修﹐票務系統網絡........。

這條數比收入更難去計算。


你真係自己講﹐外人有無可能得知個別車站有沒有盈利。
我估 MTR 自己內部都只係粗糙計算到不同車站﹐有沒有營運上的盈利﹐而且這條數 "靠估" 的成份係唔少(主要係如何分配不同的收入及開支之上)。

Gary_B 發表於 2016-10-28 03:31
其實，延線通車後，觀塘線繁時總體班次有冇多左？

無 , 上下繁仍然比荃灣線疏 , 太子唔好彩要食兩班轉車客既話可以準備俾前車放到無影

jpoon 發表於 2016-10-29 05:27
照你個邏輯，D賓賓應該搭船去北角轉電車喎，咁咪仲平過115

唔洗講邏輯
唔信星期日去德中同干中各紅隧線睇下賓賓落車數目就得

請你提供實質證據證明港鐵會蝕錢先，OK？

我嘅實質資料：港鐵上年除稅盈利130.25億，觀塘線延線項目建造費用約72億元
p.s. 你擔心高鐵同沙中線好過啦

cy35 發表於 2016-10-29 23:43
唔洗講邏輯
唔信星期日去德中同干中各紅隧線睇下賓賓落車數目就得

咁你又有冇數埋搭船嘅賓賓數目呢
又係你話賓賓慳得一蚊得一蚊，咁照計搭船應該平過搭巴士喎
搭8P轉天星都平過你架115啦

cy35 發表於 2016-10-29 23:43
唔洗講邏輯
唔信星期日去德中同干中各紅隧線睇下賓賓落車數目就得

我唔排除任何可能性，
但你唔對比其他交通工具的賓賓人數又點知賓賓多數搭巴士？

星期日傍晚中環站荃灣線班班都迫滿賓賓，
我夠可以話：
唔洗講邏輯
唔信星期日去中環站荃灣線睇下賓賓數目就得

tonyyang 發表於 2016-10-30 03:01
請你提供實質證據證明港鐵會蝕錢先，OK？

我嘅實質資料：港鐵上年除稅盈利130.25億，觀塘線延線項目建造 ...

高鐵同沙中線都係政府全資興建，
港鐵唔駛出錢起，
通車後只要收入足夠cover營運成本就唔會蝕