大興。商場。新貌

想不到領展如此落本，連呢個千年頹場都唔放過

終於有顯示商場名


加裝扶手電梯及升降機，上層只有日本城，佳寶未開


認真估佢唔到


長條型個邊唔知會否整埋，如果係都幾大工程

諗極都唔明, 領展一直都無放棄呢個場, 幾年前高調開酒樓, 而家索性半邊做翻新, 加裝冷氣電梯...但係呢個係老人村, 除咗日間有學生出入, 消費力幾乎係零, 真係唔知佢點番本.  

hippohippohippo 發表於 2016-11-17 15:25
諗極都唔明, 領展一直都無放棄呢個場, 幾年前高調開酒樓, 而家索性半邊做翻新, 加裝冷氣電梯...但係呢個係 ...

領展一直都無放棄呢個場, 可能見隔離卓爾廣場愈做愈旺, 所以想挑戰難度

個間豪裝酒樓已經執左啦, 而家地下係大家樂, 上面係另一間酒樓

老實講, 我住係度三十年都唔覺得係老人村囉, 咪以為見到公園多阿公阿婆坐就話係老人村

仲有如果呢條村既消費力真係零, 點解間惠康咁多年仲係咁大間, 兼且有超長服務時間 (朝六晚十二) 呢 ?

有好多屋邨，平日就咁睇好似係老人邨，但實際係好多年青一代住喺度甚至生兒育女有下一代只不過好多時候，係哩班年青人早出晚歸，平時放假都好晒行大商場，所以見唔到佢地...

如果唔係領展咁狠心，走去翻新商場，

大家都唔會察覺原來自己個屋邨商場咁有歷史、咁多回憶同咁耐都無幫襯過啲細舖.....

hippohippohippo 發表於 2016-11-17 15:25
諗極都唔明, 領展一直都無放棄呢個場, 幾年前高調開酒樓, 而家索性半邊做翻新, 加裝冷氣電梯...但係呢個係 ...

諗住翻新完，轉個頭就開個靚價拆售咋？

不過話時話，大興除佐邨内客，附近仲有工業區
，屯門醫院同青山醫院等一堆院舍，
果頭返工0既唔少都會過去幫襯。
大興邨翠華以前仲係貴人一大截，
都大把人去食應該係呢個原因
翻新同卓爾居競爭都唔出奇