馬鞍山線月台欠缺列車延長配套

dennis28a 發表於 2016-11-28 01:04
唔關指示事，而係信號系統事。

無論 4 卡定 8 卡，個車頭係死既，你會唔會因為 8 卡車，而係月台中間整多 ...

想請問一下點解以前東涌線由7卡轉8卡中間既過渡期，原本7卡車停月台第2卡位置既車站全部冇改變7卡停車位置？
係以前個信號系統勁d？

dennis28a 發表於 2016-11-29 03:41
依點唔係盲反九鐵，而且客觀地睇返近 20 年既歷史，
而係特區政府上台依 20 年，整個鐵路政策失敗。

先前回應的主要是針對：

倒轉頭應該問，點解九鐵當年起果陣唔一口氣起晒九卡月台連幕門？又係因為慳錢。
要怪真係怪當年九鐵短視，連後期擴建依類方案都夠膽拎出黎。

按馬鐵初期客量估算，4卡車能足以應付，如果在一開始就興建完整長度的月台連閘門，
撇除折舊，還要每年花上不少費用作日常保養和維修，這在當時而言並不是理想的安排，
因此不見得是因為九鐵短視而作出這項決定。

我又好好奇，九鐵當時建議西鐵要用 9 卡，而唔係按地鐵西北線建議用 8 卡，路政署同九鐵內部無理由唔清楚唔跟地鐵 8 卡規格原因嫁？

按西鐵最初的計劃，第一期興建至南昌站，然後再延伸至西九龍總站(同是9卡設計)接駁
東鐵，第二期則包含北環線。假如西鐵按最初的計劃，最終以Y字方式營運（分別前往
大西北及邊境），確實需要以9卡列車來應付聯合班次，而不按地鐵NWL擬議的8卡興建。

點解馬鐵仲堅持用 8 卡車起？就算你認為九鐵完全無責任（畢竟當年係跟路政署 Order），咁路政署同運輸局有責任下化？

至於馬鐵8卡的問題，真是要剖析一下隸屬政府的路政署同運輸局當時有什麼想法，
會批准九鐵的方案。當然也不排除是政府內部太遲（西鐵拍板以9卡興建後）才決定
採用「市區網絡」還是「區域網絡」去實施東西、南北走廊 (TDL+EKL+KSL+4HC)。
就住這一點，可以繼續開放討論。

i-Lens 發表於 2016-12-2 00:12
想請問一下點解以前東涌線由7卡轉8卡中間既過渡期，原本7卡車停月台第2卡位置既車站全部冇改變7卡停車位 ...

今次馬鐵４卡車全部統一泊在月台最前，根本不關信號系統事，
信號系統本身能偵測列車的長度並支援不同的停車點。

tonyng 發表於 2016-12-2 09:59
今次馬鐵４卡車全部統一泊在月台最前，根本不關信號系統事，
信號系統本身能偵測列車的長度並支援不同的 ...

但 MTR Service Update 話 SelTrac 只容許列車使用一個停車位置，因此所有列車要先改用新停車位置，方可容納將來投入服務的八卡列車喎
外國嘅例子有倫敦 Dockland Light Railways
http://youtu.be/S764Djwt3IY?t=1m38s

tonyng 發表於 2016-12-2 09:56
先前回應的主要是針對：

按馬鐵初期客量估算，4卡車能足以應付，如果在一開始就興建完整長度的月台連閘門，
撇除折舊，還要每年花上不少費用作日常保養和維修，這在當時而言並不是理想的安排，
因此不見得是因為九鐵短視而作出這項決定。

我非常深信，今時今日為擴建馬鐵月台總開支，絕對遠高於大家口中所謂「保養費」。

另一個相對重要既原因，從黎並存在所謂「保養費」問題，
而係路政署可行性報告制定一個「基本估算」，依一個基本預算並無包括月台閘門及冷氣。
九鐵係處理馬鐵依個項目，為免過份偏離路政署「基本估算」，所以先放棄爭取完整月台以及加建月台幕門。

據我後期了解，九鐵的確準備過另一份預算，計算過為馬鐵興建完整月台、加建冷氣、月台幕門費用。
的的確確係政府屬意分階段興建馬鐵以節省成本，所以九鐵放棄上述方案。

唔好忘記，係路政署就尖沙咀支線作出可行性研究時，同樣加入月台幕門依一項預算。
係九鐵自行同政府磋商 12 卡月台幕門所帶來額外開支。

按西鐵最初的計劃，第一期興建至南昌站，然後再延伸至西九龍總站(同是9卡設計)接駁
東鐵，第二期則包含北環線。假如西鐵按最初的計劃，最終以Y字方式營運（分別前往
大西北及邊境），確實需要以9卡列車來應付聯合班次，而不按地鐵NWL擬議的8卡興建。

如果去到西鐵最初計劃，已經係 12 卡年代既事，當時更天馬行空到可以考慮有唔同路線組合。

至於馬鐵8卡的問題，真是要剖析一下隸屬政府的路政署同運輸局當時有什麼想法，
會批准九鐵的方案。當然也不排除是政府內部太遲（西鐵拍板以9卡興建後）才決定
採用「市區網絡」還是「區域網絡」去實施東西、南北走廊 (TDL+EKL+KSL+4HC)。
就住這一點，可以繼續開放討論。

至於你提及「政府內部太遲決定」更加唔可能，因為行會決定興建馬鐵時（99 年），
一早已經發表 RDS-2 中期報告，而「中期報告」已經一早確定左區域方案、市區方案依兩大原則。
當時新聞稿更特別提及馬鐵可延伸至鑽石山或葵青依兩個長遠方案。

而當時（即 1999 年），顧問公司係強烈建議用區域方案，只係政府去到 2000 年屬意用市區方案（原因就係畢架山隧道問題）。

而西鐵拍板興建係 1998 年，好明顯西鐵決定 9 卡編成時間，正值馬鐵設計黃金時期。
加上係「第二條新界出市區線」計劃入面，先唔理會東九龍線問題，大圍至荔景再接駁西鐵系統係其中一個考慮方向。

所以馬鐵拍板興建時，正正係最明確知道馬鐵同西鐵係有好大機會連接果兩年（98-99 年）。