觀塘線延線通車後重組計劃最新安排

Snoopy@FB8617 發表於 2016-12-28 00:06
而家塞車成因真係完全因為改道?如果係既應該附近日日都塞車先係

但事實上最大問題係廣東道同佐敦道根本 ...

當年起高鐵果陣做過交通流量，當一封部份連翔道果一刻，塞車完全係意料中事。
更何況，而家廣東道、佐敦道塞車問題係比當時想像中理想好多。

果頭塞車果原因唔係車多咁簡單，而係多支路，每次支路都要負責唔同方向既行車模式，
舉個例，如果由西九龍快速公路出廣東道，要橫過佐敦道落匯翔道，再經 D1A (S) 路去番廣東道。
而大量既出快速公路車流，係會同入快速公路車流打交。

搞到最後，其實每個路口過燈時間係唔夠處理現時交通流量，
最後會倒塞返去佐敦道（近彌敦道）、柯士甸道（近彌敦道）同九龍公園徑（近北京道）。

到高鐵道路網起好後
http://www.expressraillink.hk/pdf/tc/20120711_4th_all-in-one.pdf

好明顯睇得出，將來係要減少你口中提及倒灌問題。
最低限度出入連翔道落尖沙咀既車只需要塞柯士甸道西同廣東道交界，而唔係全部路口一齊塞。
而廣東道唔需要下下等柯士甸道西個支燈，都可以直接落隧道去佐敦道。
只要班私家車曉行，事實上唔太難處理到，少一個路口已經爭好遠。

補充，另外路政署仲搞緊另一堆九龍站路面工程：
https://www.hyd.gov.hk/tc/road_a ... /CE44-K-CV-0001.pdf

將於圓方一帶落西隧或者西九龍快速公路直頭唔需要落番連翔道。
只要運輸署真係落手再大搞，事實上有好多軟件配套再改善車流量問題。

S3BL100 發表於 2016-12-27 13:10
唔好意思，#249 上文下理，我完全估唔到你係想講楊屋道後兜入海濱花園而唔係灣景

不過呢，唔熟路唔係事必 ...

唔好意思，#249 上文下理，我完全估唔到你係想講楊屋道後兜入海濱花園而唔係灣景

不過呢，唔熟路唔係事必都要評論一餐，我都唔係十八區熟晒，
你幾時有見我亂對唔熟既屯元天北區事務指手劃腳、扮四條？費事講錯野有位俾入就唔好啦。

至於你認為我針對「灣景花園」一點「無限上綱」，煩請你自己諗下你一路以來唔合自己心意就要批鬥，點解你會俾人「針對」先啦…

好明顯今次係唔合你心意，邊個有心批鬥人（同埋其他板友），
邊個人平時係 F1 區指手劃腳開，我相信大家有眼睇。

單係原來唔熟荃灣既路，就無權討論九龍區既走線？30X 好似唔係淨係服務荃灣既人。

停美孚係會唔見五分鐘

不過你又數下荃葵青而家有幾多個小區無全日尖沙咀線，甚至連兩味線都無先…
如果停美孚，再理順轉乘網絡，條線會變相做半個荃葵往來尖沙咀特快。
呢個情況下，做尖沙咀真特快就有得玩，亦係我唯一接受到飛起旺角（同埋停美孚）的理由

當然九巴美孚轉車站可能已經胎死腹中，但如果配套得宜，本來係有一定戰略意義

所以要落美孚轉？如果你係當區居民，會唔會碌去到美孚先再轉巴士？
就算肯，荃葵青又有幾多部車係密車線？果條線唔係比人陰乾，就係放工可能連位都未必上到。
港鐵站起碼有好密既 M 車或綠小可供選擇。

當年美孚轉車站唔得，就係九巴淨識貼貼紙，BBI 不足都算，返荃葵青區仲要減班，叫人點轉車？
想為佢地好，直接開番條出油尖旺全日線仲好。

尖沙咀潛力真係咁高？

荃灣有紅小出旺角，但荃景圍有無紅小搭？
無紅小出尖沙咀，但你都識講，荃灣線荃灣唔係頭站？唔係仲有條西鐵線特快直達尖沙咀？
楊屋道，甚至海濱，距離西站都唔係好遠囉

咁荃灣仲有邊個位開條所謂真特快去尖沙咀係有得玩的？咪又係得返荃景圍，但你就要呢個頭站區兜廿分鐘先上公路

但荃景圍明明而家落旺角都係慢，如果合理定線上公路，可以由旺角掃到落尖沙咀，
有潛力的客源種類數目，比起你心目中的定線仲要多

而且荃灣比兩條鐵路夾住，唔係應該先照顧更有需要而且更有潛力的遠離鐵路站地區？

證明你繼續完全無理我講既野。
老屈人有個限度，我幾時講過荃景圍唔做。

我想出紅小問題，更加顯得你既無知同短視。

如果荃景圍去旺角真係有需要做，係唔係應該另外上菜？
而唔係同紅小或港鐵有正面衝突既地區，夾一條慢到傻旺角至尖沙咀線。
變左尖沙咀既人慢左，而旺角又同人爭餅碎，仲要荃灣不停兜路。

而家深井、麗城、荃景圍去九龍中一帶又叫好好服務？
可唔可以因為啟德，而變番一條啟德 - 九龍城 - 旺角 - 大角咀 - 荃灣西 - 荃景圍 - 麗城既線出黎？（40 當年改特快問題）

邊個局限到死都要出旺角再直落尖沙咀？

咁而家 41A 又係咪因為做旺角而倒左尖咀客先？你的「九龍區論述」真係合理？

41A 本身係「極品」，如果改特快都仲倒晒尖沙咀客我都驚。
你又肯定我既論述唔合理？

同埋 260X 直出尖咀係有歷史原因，當年開通三幹，屯門無全日尖咀線，但旺角已經有好多條線 cover 晒，
所以先至咁開，況且當年路面情況同今日都唔同，重組/開線的準則同考慮都同今日有分別

不過好似好多人講過 268X/268B 油麻地分手，上公路、入大欖既時間差唔多咋喎，甚至 268X 分分鐘仲快。
至於南行，無錯西九廊落橋、連翔道出口都會塞車，但連翔道出返廣東道，去到中港城對面俾人落車，又要幾多時間？

所以難怪本版同其他地方好多人提出過要 268X 改落尖沙咀，順便避開佐敦道黑洞，只係因為收費問題先無可能成事

請問又有咩分別？
屯門出旺角、佐敦線夠基本上條條由美孚掃到落尾。
又唔見你爭取下屯門去旺角提速？

當年唔做旺角提速，係屯門去旺角線收費既問題，而唔係你口中道路網問題。
坦白講，想提速唔一定係今日先做，
搞到咁多年，時至今日至搞返 68X、268X 提速，已經太遲。

至於廣東道問題，好似係多謝高鐵工程。
但我睇番近未來近十年道路網計劃：

不過當 2018 年搞好晒高鐵站，三層分層道路系統、廣東道下行隧道，D1A 路由中港薈直達柯士甸道西。
單係西九龍快速公路直出廣東道，可以選擇直入雅翔道、落連翔道、落 D1A 路、屈出渡船街。

起碼 2 年後九龍站會有大幅度改善，但西廊呢？有咩可以做到？又係塞彌敦道。

坦白講，2 年後西九龍總站 PTI 係可以直達中港薈上返窩打老道。
到時打通晒南北神經，唔係部部車落柯士甸站一帶都要塞佐敦道，連翔道係有下行隧道直達柯士甸道西。

短視既人只係集中係而家好塞車既問題。

另外呢，268B 其實跟 280X 咁行唔係好慢，唔好講到無得解決先好。
當年要行足成條上海街再落佐敦道，好明顯咁行已經過時。

明明旺角人流全日都多過尖沙咀唔少，掃埋旺角又的確唔會慢幾多，你就偏要九龍區只做尖沙咀，
然後荃灣入面就兜埋晒一堆巴士競爭力低的位置，先合自己心水，否則就唔可以。
即係咁，我唔會一刀切話尖沙咀特快唔值得開，但都要睇下咩環境。

所以呢？41A 落橋去中間道需唔需要 20 分鐘？唔好彩，有人試過旺角去尖沙咀搞成 30 分鐘。
就算去旺角快到曉飛又點？西九龍快速公路落新港中心係唔係日日塞成 30 分鐘？

「的確唔會慢幾多」，顛倒是非黑白真係有個譜好。

dennis28a 發表於 2016-12-28 01:57
好明顯今次係唔合你心意，邊個有心批鬥人（同埋其他板友），
邊個人平時係 F1 區指手劃腳開，我相信大家 ...

我唔係成日指手劃腳開喎，同埋我唔熟既野，我真係唔會亂評論

如果荃景圍去旺角真係有需要做，係唔係應該另外上菜？
而唔係同紅小或港鐵有正面衝突既地區，夾一條慢到傻旺角至尖沙咀線。
變左尖沙咀既人慢左，而旺角又同人爭餅碎，仲要荃灣不停兜路。

而家深井、麗城、荃景圍去九龍中一帶又叫好好服務？
可唔可以因為啟德，而變番一條啟德 - 九龍城 - 旺角 - 大角咀 - 荃灣西 - 荃景圍 - 麗城既線出黎？（40 當年改特快問題）

我 #254 提出過的兩種行法，不外乎係：

1. 荃景圍，大涌道直出
2. 荃景圍，大涌道，楊屋道直出

對比起你停完楊屋道仲要兜入唔知灣景定海濱，到底邊個先係「荃灣不停兜路」？唔好老屈人囉。

如果飛西九龍公路直落尖沙咀，對比起經西九廊經旺角去尖沙咀，的確如上面版友 Ricky403 所言，慢八分鐘既話，
咁我大涌道直出落旺角，再掃到落尖咀，都係會比起你荃灣不停兜路後直落尖沙咀的定線仲要快；
就算係經楊屋道直出旺角定線同你兜海濱走的定線相比，都係打和正負幾分鐘

但好明顯荃景圍旺角對比起楊屋道/海濱尖咀特快更值得做，
上面 Ricky403 已經正確指出楊屋道/海濱唔少客搭西鐵落尖沙咀，巴士無得玩，係你偏要做呢個巿場

反而楊屋道去旺角（再加埋油麻地佐敦），巴士都仲叫做有得玩下

而你話係咪應該旺角併埋九龍城啟德，咁我想問下，
而家 30X 234X 服務範圍都去到油麻地甚至佐敦，咁如果開條旺角特快，係咪順理成章應該做埋佐敦？
如果旺角後就轉入九龍城，信和一帶行遠左，油麻地又應該點解決？由得人慢碌長沙灣，定係唔做佢地生意？

至於點解唔將荃景圍旺角分開上菜：

1. 如上，落得旺角就起碼要掃埋落油麻地，但擺佐敦定尖沙咀都係要行咁耐，一樣要用咁多車，掃埋落尖咀可以用最少資源做到最多功能
2. 而家 30X 加 234X 得 24 部車，就算俾你拎埋區內線重組，可增加用車數都係單位數字；慢線一樣要行咁耐，邊度夠車俾你拆多條線？
3. 上面都講過，楊屋道、海濱去尖咀唔見得值得玩；對比起荃景圍直出經旺角掃落尖咀的定線，
頭站區兜餐飽，中途站地區無得玩，到頭來頭站區落尖咀無快過

當然，如果真係咁想拆條線專心做尖沙咀既話，因為楊屋道同海濱都無得玩既緣故，
荃景圍落山後最多兜灣景就大涌道甚至海興路直出，直落尖沙咀，然後 30X 就大涌道直出，美孚掃到落佐敦，再縮短 234X，都或者有得玩。
去旺角雖然無得行西廊，但係起碼飛起左現時定線荃灣最兜路路段，亦唔係太慢，只會比荃景圍經楊屋道直落旺角慢少少。

但問題同上面一樣，擺佐敦定尖沙咀都要咁多時間咁多車，
就算係落尖沙咀，如果要兜埋灣景，亦唔見得快過荃景圍大涌道直出西廊經彌敦道幾多，係灣景落尖沙咀真係快唔少

不過點都好，一定唔會係荃灣區內不停兜路，仲要兜埋無得玩既地區，然後直落尖沙咀就叫做快左

所以呢？41A 落橋去中間道需唔需要 20 分鐘？唔好彩，有人試過旺角去尖沙咀搞成 30 分鐘。
就算去旺角快到曉飛又點？西九龍快速公路落新港中心係唔係日日塞成 30 分鐘？

咁旺角去尖沙咀又係咪日日塞成 30 分鐘？

238X 發表於 2016-12-23 14:22
喺旺角等車等到相反情況 (兩三架 30X 先有 238X) 似乎更多

又好少...238X真係好等好多...

castanopsis 發表於 2016-12-26 01:30
我覺得與其等230X回程，不如寄望30X轉特快拉落尖咀食咗條230X好過
黃埔段客量因為觀延通車而下跌，正可以 ...

其實當你咁搞230X而唔搞234X時...30有拉長既必要咩??而家真係多人去荃景圍??

dennis28a 發表於 2016-12-28 01:53
當年起高鐵果陣做過交通流量，當一封部份連翔道果一刻，塞車完全係意料中事。
更何況，而家廣東道、佐敦道 ...

你舉果個例
而家係就係要經過好多個路口
但解釋唔到個問題點解有時要塞有時唔使塞
而家出常見既情況係出面塞入面都會塞
出面唔塞入面就唔會塞

如果個樽頸/問題位係改道個圈圈入面既
唔係應該一出個圈圈就會暢通無阻咩?

如果本身冇塞車既話
當然經條隧道係會快好多
但而家個情況係廣東道加柯士甸道自己處理唔到咁多車
最後咪又係全部咪又係等果個關鍵既路口

kay 發表於 2016-12-27 09:48
尖咀特快得東九、將軍澳先做到成績

向西看，屯門咁大只係養到260X

又咁講, 260X同269B呢d往西看既線...3幹出入口始終係問題...往東九同將軍澳其實都一樣會塞, 只係佢比較易入到TST心藏多客位得黎唔太慢...
而且地鐵點講都要轉線, 而往西係唔使...所以某程度上往西真係難做D~
但難做唔代表唔做/無客既...
6X既問題...係當日6X做既範圍太細, 好多人早就預見呢條線如果唔係有另外既回車作用...條線係唔會有咩客的~

Snoopy@FB8617 發表於 2016-12-27 10:00
[路過]63X已經行返上西廊

又咁講...唔一定既...930系既特快拆法其實都有佢可取既地方~

stevechau 發表於 2016-12-28 12:12
又咁講...唔一定既...930系既特快拆法其實都有佢可取既地方~

930系同30X/234X個服務範圍都唔相同
好難做比較bo...

再講上次搭過930X後
好老實城記自己都可能有D進退兩難

Snoopy@FB8617 發表於 2016-12-27 23:51
我當荃灣偏北即係講緊而家30X/234X做緊既範圍就算唔計大河道
一條線跑晒三個區(荃景圍、西約、大涌道)既 ...

利申先：荃灣人

我自己嘅屬意就係灣景開，經福來邨、沙咀道掃到去熊貓一帶再行德士古道上公路，回程就荃富街出一路行青山公路返灣景，荃灣市主做眾安街同荃富街一帶；咁樣灣景上公路都只係要15分鐘，回程落公路後到灣景更只需同現時一樣時間（如司機識行落青荃路條支路避下面迴旋處塞車）
如果同時做荃景圍麗城，之後唔係行海興路直接上公路嘅，荃景圍會嫌兜（行番青公再轉大涌道就算速度上唔慢，觀感上已經嚇走唔少荃景圍客）；所以我只會揀灣景／麗城同荃市做，唔直接做荃景圍山上係因為本身去西站交通唔方便，部分位置行去荃景圍天橋上車亦尚可接受，亦喺荃景圍行去西站嘅必經之路上面可以截人；相比灣景／麗城，去西站可以一直沿海皮行，尖沙咀特快要轉車去搭就可能已經西鐵見

至於沙咀道塞車問題，可以答你其實沙咀道塞黎塞去都係塞西行，東行係得近川龍街同英皇個位會頂一頂，但塞極都只係等多半轉至一轉燈