[路線計劃/RPP]
觀塘線延線通車後重組計劃最新安排
[複製鏈接]
|
所以其實真係唔係好明 30X 做開分段推廣，做得好地地都要取消（雖然都已經延期延過好多次）……
而家未加重返 39M 個壓力囉。 |
|
|
LJ7006 = MF5119 = AVD1
|
|
|
|
|
|
咩野龍門住我搬
咁都要睇你目的地係邊,先可定論呢一段路搭鐵定巴士方便/吸引
比你59A荃葵座滿都維唔到皮啦,回車慢收入少
非繁呢,又好多人咁?我唔係話完全無客,比著你做都唔會想蝕住做啦
你沿途的確搭鐵唔使轉喎,290/A就唔同,佢一程過但搭鐵要轉兩次線
係呀, 就算大窩口青公站都好啦, 大大條鐵係地底, 個站係正巴士站隔離都係有人等巴士...咁點算??
情況就好似彌敦道返SSP一帶咁, 係呀...大大個站係正巴士站地底, 大大個出口係巴士站隔離...
但完全平行既巴士又係爆...咁平唔平行重唔重疊原來同客量係有直接既關係??
定係有同鐵重疊既就幾多客都=無客, 有既都倒走佢??
都係果句...優勢唔係淨係得快呢一點...
如果快係交通工具唯一可比優勢...咁香港特區可能7成既巴士線已經可以即刻摺埋唔好做~
你唔熟線想亂吹, 我好樂意睇...但當有人好似我咁真係知同識野果陣...虛心D接納下人地講咩先啦~
大窩口青公站等車出西九龍有都只係佔極少數
彌敦道往返深水埗,我諗你主要都係講6?
6係行青山道一帶,唔係行正荃灣線上面既長沙灣道,自然儲到堆客
就算你講往返長沙灣道,佢有N飛車海密密黎,都吸引過單等59A啦
59A係真係完全同鐵重疊,班次密極都要十分鐘班啦?
最尾,咩亂吹,我住葵涌咁多年就係見到同荃灣線完全重疊既就係死
原因比地鐵(+紅小)搶哂客,回車慢收費低導致維唔到皮
巴士公司亦無義務開條同鐵疊到應一應既線等你座(例如 692)
你講既野係岩既我會接納,咁宜家你講既野我點完全認同呢?
我要吹既就唔會哂時間係到回文啦,就係我唔認同你地一些論點先打咁多字回你地
我唔係反對荃灣出深水埗巴士服務,但繼續同唔使轉線既荃灣線直接重疊只有死路一條
你又諗下點解290/A(同一眾東九線)做得起,就係因為搭鐵去東九要轉線兼站站停
290/A為例,荔景(葵涌道)後已經直飛黃大仙,但鐵呢?有排... |
|
|
我本人 明白什麼都總有限期
|
|
|
|
|
|
我要重申講多次,係推廣分段優惠到期完結,而唔係叫做取消分段
星期六起會全線轉哂做12.8
而平日下繁部加班車問過仲會有 |
|
|
我本人 明白什麼都總有限期
|
|
|
|
|
|
1)
佢唔係全段都係行楊屋道,沙咀道唔近千色店咩
由頭到尾我support真係做黃大仙轉車站,咁唔使道道都開一條又話要去到邊到邊到
根本黃大仙可以做到城隧咁,密車轉線去到既地方又多
2)
平日咪通勤,非繁+假日咪行街
唔好唔記得九龍灣入面有九展同MageBox
而我建議,非繁+假日九龍灣後飛上觀繞去油塘
3)
呢樣不嬲都有講開,請自行查閱我出過既post
4)
唔講本土線,過海線之中930都算係無心機做果條啦
等佢真係博大細,你唔見之前有人鬧930早繁成日無咗班車?
一開波930全咗日934仲點發圍?
拉去深井又有962B,麗城+荃威一齊又路線迂迴
最後你講得岩架,根本唔應該分開兩家做 |
|
|
我本人 明白什麼都總有限期
|
|
|
|
|
|
1)
2)
其實30X+234X兩線都只係23-24部車，拆嘅方法未必令特快線（旺特＋尖特）同普通快線都有個比較吸引嘅班次
尤其新嘅兩條特快都做比較多新客，開密少少就易啲吸客
234X一拆二嘅話，兩線會各得6部車用，尖沙咀特快真係做循環都開得15/20分鐘一班（預平日非繁一個單正常約行70-75分鐘，俾100分鐘），由美孚做到深長荔條線就唔駛講，只夠開20/30分鐘一班，除非有其他線做替死鬼俾車234X用（34？），否則個班次係絕對唔吸引
灣景有條新嘅尖沙咀特快後，234X無疑係要縮短嘅，但佐敦一帶最節省時間嘅總站都係廣東道擺街，但去程要落裕華、恆豐中心同山林道一帶就比較麻煩（除非玩循環
，行完廣東道後行彌敦道掉頭，但有機會班次不穩）
荃威嘅旺角特快落尖沙咀，其實都可以，不過就係單向經彌敦道南行，填一填尖沙咀特快行廣東道而唔就腳嘅位就夠（當然，尖沙咀特快做循環嘅，旺角特快就唔駛入尖沙咀），回程就最好行加士居道嗰邊出（擺尖沙咀東、去程梳士巴利道入，回程出站轉右，尖沙咀東踢一條線去尖麼（35A？）），避免同尖沙咀特快爭福來邨同沙咀道客；尖沙咀、佐敦返荃景圍，其實去到建明街轉四飛上山都幾方便
當然有人應該會問要轉車點解唔搭鐵轉？重點在於尖沙咀返荃景圍，可以坐到入荃灣，接近尾站先再轉番車上山，唔同去程落得荃灣市，中段都未到就要落車轉車
其實屯轉點解回程多人用啲都係同樣道理
4) 呢個問題就係因為荃景圍同麗城都玩拆線，而30X+234X係只得廿零部車，除非打劫30、34、39A、39M、238M再玩另一個重組，又或者借紅磡區打劫212一兩部車（但咁尖咀特快就一定要擺黃埔／海逸做雙向線）
34就貢獻到最多2部（荃西循環葵盛）、39A/M、238M用之前AVD1同某海濱線兄嘅M線+K線提議可以有最多兩到三部車用
但呢到都係多4部車，都只係俾到每條線1部車⋯⋯
假設30可以拉直改做荃景圍<>深長荔，咁就可以再有多6部車倒落黎玩，加埋荃威唔使特登拆線，一共34部車俾四條線
原234X分9部，開12-20
新30分8部，開12-20
新30X分9部，整體開12/15
尖沙咀特快（循環）分8部，開12/15
咁樣都可以接受
但30要改直去搞掂荔景山班老人，都會比較麻煩，同埋荃灣<>紅磡、黃埔就焗住放棄
所以我會諗，其實荃景圍而家條30X無論係走線定班次上都輸234X一截，改善荃景圍交通係咪要同時提升班次同速度？一次過要提升呢兩樣，而又唔令荃景圍失去直車去深長荔／油尖旺其中一個地方，所需嘅資源或者會太多，作為重組嘅長線目標可能更適合
|
|
|
.
|
|
|
|
|
|
本帖最後由 stevechau 於 2017-1-5 14:36 編輯
都係果句, 你講緊既野唔係ALL OR NOTHING...
但你總係要講到地鐵比巴士有D優勢, 咁地鐵就要ALL, 巴士就一定要NOTHING~
唔使否認, 想否認你必需要刪晒之前你既言論~
我用59A所講既例子都係非繁時間...我諗假日都幾難話係繁時掛?!
唔使轉又點JE, 唔使轉都夠客WOR(先唔計而家好可能比九記自己倒走晒)
邊條條例寫明要轉鐵咁去比較先會多客?? 唔轉鐵重疊就一定蝕??
果段路, 收返個合理價錢, 班次有返舊59A咁既水平...線王級大賺就的確唔使旨意...
但唔會蝕就梗既...總好過搵條30, 陰極都蝕...既然有機會蝕變執返D...WHY NOT??
所以點解唔可以同290/A比?? 大家都係果D位既客行出黎坐車JE...
6行青山道一帶...呢個咪就係佢相比鐵既優勢LOR...而且唔單止往返SSP...美孚LCK呢?? 仲要唔好忘記, 佢又真係有唔少客肯坐佢往來彌敦道ONLY...
彌敦道腳底係地鐵喇掛?? 油尖旺太子唔使轉鐵喇掛?? 街口優勢都無埋啦...滿意未??
290/A也好, 59A也好, 淨係行少一兩個街口都一樣可以係優勢~
至於往來長沙灣道, 係呀, N飛車海密密黎呀...咁你係咪好似我咁搭車唔睇價錢...
有時懶/攰起黎, YMT黎架60X都照上車返長沙灣丫?!
唔係既話幾多飛都主要係比果幾條線~
我唔會否認你覺得同鐵重疊一定死既諗法...我只會講事實...
事實就係好多同鐵接近完全重疊既線其實本身生存得好好...
你覺得同荃灣線完全重疊既就係死既其中一個主要原因亦都只係一般巴士對鐵既死因...唔夠班次~
就算比條特快線你, 唔係點同鐵重疊...我就拎238X做個例子, 假設238X開20-25MINS一班, 仲有咁多客咩?!
根本好多時巴士死因都唔係車程慢/重疊, 而係班次~
巴士公司無義務開條線去同鐵重疊....部份程度正確~
但其實最主要講既係...當日唔應該咁樣搞59A~
佢為屯門線, 佢蝕...咁係正常...但唔應該因為咁而忽略左本身荃葵來往西九龍就算同鐵重疊都夠客既事實~
類似59A搞成咁既情況的...唔只佢一條...類近呢種亂咁黎既情況係九記大變身之前係有唔少~
又或者咁講, 當日59A有雙向分段出入荃葵, 佢入屯門果程好可能都好客好多, 好似出西九咁做到唔少客~
點解?? 因為其實佢有合適既價錢同合適既班次去做客~
290/A既例子仲有問題係...就算佢唔直飛黃大仙, 好似40咁兜一兜美孚/荔枝角...佢都會咁多客~
你參透得到就自然會接納...接納就唔會敢再用290/A黎隊人...當然你再用290/A黎駁...我會知你資質有幾多~
|
|
|
|
|
|
|
|
|
本帖最後由 GW4866 於 2017-1-6 16:45 編輯
我無話過鐵一定優勝,由頭到尾我只係講過59A(或上面建議既新30)與鐵路直接重疊
都係果句,你59A係同條荃灣線係直接重疊(荃灣大窩口葵興葵芳荔景美孚荔枝角站長沙灣深水埗完全同路咁濟)
290/A中間段路keep咗直飛黃大仙,兩者去既地方唔同之後行既地方又唔同點比較?
6仔你都知行青山道啦,果到行去搭鐵的確較遠,我亦無講過無客
但去美孚荔枝角,唔係真係咁多人座到尾炸
荃灣來往西九龍係咪一定要同荃灣線直接重疊既定線先
點解唔好好利用30X?
如果290/A兜埋美孚都係多客,不過實趕走咗頭段客
之後由美孚客填數咁囉
好似40咁,荃灣唔係好多人上炸,葵興先開始多
因為葵興搭40同搭38時間差唔多,葵芳/美孚又無車出觀塘
最尾,290/A係你拎出黎講先 |
|
|
我本人 明白什麼都總有限期
|
|
|
|
|
|
咁又都係果句...59A就算100%重疊, 但呢段係夠客WOR
(但我都要補充, 睇怕自從縮左線之後, 呢班寧願比錢九記賺既客已經被倒晒落海咁滯)
同290/A比較, 咪就係拎佢同路段一樣重疊, 但D客都一樣係寧願坐佢, 而唔係鐵, 甚至只係對面線既38 LOR~
6仔唔多人坐到尾, 但另一方面...佢去到尾既客量都唔係差...
總不能期望佢坐滿返荔枝角吧...就算唔拎6仔, 求其拎返埋堆再貴D既紅隧過海線...
呢段路北行返SSP既巴士客量都係持續上升中...
又...到底巴士線係咪淨係得返飛走呢度果度既特快一途??
荃灣沿路來往SSP...愉景都仲話坐30X...千色呢?? 大窩口呢?? 又行到老遠呀??
葵興芳大連排呢?? 去等或疏或遠既33A/37/36A??
咁點利用好30X?? 叫30X跟以前59A咁出九龍??
定係叫原本葵興芳因為59A夠直接又唔貴班次又唔差變相慳左車錢+時間仲羸埋舒適而肯上車班客...
坐40轉車?? 坐返去荃灣轉30X??
40係荃灣唔多人上既問題...好主要既原因係當日改線果陣宣傳係極頹做...
基本上除左巴迷同熟客呢兩種人之外, 直頭係無人知40提左速咁滯...
你係40站頭附近想搵返海報提下都無...個個都以為係舊40自然無人搭~
衰D講, 40搞成咁係衰九記自己宣傳部手上...
|
|
|
|
|
|
|
|
|
咁既收入九記或者唔志在呢
就算計你去程出九龍好賺,咁返黎呢?無流水客咁濟喎
都話59A同290/A去既目的地唔同,分手後行一個慢碌一個上公路,我唔知你點解係都死啄住290/A拎黎比較
唔通我話235同235M由安蔭至昌榮路都係行同一段路所以可以拎黎比較?
千色店去大河道搭好遠?行街客有心搭巴士既就唔會介意行多兩步啦
大窩口上面解釋咗d客主要係邊黎,根本大部份可以直接搭33A
葵涌道你都識講有33A/36A/(37)啦,要搭巴士既始終會等/睇時間搭
多你一條59A唔多,少你一條唔少
好好利用30X我已經講明係荃灣,唔好曲解我原post
40無宣傳咩?你唔見ja,我至少見過係北葵涌街市拉banner話40提速同有BBI
改線果時40站頭又掛過poster
你話d客唔知40提咗速,咁葵興打後咁多客你又點解釋?
未改線前最多座滿炸喎
口痕又講下,對我黎講以前唔係有BBI都唔座佢,兜美孚(+長荔街)太慢 |
|
|
我本人 明白什麼都總有限期
|
|
|
|
|
|
最需要踢走果條叫208,輪到未輪到35A
另外今日聽見返黎,30對班人(尤其長者)真係好有需要
佢地話小巴得十幾個位,容易上唔到車,小巴又窄要上兩級
長者鐘意搭巴士多過小巴好多咁話
因住時間搭30其實好好用,而且有d位其他線真係替代唔到 |
|
|
我本人 明白什麼都總有限期
|
|
|
|
|
|
|
Advertisement
Advertisement
Advertisement
Advertisement
Advertisement
|
