你最感激的一位朋友...

我覺得做朋友最重要的開心見誠, 不要事事都要隱瞞,
吃喝玩樂未必需要, 但存心去欺騙、待人不老實, 這些
頂多只能去到「熟」, 而不能到「知心」的階段。

我最感激的一位朋友中一時認識, 他亦是唯一一位會
出於朋友角度窒我的人。怎樣由普通朋友變成深交
我也不太記得清楚。但高考時的大家並肩而上的一刻
是很難忘的, 小弟平時成績不差, 但因考試時家中有些事,
對這場試信心其實不大。

當時搵身邊同學傾, 個個都當我講笑, 或者是帶幸災樂禍
的心態, 那時真的很傍偟。
但友人睇到我xanga講自己壓力好大, 農曆假大家開turbo
溫書時還抽時間去問我情況, 雖然每次只係傾五至十分鐘,
但傾完之後個心真係暖烘烘。

由於我讀Science, 友人是讀商科, 很多苦況未免雞同鴨講。
不過對比起自己個班, 話就係最top個班, 平時人人為成績
鬥生鬥死, 根本無人信得過, 每日一個電話好比雪中送灰。

A-level個成績雖然未知, 但如果沒有友人的支持,
我想可能早已受不住壓力。

[ 本帖最後由 kwyeung 於 2006-5-30 00:09 編輯 ]

原帖由 307 於 2006-5-29 11:45 發表

當然，over the years佢都係同一個style，
亦都係我頂佢唔順的地方。

呢個應該係佢個性格，都唔好預佢改到

原帖由 238X 於 2006-5-31 00:42 發表
呢個應該係佢個性格，都唔好預佢改到

但係每想起其實都覺得好要命...

大佬，我都唔係話要你做d乜野，
只係想佢打俾我傾計的時候，
關心少少問下我點樣，
而唔係審犯咁問je...

原帖由 KL631 於 2006-5-28 23:38 發表

講真，而家在學校(尤其係在各大專院校)結識d真心對你既朋友
實在係難事
諗起我班有幾組FYP team咁既樣就真係有d心酸，話哂佢地以前
係好好既朋友，但係係個project度互相出賣對方，搞到佢地要絕
交咁滯， ...

大專院校又的確幾難識到好朋友

首先係大學生的文化, 即使在較"名牌"的大學,
好多學生, 過了A-Level一關後,
入到大學都係大玩特玩, 對學習就以"頹"見稱,
玩就有份, 其他野?講自己的事? 無乜人會理你

不過, 即使係同系, 大家可能上不同的課程,
唔會成日見到,
就算住宿舍, 除了睡覺時間, 你都幾難見到個同房,
小弟試過有兩位住宿的同學, 不但未能與同房建立友誼,
其同房更頗自私, 例如一個就嫌人晚上做功課的打字聲吵住佢,
另一個竟然要帶人回房而請同房迴避!
大學生活一般得三年, 要建立深厚友誼的基礎不夠時間

中學同學一般友情較深厚, 起碼能"識於微時"先
但對於中學同學, 好多時都要克服以下的"宿命":

中學畢業之初, 同學們一般會更friend,
經常會有聚會,
但漸漸地, 人人都不同的學院學系升學,
佢地可能會放較多的時間在新同學身上, 舊同學在其圈子逐漸"無定企",
到大學都畢業, 大家都要工作時,
大家都要面對壓力, 工作又繁忙又緊張, 身心俱疲,
與舊同學聯繫就更少了

所以, 上次小弟的中學同學番兩圍食飯, 又請回母校的老師,
已經係很不錯的了, 當時不知道何時再有下次

當然, 對於朋友, 自己付出過真心,
就算有甚麼差池, 亦能問心無愧
自己也不要介意主動跟人聯絡, 因為呢個世界頗現實,
好多時你唔搵人就無人會主動搵你, 你搵人的話人地多數都不介意,
但難保人地會以"應酬"的心態對待你, 或以為你"無事不登三寶殿"

而且, 呢個世界, 同人講自己的事, 人地好多時會覺得好怪,
有時更不宜讓人知道得太多
很多人, 特別係城市人, 好難估計各種心理問題
最討厭的係那些以是非做人情的傳聲筒,
例如知道A君不喜歡B君, 就去B君那兒收料給A君知,
已經同人唔o岩channel就為左是非去"八",
人地好就妒忌, 唔抵得; 人地衰呢, 就踩多腳, 週圍唱

我一班好朋友都曾經係中學同學,
爭吵唔係冇,
但係總係好似有某d原因咁,
令我地走埋一齊。
中學之後,
大家各散東西,
升F.6...重讀F.5...外地升學...
並冇影響之間友情。

我隔左兩年後,
即將再返香港過暑假,
一眾朋友知道後,
俾左好多message我,
話等左我好耐,
好想快d碰面,而且有節目為我接踵而來...
雖然大家聯絡少左好多,
但係佢地依然咁重視我,
實在令我好感動...