南港島線通車後，南區巴士輸剩幾多？(歡迎交流見聞或測試)

S3BL100 發表於 2017-1-17 23:32
流水線做到好似港島 2A 5B 或者九龍 1A 2 5C 6 個級數咪唔使死囉

特快線好似 268B 都係唔夠西鐵唔使轉車 ...

試問有邊條特快線同一程地鐵完全重疊但又做得起？可能淨係得港島條2X啦。
逐條地鐵睇：
港島線已經做到18X、5X同18P吊命，720除咗繁忙時間之外都唔好得去邊，只得2X叫做做得住。
同南港島線最重疊嘅629亦都已經同摺咗無分別啦。
荃灣線沿線無一條服務範圍相若嘅快線巴士，最接近嘅都係30X同234X，但係兩者都係帶埋啲遠離荃灣站地方經埋旺角都重係15/20分鐘先一班。
觀塘線沿線受道路網限制亦都係無快車，最重疊嗰條796S已經死咗，飛得最多嘅都係296C同796C，但係即使九龍城呢啲無鐵地方都要20分鐘一班車。
將軍澳線沿線嘅692，即使做埋要轉港島線嘅地方，最終亦遭殺線，只剩下幾班唔經北角嘅特別班次殘存喺度。
同東涌線重疊嘅快線巴士其實根本係靠無鐵嘅機場後勤區，但係由東涌特快香港嘅E11都唔好客。
西鐵線通到紅磡之後幾年，最重疊嘅268B亦都摺到得返繁時同假日服務，269B都係因為重鐵覆蓋唔晒個天水圍先有得留低。
東鐵線方面，根本無邊幾條快線巴士重疊，俾到最盡都係270A啦，但係佢經油麻地呢啲東鐵線唔到嘅地方。
最後就係馬鞍山線，由馬鞍山開去沙田嘅巴士亦都無一條同鐵完全重疊，因為係去馬鞍山線唔到嘅沙田市中心。

miklcct 發表於 2017-1-17 20:40
流水線，舉例由豉油街去加士居道，大大條鐵喺地底，巴士有優勢，因為你行到地鐵站落到月台嘅時間，搭巴士 ...

地鐵長途經常要轉車又冇位坐
短途就冇咁大劣勢

可能前二日早繁香隧塞, 今早搭鐵, 未試過星期一至五返工日子早繁咁好生意, 過埋海洋 85% 滿去金鐘.
  
另外今早有黃車行 A10, 如無記錯睇錯係 8502, 有錯請指正.
  
又話上年年尾新 A 車到可解決黃車行 A 線問題, 事隔一年 A10 行黃車一毫字都無減過, 有人會話有黃車好過無左班車, 遲 d 又話開新 A 線即係繼續 10 個煲 7 個蓋, 不過 A 線價錢繼續收足, 又比黃車你班客食返一年先.

dydx 發表於 2017-1-16 21:08
李陞小學/香港大學站都係咁惡等
仲要上乜車都要碌一餐先到香港仔
係得973叫做正常啲,不過又係有緣人班次

有時呢段路等車又去香港仔, 有西隧小巴有位會搭, 其一有生意都吾想比你新城做, 晚繁有車黎架 90B 當佢無做馬都要 $5.8 企到香港仔, 其二等你 $5.3 線又要睇運, 等得你 3 個字有車, 座小巴已到香港仔.
  
但返鴨島, 又吾捨得比合共 $10 搭小巴去香港仔再轉車, 以前唯有局等 90B 91, 怡家有鐵, 真係路過大道西有車就巴士, 無車就行去地鐵站.

053h4 發表於 2017-1-17 19:48
啱啱撘左南港島線，一卡大約有20幾人黃竹坑出

4M要排長龍

尋晚18:45黃竹坑站出閘,4M排咗廿幾人
本來諗住行出南朗山道搭其他車返香港仔
行到去隊尾就見兩部車入站,於是上番4M

今朝7:40喺漁暉道等48/78去黃竹坑站
巴士未到前有紅小埋站,都撈到五個客
三分鐘後48拖78到站
去到黃竹坑站,48落十幾個,78落五六個

tridents 發表於 2017-1-18 09:42
可能前二日早繁香隧塞, 今早搭鐵, 未試過星期一至五返工日子早繁咁好生意, 過埋海洋 85% 滿去金鐘.
  
另外 ...

8502 唔係機場車黎 ga wor
係咪 8512？

miklcct 發表於 2017-1-18 00:04
試問有邊條特快線同一程地鐵完全重疊但又做得起？可能淨係得港島條2X啦。
逐條地鐵睇：
港島線已經做到18 ...

720 某程度上係新記自己搞出黎既爛攤子

053h4 發表於 2017-1-18 10:22
睇番電話記錄，尋晚7:20分入閘坐南港島線，7:43分到黃竹坑，7:45分78開，到香港仔海濱我估應該大約7:50-7:5 ...

我就18:14喺荃灣西站入閘
(經尖東,尖沙咀,金鐘)
18:46已經喺黃竹坑站出閘
18:49上到4M開車
18:53到香港仔大道金豐大廈

用都會票$14.8,抵到爛,又快

tunghang 發表於 2017-1-18 01:02
地鐵長途經常要轉車又冇位坐
短途就冇咁大劣勢

你用轉車地鐵同唔使轉車巴士根本就唔係公平比較，地鐵要轉車嘅話應該要用返相同轉乘次數嘅巴士路程先可以比較到巴士係唔係無競爭力。