美孚站將安裝「付費通道使用核准機」

其實美孚 F 出口可以經站外的公園通道去 G 出口,
免費使用通道根本唔係為左「有路行」, 正如新聞稿所寫,
是方便「顧客」, 就是要幫襯站內商舖的站外顧客.

A19-AD4807 發表於 2017-1-10 18:42
呢個消息對逃票者簡直係喜訊

平時美孚去利東要俾錢搭MTR

一係買特惠單程票或者撞閘

宜家可以用拍左卡入閘,拍完呢部機去出閘機拍卡唔出閘

走落去月台坐MTR去利東

然後撞閘出閘可以慳錢

講到尾﹐咪又係要衝閘撞閘﹐有無這部機都係一樣﹐駛鬼走去拍這部機點會係這班人的喜訊。

KG1428 發表於 2017-1-9 23:43
九龍塘站又做不做到??

技術上當然OK, 問題係九龍塘站已經非常擠迫, 咁做會加重負擔

kei_hk 發表於 2017-1-10 21:55
講到尾﹐咪又係要衝閘撞閘﹐有無這部機都係一樣﹐駛鬼走去拍這部機點會係這班人的喜訊。 ...

但呢種逃票方式的確有例如只需用一張八達通就成事、唔會搞到張八達通因為有唔完整既交易紀錄而被鎖卡等既好處。

kc_loo 發表於 2017-1-10 22:26
技術上當然OK, 問題係九龍塘站已經非常擠迫, 咁做會加重負擔

九龍塘站係就係人流高，但擺明人流高既部分唔係在來往窩打老道果邊既出入口。

kei_hk 發表於 2017-1-10 21:55
講到尾﹐咪又係要衝閘撞閘﹐有無這部機都係一樣﹐駛鬼走去拍這部機點會係這班人的喜訊。 ...

咪係，嗰類人照沿用用開嘅逃票方式嘅。

昨日搭車先留意到一件友，想跟人尾過闊閘機，俾個兼職助理提佢拍卡，我就留意住佢，見佢手上拿住兩張卡，望離望去拍卡，張卡唔知無錢定乜，總之過唔到，跟住佢去客服嗰邊，查票定乜又走返嚟，想跟人尾，結果唔夠快定俾我望住，過唔到，跟住遊嚟遊去，到部機壞咗停埋，我一個轉身就唔見咗佢，懷疑佢跟咗原本我身邊個單車友，於第二部闊閘機入咗。呢啲人，死症嚟，無得救。

對於逃票班友，有咁多方法，撞閘已經過時啦，自從闊閘機多咁多，直頭大搖大擺直過無痛苦。已經見識過其他站都有，有啲跟唔到都會自己拍卡入閘，程車是否俾足就唔知喇。

根本美孚呢個係龜鐵個場，以前未合併，行個圈真係可以應付一下日常生活所需。依家諗到條橋，租值即刻唔同晒，啲舖位組合又可以更新了。鐵路營運都已經唔係主業好耐了。

講真原站出入而又因爲與原站商舖有關嘅，免費出入早應該要有，今期美孚搞得惦，其他站可能未必用相同方法，但如果同樣可以免費出入成功，舖租又可以加，甚至拓展一下其他吉位做付費區商舖，相當和味，係爭個方法點封逃票漏洞而又收到商舖顧客囉。

paul2357paul 發表於 2017-1-11 00:55
但呢種逃票方式的確有例如只需用一張八達通就成事、唔會搞到張八達通因為有唔完整既交易紀錄而被鎖卡等既 ...

新加的「付費通道使用核准機」(我個人簡稱: 通道機)﹐只係美孚站同站出入才有放﹐除非MTR自己在軟件上自己有bug。

成個使用過程係 : 美孚站任何位置入閘﹐去通道機拍卡﹐再在美孚站任何位出閘(入閘時開始計時﹐20分鐘內)﹐出閘時會不收取任何費用。


正常思維 及 正常使用情況下 :
如果拍完通道機﹐再去其他車站出閘(即係非美孚站出閘)﹐會扣除正常車費﹐乘客唔會有得益。

如果拍完通道機﹐超過20分鐘於美孚站出閘﹐收取$10(成人)。你去唔去搵職員﹐睇下可唔可以有人情方式處理係另一回事。



在別有用心的使用情況 :

如果拍了通道機﹐於其他車站(包括埋美孚)用自己方法出閘﹐八達通只會有入閘紀錄﹐欠缺出閘紀錄﹐之後唔可以正常便用MTR﹐一樣要MTR職員處理﹐亦有機會因此而被鎖卡。

如果正常入閘﹐拍了通道機﹐再拿張卡去「扮出閘」﹐人繼續坐車。這樣做不如一開始便用自己方法入閘﹐反正身上都無有效的車票。** 上面的一位便是用這個方法。

如果正常入閘﹐拍完通道機後﹐去其他車站用自己方式出閘。在回程時用自己方式入閘﹐返回美孚站用原本經通道機處理的八達通出閘﹐又會因為超出20分鐘而收取$10﹐甚至超出 150分鐘而收取額外費用。




至於坐回頭車﹐相信已經係唯一乘客有機會合法地有著數的機會﹐方法前面我已經講了﹐唔係所有車站都用到﹐原因係20分鐘的限制。


所以﹐上面一位話係這部通道機係逃票客的喜訊﹐仲要講到超遠的車程﹐我真係百思不得其解。
既然有心逃票﹐駛鬼去理這部機咩。

solomon 發表於 2017-1-11 02:50
咪係，嗰類人照沿用用開嘅逃票方式嘅。

昨日搭車先留意到一件友，想跟人尾過闊閘機，俾個兼職助理提佢拍 ...

講真原站出入而又因爲與原站商舖有關嘅，免費出入早應該要有，今期美孚搞得惦，其他站可能未必用相同方法，但如果同樣可以免費出入成功，舖租又可以加，甚至拓展一下其他吉位做付費區商舖，相當和味，係爭個方法點封逃票漏洞而又收到商舖顧客囉。

剛才在 #18 講了﹐用正常思維去想﹐除了去附近車站交收後原站出閘外﹐唔應該會出現逃票漏洞。
即使係去附近車站﹐得益者唔會多﹐因為都受到20分鐘限制。
除非﹐MTR 考慮把20分鐘進一步放寬。


而實際上﹐真係想商鋪得益﹐可以另外為商鋪增添獨立的 "通道機"﹐但時限唔係20分鐘﹐可以係30/40...分鐘﹐使用條件係要經商戶人手處理﹐非商戶的顧客係用唔到。
甚至用另一招更絕﹐便是把商戶的八達通機資料做紀錄﹐凡係這一堆八達通機有交易過(不包括增值八達通)﹐於相關車站出閘便自動不扣同站出入的費用。

當有人借商戶交易去換取同站免費出入﹐乘客本身都有一定成本﹐隨時貴過$10﹐未必會這方法。
即使多人用這個方法﹐MTR可以加租﹐應該夠 cover 這一類的乘客。

solomon 發表於 2017-1-11 02:50
咪係，嗰類人照沿用用開嘅逃票方式嘅。

昨日搭車先留意到一件友，想跟人尾過闊閘機，俾個兼職助理提佢拍 ...

見過有人利用前地鐵站既闊閘機
係兩塊紅色版中間過