巴士撞元朗形點雪糕筒賠$200

【關注元朗YOHO Mall交通交匯處啟用後情況】

收到巴士職工投訴，因出入口設計問題，為了防止巴士駛出時轉到中線，新鴻基公司故意將雪糕筒放於圖中位置，即出口馬路靠左位置，令巴士必須盡量靠右行駛，以免駛出朗日路中線。

日前有巴士駛出交匯處時撞到一雪糕筒，巴士司機要向新鴻基公司賠償$200。

我們一直關注及跟進YOHO Mall交通交匯處的設計問題，若在啟用前採納我們向各方收集的建議，擴闊交通交匯處出入口，便不需要設置雪糕筒此等臨時措施，亦可避免意外發生。

幸好今次意外並未傷及市民，敬請大家途經YOHO Mall交通交匯處時，必須份外小心，注意安全！我們會繼續向各有關部門跟進情況。

(Source：無冷氣巴士黨副主席)

個站唔起都起左，運輸署係咪應該出手搞搞佢呢？本身呢個站啲站位安排都已經怪怪地

P.S.:撞一撞到雪糕筒都要賠兩舊水？雪糕筒撞兩撞就爛？edit: 原來雪糕筒真係咁脆弱，依家先知，唔好意思

希望唔賠，睇下搞大件事會點，會唔會因為個雪糕筒影響行車安全，管理公司構成疏忽而解除巴士責任。

商場自己擺D野係馬路，比人撞爛左就要人賠?
其實佢有無權自己放D野係馬路?雖然係商場裡面

平田巴總站長 發表於 2017-1-13 20:38
商場自己擺D野係馬路，比人撞爛左就要人賠?
其實佢有無權自己放D野係馬路?雖然係商場裡面

甘係人地管理範圍、又係人地財物，撞爛左要賠都正常
正如停車場支閘杆，你撞爛左都要賠啦。

053h4 發表於 2017-1-13 21:12
道路設計係無雪糕筒

九巴有guts應該幫司機拙聲

甘新鴻基擺依個位又真係......
可能個 Carlo 唔想煩，私了左
始終返左公司會比較麻煩

其實設計一大敗北,
(1)  巴士出入口太狹窄, 僅次於坪石巴士站 (試過巴士撞柱)
(2)  咁大空間, 所有路線迫埋兩條坑
(3)  出口應該直出青山公路, 但仍舊出朗日路要停燈位

結論, 唔用好過, 停番行人路邊!

CRH5 發表於 2017-1-13 21:14
甘新鴻基擺依個位又真係......
可能個 Carlo 唔想煩，私了左
始終返左公司會比較麻煩

就算私下解決，新鴻基可能向九巴報告。

最弊係九巴係新鴻基轄下企業 (雖然兩者中間仲有載通)，不代表私下解決後沒有跟進行動。