本帖最後由 HZ8186 於 2019-11-23 11:06 編輯
浸鹹水遇溺記 番外篇 KC930 HKG-ALA 尋找 757 的故事
唔知大家有無試過同屋企人傾旅行安排傾到差啲反檯?
日本? 九月唔啱季節唔好去啦 韓國? 啲野食又唔係咁啱口味 澳洲? 又好似好遠喔
傾咗半個月後小弟係屋企 Group Chat 講笑講咗句 "不如去卡薩克斯坦啦"
點知最後我哋真係去咗卡薩克斯坦...
--- Flight Info ---
KC930 (CX6229) HKG-ALA P4-GAS Boeing 757-200 (B752) STD 0940 ATD 1033 STA 1455 ATA 1505
-- KC930 --
Air Astana 既預辦登機櫃檯位於Terminal 2, 而當日係有三個櫃檯處理行李機艙既。小弟當日迅速辦妥行李機艙手續後, 便通過安全檢查乘搭 APM 前往閘口候機。(相信睇呢篇 遇溺記 既讀者大多都係香港人, 赤鱲角機場我係呢度就唔多介紹啦)
今日既航班係由 P4-GAS 執飛 - 呢部 757-200 有 23 年機齡, 而商務艙同經濟艙各採用一個標準既 2-2 & 3-3 排位。 P4-GAS 原為德國既 Leisure Airline LTU 既用機, 並於 04 年轉投 Air Astana 旗下。雖然飛機既年齡係高過小弟, 飛機內籠係有翻新過, 而機艙整潔度係幾高既。 每個座位係有 31" Seat Pitch, 而張櫈係坐得舒服既。
於起飛前, 機組人員向各乘客派發硬糖及播放 Safety Video。 Air Astana 既 Safety Video 係非常吸睛 - 影片中多個舞者既倒影拼出安全訊息, 既有卡薩克既風格之餘亦能帶出安全訊息。唯由於機上既 PA 係會用卡薩克文, 俄文, 英文 三種語言播放, 剩係播放安全短片都已經播咗十分鐘~~
Air Astana 會於航班上向經濟艙乘客派發 Amenity Kits - 過夜包既內容係應有盡有既, 有眼罩, 襪, 耳塞, 梭, 牙膏牙刷, Hand Cream 及 Shoehorn。同時, 登機時座位上已經有枕頭, 毛氈, 耳機等基本物資。係一個七小時既航班上提供過夜包呢點小弟係非常驚喜既, 而連 Shoehorn 都提供呢點係令小弟對 Air Astana 既印象加咗唔少分既~~
起飛半小時後, 機組人員則開始 inflight service - 機組人員先向各乘客派發熱毛巾, 再向各乘客派 Welcoming Snack & Drink。正餐於 1215 左右派發 - 小弟係要咗份椰汁雞飯, 而跟餐係有份沙律, 餐包同 Souffle。呢份午餐係幾好食, 份量適宜之外 椰汁雞既調味亦唔會過火。
機上既 Seatback Literature 都算幾豐富既 - 雖然 Air Astana 係無做 Inflight Shopping, 不過每個座椅背後都有一本飛行雜誌, 一本 IFE 指南, 同安全卡。同時, 本飛行雜誌係有卡薩克文,俄文,英文 三個語言既。機上既 Inflight Entertainment 只屬一般 - 椅背螢幕係高清同易用既, 唯 Air Astana 於機上提供既內容數量係比較少 - KC 係航班上只有提供約八十套電影, 而入面亦有唔少 Hollywood Classics 同近期推出既電影既, 唯機上只係有少量電視劇集同音樂。
另外, IFE 系統除咗有 召喚機組人員 既功能之外, 亦有一個 "Do Not Disturb" 既功能 - 雖然小弟唔肯定機組人員可以係邊度核對乘客既 status, (頭頂係無燈顯示, 而機組人員派餐時亦唔見有 iPad 或類似裝置輔助) 可能呢個功能只係限新引入既 A321neo/LR 使用, 不過有呢個功能都幾貼心既~~
餘下既旅程則過得好順暢 - 機組人員於降落 Almaty 前一個半小時派發小食同飲品, 而航班於當地時間下午三點準時降落阿拉木圖國際機場。係機場等入境等咗半粒鐘後, 小弟乘的士前往當地酒店, 展開小弟既卡薩克斯坦七日遊。
-- Conclusion --
Air Astana 係 Service & Branding 方面係做得幾好 - 無論係餐具, 機票定係座椅, Air Astana 既 logo 係無處不在既。同時, KC 個品牌既 Colour Palette 係好反映到個 Brand Identity, 而佢既宣傳品亦好到位。同時, 當日航班上既機組人員服務係非常體貼, 唯小弟認為機組既工作速度有少少太過悠閒 - 航班上既派餐同收餐都係好慢, 而係航班起飛後 1h45 先有正餐呢點其實係有少少不可思議。當日小弟仲要係坐係 Row 13 - 咁坐係機尾既乘客係咪要等到降落先有得食呢?
順帶一提,今趟旅行小弟唔係經 Air Astana 出機票, 反而係透過 Cathay Pacific 既網站出機票。事源 Cathay 同 Air Astana 於 2018 年展開航班聯營協議, CX 會於部份澳洲航班上掛上 KC 既航班篇號, 而 KC 會於 Almaty 既 HKG, BKK, ICN & TSE 航班上掛上 CX 既航班篇號。 (註: HKG-ALA 只係一星期三班, 因此於其他日子前往 ALA/TSE 既係要於 BKK 或 ICN 轉機) 適逢今趟旅程用 CX 網站出機票係平過 KC 網站, 今次小弟係買咗 HKG-ALA; TSE-ALA-HKG 三張 "CX" 既機票, 順便袋少少 Asia Miles~~
總括而言,呢個 6h30 既航班係一個幾特意既經歷 - 今程航班係小弟第一次乘搭 Air Astana ,亦係小弟第一次踏足中亞。小弟係對哈薩克人既好客度亦感到好驚訝,而小弟亦覺得 Air Astana 既航班體驗好滿足。今回遇溺記就寫到呢度先 - 下一回 遇溺記 小弟會搭卡薩克斯坦當地既航空公司 Bek Air 由 Almaty 前往 Nur-Sultan, 敬請大家期待啦~~
呢個機場 又熟識又陌生
呢張可以算係香港搭飛機既標準相?
Air Astana 既商務艙係採用一個 2+2 既 Cabin Layout, 唯呢張凳係唔能夠完全躺平.
Air Astana 既經濟艙係採用一個 3+3 既 Cabin Layout, 而凳距有 31 吋
Air Astana 既 Safety Information Video 係好好睇 - 唯由於呢個短片以卡薩克文, 俄文同英文各播一次, 因此小弟係呢趟旅程係睇咗呢段短片足足十分鐘咁多
祈求風和雨 吹我到理想的遠處 故土沒法跟隨我意願 但為什麼終於 穿過海灣來到老遠 卻很想返回我的屋邨
安全卡,IFE 目錄 及 飛行雜誌
安全卡
過夜包既內容係應有盡有 - 有眼罩, 襪, 耳塞, 梭, 牙膏牙刷, Hand Cream 及 Shoehorn。
Air Astana 既 IFE 係好好用 - 螢幕高清之餘, 個 UX 係好人性化, 惟美中不足既係 IFE 內容係有少少缺乏~~
航班上既午餐 - 個椰汁雞飯係幾好食,而個 Souffle 做甜品真係一流。順帶一提, Air Astana 係於機上提供鐵餐具既 - 係一個講求燃油效益既世界下, 呢個場面已經非常罕有
非常之科幻既 Cabin Mood Lighting
On the approach to Almaty - 今趟旅程小弟學咗唔少嘢, 例如 Skytrax 既有用之處 - 話說小弟母親一直都對 Air Astana 呢間係佢眼中既 "野雞航空" 抱有安全懷疑, 而小弟叫咗佢上網睇下網評。點知佢第二句就係 "佢話自己 Skytrax 四星咯, 睇落唔差喔" - 當然 Skytrax 呢d機構頒發既所謂評級對小弟而言只係一個數字, 不過呢個 '星數' 似乎對住老一輩, 呢個數字係俾到佢一份安全感~~
Almaty - 對一個航空迷而言, 呢張圖既背景其實有唔少彩蛋 - 後方係有一部被停飛既 SCAT 737 Max,Bek Air 既 Fokker 100,而遠方仲有部軍用既 An-72 同 An-24
-- (End) --
如果閣下鐘意小弟既飛行報告既話, 不妨睇埋小弟之前寫落既飛行報告~~ 第七回 BE7671 NCL-BHD-IOM 尋找 Jetstream 41 的故事 - 不日推出 第八回 BA3287 IOM-LCY 一個避完稅走去翻學既故事 - 不日推出
|