Ricky403 發表於 2024-1-10 12:26
而家港島綫金鐘往銅鑼灣，就算係下繁，個逼法其實同2019年之前荃灣綫金鐘往油麻地差得遠
港島綫起碼有班 ...
明知客量咁火，點解當局又唔肯開過一條同港島線平行嘅新線去紓緩問題？
家陣話一句「提升訊號系統就解決到」就將NIL擱置，值得嗎？
s20131417 發表於 2024-1-15 00:31
明知客量咁火，點解當局又唔肯開過一條同港島線平行嘅新線去紓緩問題？
家陣話一句「提升訊號系統就解決 ...
將線仲要伸去137區，北角去老銅個樽頸位係一直解決唔到
我唔明當局點解咁有信心覺得signalling upgrade可以食得晒再多出黎嘅客量
s20131417 發表於 2024-1-15 00:31
明知客量咁火，點解當局又唔肯開過一條同港島線平行嘅新線去紓緩問題？
家陣話一句「提升訊號系統就解決 ...
如果唔考慮現時NIL方案，東大嶼線向東延都可以覆蓋到NIL嘅功能。問題係起完呢堆嘢之後，仲有幾多客去中環返工，有幾多客去福田返工。
假設東大嶼線用到120-130kph嘅列車，由港大經會展、銅鑼灣北去鰂魚涌做總站，車程應該比用將線更快，甚至乎因為未確定列車限界，整個將線，東大嶼，前海直通運轉都係可行，又唔駛煩東涌線已知嘅問題。
所以首先要諗掂嘅係北都嘅土地用途，再諗人流，先有得諗點投資交通。假設將來大家都係去福田返工，咁可能中鐵向東拉去油塘已經食咗堆本身路過港島嘅東西向乘客。而如果北都個論述係work，咁遠離北都，去中環車程仲慢過錦上路嘅137區幾有競爭力，又要再打個問號。
本帖最後由 hellomato 於 2024-1-15 13:53 編輯
巴士的膠 發表於 2024-1-15 09:04
如果唔考慮現時NIL方案，東大嶼線向東延都可以覆蓋到NIL嘅功能。問題係起完呢堆嘢之後，仲有幾多客去中環 ...
第一時間就想到：北都近深圳，所以會接一堆原本去福田嘅打工仔，加上從深圳南下的資本企業。
而且已經睇到港人北上係大勢所趨（每逢周六日打爆羅湖落馬洲等），只要北都建設無出現重大甩轆，都幾肯定將來旺丁旺財。
至於話東大嶼搞商業，我一直都有疑問：一要填海、二來位置“半天吊”
假如話做返類似“傳統新市鎮”，以社區居住為主、自給自足反而合理（鐵路只到HKU也可能有所暗示）
而且有說東大嶼是“先通公路後通鐵路”——意味政府都未必百分百肯定可以搞起東大嶼......
但與此同時北上需求強勁，可能會先搞洪水橋至欣澳鐵路，方便人往返深圳前海。
於是有以下伏筆：東大嶼有機會流產+東涌線需求上升（因為大嶼山加站 + 多咗人去欣澳轉車北上）
所以東涌線東延反而更加合乎需求——食返會展站預留位，之後落到維園附近，天后做轉車站or甚至變返SWAP......
即係“交匯”和“將軍澳線延長”兩個NIL方案均被推翻，但又不能馬上重提SWAP，只能先“宣佈擱置”:lol
hellomato 發表於 2024-1-15 10:22
第一時間就想到：北都近深圳，所以會接一堆原本去福田嘅打工仔，加上從深圳南下的資本企業。
而且已經睇到 ...
我反而覺得前海鐵路應該初期只係起前海、深圳灣同洪水橋三個站，轉到現有網絡就算，因為東大嶼即使只係通公路，填海工程都要幾千億，而起一條通道公鐵兩用係平過斬件上，根本慳無可慳。
北都就起古洞-錦上路先，至於搞完東西鐵冧哂檔，無私人公司搬去北都，先死死地起埋錦上路-九龍塘，起完呢度，都過埋2047就真正融入大局，關都可以拆埋。
hellomato 發表於 2024-1-15 10:22
第一時間就想到：北都近深圳，所以會接一堆原本去福田嘅打工仔，加上從深圳南下的資本企業。
而且已經睇到 ...
傳聞已經研究緊HKU之後繼續延長
巴士的膠 發表於 2024-1-15 14:50
我反而覺得前海鐵路應該初期只係起前海、深圳灣同洪水橋三個站，轉到現有網絡就算，因為東大嶼即使只係通 ...
車路由A島駁去港島 鐵路由C島駁去港島 似乎冇諗過共用喎
巴士的膠 發表於 2024-1-15 09:04
如果唔考慮現時NIL方案，東大嶼線向東延都可以覆蓋到NIL嘅功能。問題係起完呢堆嘢之後，仲有幾多客去中環 ...
東大嶼線用咩制式要睇下想唔想同城際玩直通，或者變成另一條EAL咁有跨境服務
如果想用宜家手上有嘅規劃去整一條ISL relief line，補返HKU-ADM中間個窿就可以
TKL就只需要起Phase 1去EXC就搞掂
hellomato 發表於 2024-1-15 10:22
第一時間就想到：北都近深圳，所以會接一堆原本去福田嘅打工仔，加上從深圳南下的資本企業。
而且已經睇到 ...
唔駛你講，宜家正苦就係將東大嶼線列為優先項目咁制
作為北都西部（洪水橋、后海灣沿岸）同人工島兩大項目嘅交通骨幹
亦要連通前海一帶去深入大灣區
巴士的膠 發表於 2024-1-15 14:50
我反而覺得前海鐵路應該初期只係起前海、深圳灣同洪水橋三個站，轉到現有網絡就算，因為東大嶼即使只係通 ...
東大嶼－港島公鐵係分開兩組隧道
公路會行青洲以北係卑路乍灣貨物裝卸區上岸，同仲有青洲填海計劃個陣類似
鐵路係行港大穿摩星嶺落海底
兩者人工島落腳點亦不同
公路去C島，鐵路去A島