本帖最後由 12Lane 於 2023-11-28 11:12 編輯
唔睇住盤數點定價?你都識講賣600-700都有機會要加limitation,咪已經係睇住盤數嘅表現。
賣出數量唔一定等於月票吸引力,但肯定係最具參考性指標之一,執住「宣傳唔夠」無限延伸無意思架。九巴對月票嘅宣傳我諗僅次於都會票甚至超過左啦,仲唔夠「演繹」同「宣傳」?定係其實你講緊嘅吸引力係講緊廣義嘅「月票」,唔係狹義嘅「九巴月票」?
無論邊間公司出月票都好,在九巴呢個例子而言,我諗冇人會反對呢張800蚊月票嘅宣傳已經係做到鋪天蓋地,係爭未賣電視廣告架啫,但頭幾日都賣晒新聞,依稀記得有受訪者喺欖隧轉車站直頭話係因為月票棄城巴。要出嘅潛在買家都已經出得七七八八,800呢個水平就係出到呢個銷量,僅此而已,所以我唔明呢點有咩拗。呢個銷量係多定少,佔全年收入幾%係多定少,睇法因人而異啦,但數面上睇呢個大包一定賣得唔算大。但以2019已經賣到15000張一個月,我諗同「死貨」、「演繹差」呢幾個description都相距甚遠。
|