有車長以為聯營路線是不同車費

hokwanlam 發表於 2023-11-25 14:36
反而唔係九巴宣傳唔夠，係宣傳個方法有啲問題，
對於長途過海客，你唔宣傳佢地都會買，
一日40-50蚊車費vs ...

啱，閣下道出咗重點，點樣令中間游離乘客買月票係九巴一定要做嘅事

如果做到埋呢堆客，“upgrade”佢地用月票，九巴cash flow又再多啲，對佢都係好事嚟

ahken 發表於 2023-11-25 11:46
咁講啦，本人買月票係咩目的，咪就係慳到錢（哪怕我每個月真係只搭800蚊心理上都覺得係“抵“咗，因為一 ...

每個人買有咩目的無需深究，人地個business model就係咁樣run。
人地唔係開善堂嘅，係咪賣月票間公司就唔加價？擺明唔係，講加幅間接上正常客補貼左月票客。
只不過800呢個價門檻唔低，唔係對呢度啲某君門檻低，而係整體賣出數量已經答左你，佢收少左錢都係有限數。

本身日日都大西北/北區長征果堆，幾乎有冇月票你都搭嘅，九巴咪當益街坊；本身聯營線680 307嘅都照買死等嘅，或者九巴網絡差要車駁車駁車嘅，九巴咪講聲多謝你支持。

2076 發表於 2023-11-24 12:30
但城巴的財務狀況較差，咁樣做可能會增加加價壓力，變相令港島居民補貼新界過海客。駁腳收 75 折，其實都 ...

以而家盤爛數
大西北過海同港島蛋撻價加同一個percentage
何償又唔係幫緊港島盤爛數埋單？

12Lane 發表於 2023-11-27 06:03
每個人買有咩目的無需深究，人地個business model就係咁樣run。
人地唔係開善堂嘅，係咪賣月票間公司就唔 ...

其實咩係門鑑唔低？佔月薪2-3%算低定高？每個人都唔同，
但係相信既係大家都係有個宗旨，哩啲洗費平得就平啦，
對自己好啲，慳出黎食多一餐好既行街買多啲自己中意既野唔好咩，

賣出既數量多與少，其實牽涉好多好多野，
對手，價格，宣傳策略，地方優勢，
其他優惠，用車，班次，定線配合，
唔一定係我最平，所以我一定賣得最多最好，

長遠黎講，聯營線係要搞，尤其係本身車費over 20蚊個堆，
朝早九巴放工城巴，唔買我一個月番工硬食1000蚊，我已經唔係搭緊最貴個條線，
最大問題係對家真係咩都冇

hokwanlam 發表於 2023-11-27 11:06
其實咩係門鑑唔低？佔月薪2-3%算低定高？每個人都唔同，
但係相信既係大家都係有個宗旨，哩啲洗費平得就 ...

講緊喺九巴嘅角度門鑑唔低呀…係講緊對你門檻低唔低咩…掉番轉講，就係人地開呢個「善堂」係咪有so，係睇好多factor，如果唔係點解唔係賣七百唔係賣六百？仲多人受惠添。咪就係人地公司自己有條數，出幾多錢會對自己條數影響會有幾大，會承受幾多風險。越平，越大機會搶到客，加大佔有率；亦越大機會收少左錢，risk and return.
我用九巴business model個角度去講呢個定價，唔係想討論對individual用家，因為賣出數量同九巴年報收入已經答左你月票吸引力呢個問題。對個人，覺得抵咪買唔抵咪唔買，我點評論到每個人應唔應該買？
我同你講嘅野係冇衝突的，唔洗咁緊張。

12Lane 發表於 2023-11-27 11:13
講緊喺九巴嘅角度門鑑唔低呀…係講緊對你門檻低唔低咩…掉番轉講，就係人地開呢個「善堂」係咪有so，係睇 ...

咁講啦，佢出哩張月票既服務對象係我地，即係乘客，
800蚊哩口價唔只係計佢盤數，仲要計啲客搭車既成本先得出黎既，
站係佢既角度，佢緊係要睇住自己盤數去定價，
但係亦都唔可以只係睇住自己盤數去定價，
佢大可以俾600-700蚊月票架，加limitation，
比如車價高過20蚊就唔適用/過海線唔適用/減程數etc，我講啫，

年報收入同月票賣出數量=/=月票吸引力，
因為中間好多variable factors影響緊,好似marketing strategy，
簡單啲，佢點樣去演繹哩張月票，
演繹得唔好，哩一件貨品幾好用都可以變一件死貨，
其實九巴個角色最後就係要做到，
唔好俾乘客用"覺得"主導佢地買唔買

hokwanlam 發表於 2023-11-27 15:47
咁講啦，佢出哩張月票既服務對象係我地，即係乘客，
800蚊哩口價唔只係計佢盤數，仲要計啲客搭車既成本先 ...

唔睇住盤數點定價？你都識講賣600-700都有機會要加limitation，咪已經係睇住盤數嘅表現。

賣出數量唔一定等於月票吸引力，但肯定係最具參考性指標之一，執住「宣傳唔夠」無限延伸無意思架。九巴對月票嘅宣傳我諗僅次於都會票甚至超過左啦，仲唔夠「演繹」同「宣傳」？定係其實你講緊嘅吸引力係講緊廣義嘅「月票」，唔係狹義嘅「九巴月票」？

無論邊間公司出月票都好，在九巴呢個例子而言，我諗冇人會反對呢張800蚊月票嘅宣傳已經係做到鋪天蓋地，係爭未賣電視廣告架啫，但頭幾日都賣晒新聞，依稀記得有受訪者喺欖隧轉車站直頭話係因為月票棄城巴。要出嘅潛在買家都已經出得七七八八，800呢個水平就係出到呢個銷量，僅此而已，所以我唔明呢點有咩拗。呢個銷量係多定少，佔全年收入幾%係多定少，睇法因人而異啦，但數面上睇呢個大包一定賣得唔算大。但以2019已經賣到15000張一個月，我諗同「死貨」、「演繹差」呢幾個description都相距甚遠。