黃埔線與地面交通實時比拼

AVD1 發表於 2016-10-26 14:32
其實紅小真係好睇你去荃灣邊忽，
假如講緊碼頭個邊，而你又起黃埔個頭，
沿住條行人天橋直上紅磡站坐西鐵 ...

咪玩啦，講緊眼鏡上車，又點會係紅磡廣場呀？原ｐｏｓｔ講緊黃埔號出發喎

kei_hk 發表於 2016-10-26 14:53
紅磡廣埸去紅磡站﹐你識的穿過家維村(彿光街角落燈位入﹐停車場出)﹐再穿出去直上天橋﹐急步行20分鐘係得 ...

我而家差唔多日日由紅磡行去火車站搭火車返工，我自己行法係紅磡廣場>街市>戴亞街>船澳街>紅磡南道>斜路>天橋
我出發地點仲遠過紅磡廣場，都唔駛20分鐘行到啦
你咁行法，過家維村跟燈行（無論係佛光街十字路口定大環道燈位）可能要等好耐，唔跟燈行呢，就睇下附近有冇慈母啦

kei_hk 發表於 2016-10-26 16:45
都要睇坐車時間的﹐如果係周六中午放工時間時段+賽馬日﹐都係選西鐵可靠一點。 ...

基本上加士居道日頭無時無刻都塞，係爭在塞幾耐
但紅小有度衰，係葵涌到荃灣最少都要15分鐘，地鐵葵芳到荃灣一定唔駛啦，去荃灣近地鐵站嘅紅小未必有優勢
另一樣嘢就係葵芳返紅磡，小巴要轉車，去到光輝圍果邊落車等佢call第二架車，咁樣等法你搭地鐵都起碼到長沙灣啦；而如果你響荃灣上正架接客車，隨時又冇咗十零廿分鐘，所以回程坐紅小其實未必咁盞，要睇彩數，就算夜晚唔塞車，快嘅20分鐘內到紅磡，慢嘅唔塞車都要35分鐘，咁其實同地鐵比唔差得好多（官網話荃灣去黃埔要29分鐘，何文田要27分鐘），但地鐵只係需要$10.1（拍埋港鐵特惠站仲可以平Ｄ）
利申：試過有次夜晚荃灣趕時間返屋企結果中過一次招

jpoon 發表於 2016-10-27 04:08
我而家差唔多日日由紅磡行去火車站搭火車返工，我自己行法係紅磡廣場>街市>戴亞街>船澳街>紅磡南道>斜路> ...

我以前在工廠區返工﹐用附圖藍點方法上火車站 ﹐20分鐘其實係好手鬆(上來講﹐預左有人行得慢)﹐我自己一般係15分鐘已經OK可以在紅磡站入閘。

jpoon 發表於 2016-10-27 04:13
基本上加士居道日頭無時無刻都塞，係爭在塞幾耐
但紅小有度衰，係葵涌到荃灣最少都要15分鐘，地鐵葵芳到荃 ...

所以你坐車時段真係好關鍵的﹐熟客自然會加入這個因素去選擇交通工具。

例如放工時間﹐荃灣紅van 會拆成2條線﹐一條只去葵芳葵興﹐去到葵芳開始便落客及上客﹐去到葵興一帶便會直接返紅磡﹐這咪令葵芳一帶返紅磡快一些。
另一批直通荃灣﹐唔停葵興葵芳﹐車程時間又快些少。

在這時段坐紅VAN 係都有著數的。

**我好耐無在紅磡浦頭﹐唔知仲有無此安排。

其他時間學你所講﹐特別係葵芳葵興返紅磡﹐要先坐車去荃灣轉另一部返紅磡﹐玩得來都夠你坐鐵去到紅磡。
以前你需要美孚轉西鐵 (荃灣出發便直接荃灣西站坐西鐵)﹐而家仲多埋黃埔站﹐真係睇你出發地及目的地係近那一個車站。

在時間差不多﹐但坐鐵又平些少﹐乘客們又多個考慮選擇因素了。

kei_hk 發表於 2016-10-27 10:43
所以你坐車時段真係好關鍵的﹐熟客自然會加入這個因素去選擇交通工具。

例如放工時間﹐荃灣紅van 會拆成2條線﹐一條只去葵芳葵興﹐去到葵芳開始便落客及上客﹐去到葵興一帶便會直接返紅磡﹐這咪令葵芳一帶返紅磡快一些。另一批直通荃灣﹐唔停葵興葵芳﹐車程時間又快些少。

在這時段坐紅VAN 係都有著數的。

但放工時間加士居道塞到九彩，你又有冇諗埋塞車因素呢？紅小真係有時間優勢？我當小巴行佛光街走，咁只係塞少D，行佛光街都要半粒鐘啦，窩打老道下繁實多車嘅
我就當而家D客冇少到，你又有冇諗埋等車時間？閒閒地等兩三班車都唔出奇，咁等得嚟我都行咗去何文田站/荃灣站搭地鐵上埋車啦，更加唔好計拍定特惠站慳兩蚊，就算搭地鐵耐幾分鐘，價錢都有好大優勢喎，更何況行佛光街嘅小巴根本就冇時間優勢