文中提及來往大學站的專營巴士繁時載客量只有兩成至三成, 應該係講緊272A, 你睇下個數字咁低, 就知道嗰度總規劃人口同實際人口有幾大差距.
議員話人口已經超越20000, 但政府俾出嚟個總規劃數字係20200, 而已入伙單位數目係2314, 若果雙方俾出嚟嘅數字屬實, 平均每戶至少住左8個人, 你信唔信有咁多?
再睇埋政府話2314伙係佔最終總建築樓面面積約四成喎, 意思就係仲有六成單位未起, 所以現時人口理論上只得8000人左右.
安達邨都係設定有二萬幾人住, 一樣係冇鐵路站, 主要靠巴士, 啲車幾多人搭有辦你睇.
私樓賣左之後入伙, 伙係入左, 但唔一定會有人入去住, 實際人口隨時連8000人都冇, 而且嗰度係私樓, 仲係叫做高尚嗰隻, 除左外傭, 仲有幾多人對巴士有需求, 勢成疑問.
駁鐵路站都係得兩三成客量(唔知係咪用AVC計), 去荃灣(城隧網絡)巴士有幾多客呢, 啲「居民」(如有)又會唔會嫌條線慢, 俾錢搭小巴出沙田再轉巴士, 換快啲嘅車程?! |
