建議 296P 擴展至全日服務，13D 296C 改道

為改善將軍澳及大角咀之間的連接，配合日後將軍澳隧道轉車站啟用，
同時連接尚德至九龍灣商貿區，及九龍灣商貿區至旺角及大角咀，
建議 296P 提昇至全日服務，並修改定線：

296P 尚德 <-> 維港灣

來回取道亞皆老街天橋。
往維港灣方向，九龍灣臨華街後下一站譽港灣，
車長可按交通情況，自行選擇經承啟道離開九龍灣。
往尚德方向，可按交通情況，改經觀塘道、福淘街、牛頭角道、啟祥道天橋

全程收費 $8.3，每 20 分鐘一班車，往九龍方向與 296C 聯合班次

配合 296P 全日行走，為縮短往返深水步的行車時間，
更接近西九龍填海區民居，及方便旺角特快前往觀塘道沿線，建議 296C 改道：

296C 尚德 <-> 長沙灣深旺道
（日後延長至海盈邨）

往長沙灣深旺道方向，改經太子道西，采頤花園後不停站直達拔萃男書院，
並改經天橋、荔枝角道、黃竹街、汝州街、欽州街西。
往尚德方向，改經欽州街西前往荔枝角道（按：地圖未能顯示欽州街右轉荔枝角道東行），
並改經西洋菜街，不停旺角道，改停西洋菜街及先達/旺角站，
然後不停站直達九龍灣站。

全程收費 $8.3，往深水步方向每 20 分鐘一班車，
往尚德方向，延長 15 分鐘一班時段至 16:00 - 19:30。

預計 296C/296P 上午繁忙時間需加車 6 架，下午加車 7 架

因應重組，建議從以下路線抽調資源：

296A 上午繁忙時間減車 1 架，最密減至 7 分鐘一班；
下午繁忙時間減車 2 架，最密減至 8 分鐘一班。

296D 縮短服務時間，往九龍站方向，尾車提早至 17:00 開出，
上午繁忙時間減至最密 15 分一班，非繁忙時間減至 30 分一班。
往尚德方向，頭車延至 13:20 開出，下午繁忙時間減至 20 分一班，
日間非繁忙時間減至 30 分一班，減車 3 輛，減少虧蝕。

13D 改為來回不入秀明道，同時縮短寶達往來觀塘、牛頭角車程，
非繁忙時間減至 30 分一班，減車 2 輛。

歡迎討論及給予意見。

將軍澳加強服務要觀塘山找數，過到區議會真心勁

冇分段？

一路睇296C/P就一直都無咩問題
但一睇到要減296A班找數, 仲大幅減埋唔關事既296D班次, 真係博俾人BAN

寧願13D開一粒鐘一架，
都應該盡力保留現狀296D。

13D早已同時代脫節，
但296D仲有新潛力維持。

transbus 發表於 2017-11-21 20:54
寧願13D開一粒鐘一架，
都應該盡力保留現狀296D。

13D 一粒鐘一架，反響會好大；
雖然大角咀換左條 296P 落去，但問題去唔到觀塘巿中心。
大角咀係有 16，但嘈得最勁的，會係中匯街、大同新邨、維港灣果班

半粒鐘一班算係平衡各方利益的做法

之前一直都有諗過 13D 縮落翠屏，事實亦可以令翠屏客受惠，
但今次不入秀明道，減班就算，好大程度係因為我發覺
減到半粒鐘一班，非繁比起縮落翠屏但維持 20 分一班，慳到更多車，
而且可能少左麻煩野

不過你話 13D 同時代脫節，其實 296D 一樣無潛力

客量本身已經唔係好，第時將隧轉車站開左，
乘客可以坐 296A/C/P 轉 98D，98D 密唔少，
296D 仲有幾多存在價值，大家心照

況且真係無需要朝早開返入尚德、夜晚出尖沙咀

而且 296D 收費鬥唔過 796P，反而係 296C 296P 仲有得同 796C 玩下，
仲可以一程車做幾水客

所以成件事只係將資源拎去有得玩的地方

kmb71k 發表於 2017-11-21 20:20
一路睇296C/P就一直都無咩問題
但一睇到要減296A班找數, 仲大幅減埋唔關事既296D班次, 真係博俾人BAN ...

問題係 296A 唔滿，296D 客量係點大家都心照

成件事尚德其實係多左條全日線

新巴將796P個價做低，條線咪又係做黎做去都咁頹得幾班車
296D減班都算，出市區個時間縮到咁早就真係講唔過
隔離版仲講緊拉296D入調景嶺，與期去人地果到插旗，
我心諗一拉就拉上坑口北，可能仲執到啲98D嘅客，再唔係嘅就學隔離版友咁講拉上康盛可能仲好

P.S 希望唔會比尚德人話我搶佢地邨巴

S3BL100 發表於 2017-11-22 00:10
問題係 296A 唔滿，296D 客量係點大家都心照

成件事尚德其實係多左條全日線

296A主要做轉乘客, 更加唔應該開佢刀

而客量唔好唔係削服務主要理由
隔離296M夠差啦, 點解你又唔削佢?
削296D服務之餘
仲走去開多條同296C 796C近似既全日路線
兩條都嫌多, 而家仲搞夠三條?
有必要嗎?

你咁搞法, 只係製造多條線出嚟既蝕本又累鬥累

lwb701 發表於 2017-11-22 02:30
新巴將796P個價做低，條線咪又係做黎做去都咁頹得幾班車
296D減班都算，出市區個時間縮到咁早就真係講唔 ...

如果拉 296D 去坑口，咁 98D 應該要撤離坑口，康盛開落寶林然後入隧道

不過問題係坑口寶林各自都會比起而家明顯減班

其實我長遠係想山上換線做全日尖沙咀，不過只做佐敦尖咀會唔夠客，
情況就同 296D 差唔多，所以要做半直通，有少少似今次建議的 296P 玩法

最終目標係想整三條經九龍灣的半直通線：

新線 寶林 - 康翠 - 繞道 - 九龍灣（回程加停宏通街就可以）- 佐敦尖咀
297 坑口 - 寶林 - 隧道 - 繞道 - 九龍灣 - 土瓜灣 - 紅磡（回程九龍城飛橋）
296P 尚德 - 隧道 - 繞道 - 九龍灣 - 旺角 - 大角咀

改善將軍澳同九龍灣的連接，又一車食幾水客