請問點樣查到轉乘優惠有無限分段？

而家唔同巴士路線之間啲轉乘優惠，有啲點轉都得，但亦有啲限咗分段：

例1：屯門公路轉車站嘅九巴轉乘優惠宣傳單張講明可以搭到去荃灣先轉車，車費一樣；至於屯門方向，喺紅橋轉車一樣有優惠，甚至喺過轉車站後上車再轉車都有優惠。但九巴互轉E33嘅優惠就限咗分段，搭E33去屯門轉九巴會無優惠
例2：大欖隧道嘅轉乘優惠要喺大欖隧道或之後嘅分段先有效，九龍方向喺九龍分段轉車有優惠，但元朗方向喺九龍轉車就無優惠。有人試過68X九龍中央郵政局轉269B（當年未有268X），結果無優惠
例3：287X轉286X返顯徑一定要喺轉車站轉先免費，去到大圍轉反而會無優惠。
例4：大老山隧道嘅差價轉乘好似要喺轉車站轉先得，出到九龍再轉好似只得舊有減4.2優惠
例5：由58M等轉48X去梨木樹一定要喺大窩口或之後轉車先係收0.1，早轉反而會收3.9
例6：由934/935轉968一定要過海後轉先喺免費，西隧口轉會當西隧轉乘優惠收4.8
例7：58M轉36A去深水埗（西）一定要荃灣後上58M先有優惠
例8：40X轉299X嘅優惠無限分段，一律減4.2，有人試過喺泥涌轉299X一樣有優惠

但係而家九巴啲乳豬紙唔再將全部優惠寫出來，上九巴網站查亦都唔支持唔同分段嘅優惠，咁請問點樣可以查到喺指明分段上落車會唔會有轉乘優惠？
例如
1. 我想搭960轉968去香港，但一定要喺西隧口轉（因為我要喺西消防街落車），但九巴網寫怡和大廈，呢個情況係唔係免費？
2. 我想搭930轉930X去愉景新城，但我喺西隧口轉（因為我喺皇后街上車），同乳豬紙寫嘅分段唔同，咁又有無優惠？
3. 我頭先喺青龍頭搭53去轉車站轉58M返良景邨，第二程價錢牌出8.4，以前啲宣傳品話53轉58M係免費但結果竟然扣咗我3.8，咁九巴網話53轉58M最多減9.4（即係免費）我又點知分段又係唔係咁減？咁九巴網話53轉58M去葵芳站減9.1，但係點樣轉先係減9.1？53可以喺元朗上、富泰上、三聖邨上，轉58M可以喺轉車站轉亦都可以荃灣轉，而53喺轉車站落車轉車更加有短途分段，十幾個組合點扣錢喺九巴網根本揾唔到。我頭先已經打咗熱線問佢我呢個情況（青龍頭上53，轉車站轉58M扣咗錢）係唔係扣錯錢，等佢查返八仔數據回覆。
甚至有時連乳豬紙寫嘅優惠都唔係真，好似以前6轉6X去舂坎角咁，乳豬紙寫話淺水灣減4.6（6X淺水灣分段4.6），咁我真係喺嗰度轉車但又扣咗2.6。我打電話連熱線員都被資料誤導以為扣錯錢，查完之後就話真係要收2.6，之後新版豬紙就改返話減4.6/2.0。

咁962A係屯門轉962P又點, 好似連係屯門轉車都唔知得唔得!  

shakugan2005 發表於 2017-11-25 05:46
咁962A係屯門轉962P又點, 好似連係屯門轉車都唔知得唔得!

這個轉乘有必要嗎？
想你力寶先轉，都係確保你有位上者。
同埋$18.8既優惠額，是無必要。
因為962A/962P湖景路後都一樣，而且預你港島後轉可以叫5飛(當年係962,962P,962S,969,969P)


再講，962A都係悅湖同邁亞美要O係屯門轉者，如果唔係直接上962P啦，悅湖最遠O個座/邁亞美最近海O個座行去湖景路直接搭962P去銅記真係唔得咩？



最好其實講番清轉乘優惠設立的原意，其他分段都轉到的話就當係Bonus.
(其實九巴好好人，理論上轉車站既轉乘就梗係只限轉乘站啦，獅隧因為個轉車站位置小同埋唔係站站停都有得解釋下，欖隧轉乘69m,265m,269m o係愉景新城站直接整排隊驚欖隧冇位上，都叫有得解釋下……58M屯市轉番260X,960俾左免費，就真係收少左人$4.3，你市中心落車行下市廣場就預左要俾多程返歸嫁啦，益你入屯市行街九巴都冇著數)

lsc04d11 發表於 2017-11-25 07:50
這個轉乘有必要嗎？
想你力寶先轉，都係確保你有位上者。
同埋$18.8既優惠額，是無必要。

講到咁冇必要, 咁我想問下有必要差不多條條線都要停轉車站嗎? 可以去第二度轉車就係唔好下下塞哂D車同人去果度浪費時間, 但連轉乘都冇個唔通果度係市中心, D人會自己流去果度咩? 冇既, 起返個小欖地鐵站未得囉! 同埋依家係講緊唔該寫清楚轉乘得唔得, 到依家大家都仲係估估下炸喎, 咁到底962A用$18.8牌係轉唔轉到962/962P? 九巴係好好人, 但如果好學唔學做到新巴城巴咁絕, 轉乘時限/地點/優惠金額限到咁少, 到頭來D人兩程都係搭地鐵就只係得不償失, 要知道屯門元朗已經唔係好似廿年幾咁一定搭巴士出去, 港島南區果面就真係睇新巴城巴點死!

按新城既理論, 基本上只要係同一分段 (注意:巴士公司可能有面價相同既內部分段, 例如雙向分段)就可以享受到轉乘優惠, 吾使係指定站上落. 相信九巴既原理都係相近.

既然有實際既需要, 何不自行測試一次? 得既以後就可以enjoy,
吾得既都係蝕底一次姐

lsc04d11 發表於 2017-11-25 07:50
這個轉乘有必要嗎？
想你力寶先轉，都係確保你有位上者。
同埋$18.8既優惠額，是無必要。

九巴個屯門轉車站優惠可以遲轉，咁我搭完260X/960想轉58M/63X/68A入到屯門先轉咁一定上到車。
如果佢限死要指定分段嘅話，咁因為呢啲線喺轉車站會頂閘，咁實搞到要加車先夠載啦。

930轉930X去DIP只能於港島沿途各站或荃灣轉車，930X於西隧並無設置該轉乘優惠

shakugan2005 發表於 2017-11-25 05:46
咁962A係屯門轉962P又點, 好似連係屯門轉車都唔知得唔得!

答案係不可以，只可以係屯門區上車係港島沿途轉車，轉車優惠係以八達通分段作準，如果其中一個分段不吻合則唔能夠使用該優惠

有寫明指定/建議轉車站唔跟就嚟埋怨

以前啲宣傳品話53轉58M係免費但結果竟然扣咗我3.8

53青龍頭往三聖$4.9
你再扣$3.8
未當你53青龍頭往元朗既收費$8.7
以往53仲收緊現金雙向分段個陣
青龍頭53收$8.7去屯轉轉車免費就岩
姐係九巴填左雙向分段個問題