[純創作] 香港鐵路路線圖 (2040+)

純幻想製作, 包括以下規劃:

• RDS-2014的所有鐵路計劃, 包括本版關於東九龍線及屯門南延線的初步計劃
• 《2030+》屯門-東大嶼發展-港島鐵路走廊、南北運輸走廊及南北運輸走廊延伸段
• 洪水橋及元朗南環保運輸系統
  

其他幻想中或未成事車站:

• 南北線白石角及中環南站
• 北環線凹頭及牛潭尾站
  

車站名稱及路線顏色均為推測, 以最終政府方案為準



全圖下載

十分用心的作品。不過有幾個改善提議：
（1）東大嶼綫調整用色，目前配色跟南北線太過相似。（例如改為西鐵綫目前使用的洋紅色）
（2）“喜靈洲站”調整為“坪洲站”。地理上坪洲比喜靈洲更接近梅窩和交椅洲；而且坪洲是“居民島”，而喜靈洲卻是“監獄島”。
（3）北環線延伸至香園圍。香園圍至坪輋與香園圍綫（第二南北走廊）共綫運行。

hellomato 發表於 2018-2-26 10:02
十分用心的作品。不過有幾個改善提議：
（1）東大嶼綫調整用色，目前配色跟南北線太過相似。（例如改為西鐵 ...

1）路線一多顏色就開始難用，東大嶼同香園圍線顏色都係取自LU Waterloo同Circle line的Pantone色
2）政府的東大嶼發展係填喜靈洲避風塘
3）如果東部過境係受歡迎嘅，都可以考慮將北環線拉埋上去

hellomato 發表於 2018-2-26 10:02
十分用心的作品。不過有幾個改善提議：
（1）東大嶼綫調整用色，目前配色跟南北線太過相似。（例如改為西鐵 ...

1)支持，REUSE返隻顏色
2)坪州居民反對東大嶼填海，破壞景觀同捕漁行業，更加唔好諗會有地鐵直插上去，
所以政府先會用喜靈州，收返監獄無人反對
3)無意見

1.入面既路線、車站，例如香園圍線、東大嶼線、環保運輸走廊，是否曾經出現於政府/港鐵官方既建議？

2.環保運輸走廊同輕鐵有何不同？

3.南港島線(西段)，或者應叫西港島線，或者西南線。

4.山長水遠起條大橋去交椅洲、喜靈洲做乜？為一兩個上蓋屋苑？

5.東大嶼線客量及成本效益成疑，復辦屯門至中環渡輪是否較可行？

6.香園圍線有冇必要美孚之後，起一大條橋去交椅洲？

7.西面既貴客講得最多話要既屯荃線反而冇影？屯荃線是否比東大嶼線更有急切性？

8.求神拜佛都望到時唔好再有「城際鐵路」騷擾南北線喇。

9.小西灣仍然冇站？

10.海公個平面海馬logo，好似係80年代，一早轉左威威司令。

話時話點解龜龜既密官方路線圖，老鼠站有三圓老鼠頭，東涌站有纜車，海公就乜icon都冇？公平咩？

圖真係靚，不過對於皇后山都有站時小西灣都無表示恥笑

mckhgc 發表於 2018-2-26 19:16
1.入面既路線、車站，例如香園圍線、東大嶼線、環保運輸走廊，是否曾經出現於政府/港鐵官方既建議？

2.環 ...

1) 第一帖已經講左資料來源啦
2) 可參考舊帖http://www.hkitalk.net/HKiTalk2/thread-981562-1-1.html
3) 名叫乜到時先算啦, 當然係03-04年個時係叫過做西港島線
4) 請參考政府東大嶼發展
5) 離題喎, 而且大西北要多條鐵路走廊黎紓緩西鐵線擠迫也不為過
6) 參考政府個《2030+》規劃吧, 起到咁長多數都係隧道
7) 屯荃一早係RDS-2014 bam左啦
8) 都無任何計劃去令南北線正正常常
9) 要拆樓先有站, RDS-2014又係bam左
10) 個人而言海馬才是海公真logo吧, 龜鐵要印logo落路線圖應該要俾錢海公

GK3258 發表於 2018-2-26 19:22
圖真係靚，不過對於皇后山都有站時小西灣都無表示恥笑

皇后山之後會發大黎起, 小西灣都係拆樓問題難解決吧

根據政府的模型和規劃圖 ， 交椅洲周圍大概會有數個人工島圍繞中間的交椅洲，形成半天然的河流。可以想像一條類似墨爾本市中心的小型環線於各個人工島上每公里設立一個站。
南北大型運輸走廊其實可以由九龍坑直出大圍然後經美孚到東大嶼都會。其一可以方便沙田區居民到東大嶼工作，其二瀰補了現時荃灣和沙田欠缺了的直接連結。  

中環南站很可惜的前局長嫌動植物公園遠離商業區，前政府合署和PMQ要保留，堅道附近土質鬆軟，不適合設站，中環南站沒有了。不過其實使用凍土挖掘法挖掘出口不行嗎？西環的地質跟中環南/半山的土質/斷層等真的相差很遠？  

百石角/科學園站，如果689不是把預留給科學園的一大片土地興建別墅和低密度住宅，然後科學園新用地上增加密度\高度，這區的工作人口應該上萬，還是會有設站的希望。現在顧問以增加行車時間和人口不足的理由否決設站，前者其實不是一個理由。現在東鐵沿綫加設的降速限制，增加了的行車時間其實還比減速、停一個站加起行時間長。甚至可以是隔班車停科學園站，其餘快速通過。  

還有東九龍綫其實必須延長成中九龍綫到九龍站，否則現在政府的思維其實當東九龍綫是一條巴士線而已。如果當初東西線行下路的話，中九龍綫正好覆蓋整個九龍中餘下已發展的部分，觀塘綫、中九龍綫、東西綫將不會重疊服務，而且這三條平行線之間的垂直距離平均。  

小弟不是專業土木/機電工程師，也不是龜鐵工程師/政府公務員，只能在夢裡幻想美好的網絡了。

mckhgc 發表於 2018-2-26 19:16
1.入面既路線、車站，例如香園圍線、東大嶼線、環保運輸走廊，是否曾經出現於政府/港鐵官方既建議？

2.環 ...

2014年講到而家，通識科無教？？？