點解啲幹線公路會設計到咁白痴，得嗰一條行車線？

kitarolo 發表於 2018-3-24 05:51
唔洗講其他Forum/FB
睇下呢篇文引唔引到本板
其中一人出嚟為私家車辯護

無話唔好起新路
但新路好難一下整好哂
工程都有先後次序
政府都係起好6號幹綫同十一號幹綫先
新界東T4都未起就話要起草山隧道似乎快咗啲

而且整好啲新路整到容納好多車嘅話
咪又多咗班人去揸車填滿條路
塞到接受唔再就去返搭鐵

所以鐵路優先興建就係
我理得條路起幾多條起到點樣唔塞車後又再塞返
至少基層市民有完善嘅鐵路系統可以搭返工先
你鐘意揸車隨便揸
路面增加令車輪數目係可以無止境
不過鐵路增加係唔會導致人口增加
所以優先起鐵路對路面交通使用者及鐵路乘客都有好處

城隧線、龍運大部份路線
改乘港鐵明顯又貴又兜,另
起鐵路門檻比公路更高,而家
新市鎮之間公共交通不太便捷
最理想就係先由巴士做到飽和
先「考慮」規劃新鐵路。

電子道路收費一來面對
極大反對聲音,二來也不能
純粹因部分路段擠塞而徵費

舉例屯中到大埔中心,駕車
取道新田公路理應比經新城市
為便宜以作鼓勵分流,讓返路面
俾巴士或荃灣返新界北嘅私家車;

再者如果有人上落班
係龍鼓灘往返大埔汀角路
徵費也應比上列例子為低
甚至免收,因為用公共交通
(港鐵/巴士)實在太轉折。

不過好快有人衝出嚟話
要玩監控,淨係點樣收費
例如在港島北部不設閘機,
用鏡頭紀錄車牌號碼做結算
都可以話侵犯私隱,仲有咩嘢好講?

ryandroid 發表於 2018-3-24 19:05
無話唔好起新路
但新路好難一下整好哂
工程都有先後次序

鐵路的重要性無可置疑，我之前都有講起埋鐵路，鐵路的新南北線，十年以內應該要有，甚至我的立場係東鐵首先應該東涌線化，盡量推高車速，東鐵過海後的擁擠程度會係災難級。正因為「新路好難一下整好晒」，所以我先吹水話公路都要開始考慮，成事年期講緊至少二十年後。

現有公路網有個問題係大埔公路沙田段不能有效發揮繞道功能，因為出入口太多、即使擴闊後都只係得三線，但沙田始終會係新界東重要交通樞紐，北區東部及大埔與貨櫃碼頭、港島CBD及東大嶼都會之間均必須取道沙田。雖說有T4後經大老山公路、沙瀝公路及沙田路可能較為暢順，但可能有人寧願禾輋塞一陣都唔想／唔識繞路，T4最受惠會係馬鞍山、第一城等地，只屬「地區措施」，新界東始終需要一條完全唔使入沙田的真正繞道。我重申，我係講緊至少二十年後的事，大埔公路擴闊、T4路之類現有項目我唔係當佢冇到，但政府係應該要諗定下一步，而家搞一單大工程閒閒地十幾廿年。

其實九龍而家都極之缺乏往來東西的快速道路，只得龍翔道及將來的中九龍幹線，本題最初講的加士居道天橋令5號幹線廢了一半武功，太子道西／亞皆老街／佐敦道等往西九龍全部都要停燈，某程度上都削弱了西隧的吸引力（先不論收費）。

kitarolo 發表於 2018-3-24 21:01
城隧線、龍運大部份路線
改乘港鐵明顯又貴又兜,另
起鐵路門檻比公路更高,而家

巴士又如何飽和？
多人搭加班
少人搭cut 車
鐵路唔方便嘅自然會用路面
有錢揸車
冇錢搭巴士
公路飽和就會塞車
私家車巴士都要一齊塞無得避
吐公車難發大做就係塞車問題
吐九擴闊過
沙田去到依家有四條隧道都係塞
再起新路真係會一勞永逸嗎？

起新路
巴士係塞少啲快咗
揸車都係快咗
唔會巴士快咗令到私家車少咗
只會係鐵路客過檔去巴士
但路面多車咗時
就會又過檔返去鐵路
搭鐵唔方便先會繼續塞巴士
起新路只會將塞車情況無限循環
只有起新鐵路先可以打破循環
可以完善鐵路網之餘亦可以吸私家車客
巴士繼續幫鐵路補位
咁先唔會助長私家車繼續增加

南港島綫通車後一段時間
香港仔隧道繁忙返
唔係主要因為多咗新車
而係行薄扶林啲車見香港仔隧道唔塞就過檔去香港仔隧道
關鍵係香港仔隧道隧道費同輕微塞車嘅時間成本平過行薄扶林兜路嘅油費同駕駛時間

如果香港仔隧道加價
部分車流自然會流返去薄扶林道
如果養車成本高
自然會有路面客轉搭鐵

前提係要起更完善嘅鐵路將搭鐵慳到嘅時間成本大幅降低
並同養車成本增加製造更大距離就會少咗人揸車
亦避免新公路落成後為私家車降低時間成本而導致更多人揸車

DIH 發表於 2018-3-24 23:01
鐵路的重要性無可置疑，我之前都有講起埋鐵路，鐵路的新南北線，十年以內應該要有，甚至我的立場係東鐵首 ...

如果係廿年後嘅都ok
同政府依家基建工程條隊都差唔多

不過我會諗嘅係太和交匯處及碗窰之間起新隧道四綫雙程直達美林邨附近開岔
一條駁城門隧道
一條駁青沙公路
巴士避哂吐公大埔公路啲塞車位就比鐵路更有競爭力同私家車鬥
大埔啲巴士唔使全部都經廣福而改太和做尾站

barking 發表於 2018-3-24 00:46
當你了解香港車主出行模式時(睇下其他車主forum)，就知道鐵路不可取代私家車。
香港私家車三大門派：
1；演 ...

每朝排隊入石門的私家車睇怕就係呢1,2派 7點幾已龍尾經頂返上回旋處
改變唔到呢堆人諗法,起幾多鐵路馬路都係塞車. 鐵路變相只是吸納公共汽車乘客讓出路面空間給私家汽車用戶.

明明馬鐵幾個站就到都要揸車或者揸車接送家人...如果全部都係住西沙咁我投降

講到電子道路收費，可從隧道做起。例如大老山隧道，現在私家車每程$20，再按過去半小時車輛平均行駛車速收取附加費，計費方式如下：
50km/h (約 4.8 分鐘內行畢)，附加費$10。
40km/h (約6分鐘)，附加費$20。
30km/h (約8分鐘)，附加費$30。
如此類推...
60km/h或以上行完隧道，(即4分鐘以內行畢)，免除上述附加費。
其他隧道/青馬橋亦參考此方法實施附加費，最終擴展至屯公、大埔道及其他繁忙道路。唯須電子收費儀器配合。

至於樓上石門塞車問題，佢地的車從新界(大埔、北區、元朗)駛來，或者，加強大東北、大西北至沙田區的巴士路綫有幫助。甚至，絕招把大老公慢綫劃早繁巴士專綫，7-9am其他車輛不準從大老公駛上石門迴旋處。

barking 發表於 2018-3-25 01:04
講到電子道路收費，可從隧道做起。例如大老山隧道，現在私家車每程$20，再按過去半小時車輛平均行駛車速收 ...

7-9唔俾車由大老山公路南行上石門交匯處
即係迫馬鞍山/西沙路出黎嘅車行亞公角街
由大老山公路南行的車輛就要同巴士齊齊用小瀝源個出口
一時間頂死晒馬鞍山出黎同埋用巴士專線入大隧嘅巴士線
仲得不嘗失

ryandroid 發表於 2018-3-24 02:05
講真
有本錢揸車嘅當然想揸車
寧願公路舒服地塞車

依家鐵路仲唔叫飽和
唔係好似日本咁繁時狂推人先叫飽和？

eternalflame 發表於 2018-3-25 03:07
7-9唔俾車由大老山公路南行上石門交匯處
即係迫馬鞍山/西沙路出黎嘅車行亞公角街
由大老山公路南行的車輛 ...

講起石門交匯處，
其實石門交匯處落大老山應該另開出口/更改出口設計，
大老山隧道公路南行，應該在交匯處前右二線雙白，並在過交匯處後立即分開為 往小瀝源+沙田路 及 往大老山隧道
交匯處往大老山落橋位，改為直接擺喺大老山隧道公路 往小瀝源+沙田路 及 往大老山隧道 之間的分隔位
大老山隧道公路南行往小瀝源，改為必須要先上迴旋處

至於第一城塞上黎嘅車....哩個先係最難搞......
T4開左，應該可以踢走一堆經第一城落青沙城隧嘅車