2018年望左望右(鬥惨中文)

Hello is me again！（你乜水

就咁，睇完 2018年展望將來(議論短文)同2018年回望過去(抒情長文)之後
我突然好有感想，所以一次過講。

• 九巴新巴城巴其實一樣「垃圾」。
  睇到呢度我諗都會有人問你係抽水定係認真，定其實只係各打五十大板就以為自己好公平。
  我講明先，我依刻住喺新創建管轄嘅地方，隔離望住九巴陣地，早年亦住過新巴陣地。一路以嚟我都係新創建嘅忠實支持者，End。
  講返正題先，點解我會話三間巴士公司其實一樣垃圾，因為三間巴士公司其實都做緊同一樣，就係喺地鐵壟斷嘅情況之下，搵一啲有利可圖嘅路線去做，再將一啲無利可圖嘅路線放置。新巴選擇犧牲炮台山同埋鰂魚涌依啲人口唔算太多嘅地方，而九巴選擇犧牲長者為主、就算坐滿架車都未必為到本嘅葵涌、青衣以及長沙灣深水埗一堆長者區。城巴相對嚟講佢放棄嘅範圍少D，但係其實睇得出佢好明顯將大部分嘅資源放咗喺機場路線又或者西隧嘅路線上面。
  其實呢個做法係咪完全地係一種「錯」，某程度上並唔係。如果你要喺呢個咁嘅環境之下生存到，呢個走向其實係OK合理嘅問題。所以其實都冇必要再爭論，九巴新巴城巴其實只係睇住盤數做人，再各搵一啲有利可圖嘅路線去做，再將一啲無利可圖嘅路線放置，ie大家中口的「垃圾」
• 當你要投訴你樓下嘅路線點解消失得咁快，又或者做到咁嘅樣嘅時候，麻煩你諗清楚你上一次區議會係投票比邊個？
  咁我都相信出文嘅人應該冇咩機會投票。
  However，呢個係一個必定需要考慮嘅項目。南港島線通車之後新巴城巴都建議取消唔少嘅路線，但係點解最終只係得小部分實行到，原因係南區有好煩嘅區議員日日喺度嘈，最終令巴士公司收回再收回、重組再重組。
  如果你講到重組你屋企樓下嘅路線係咁唔合理，又或者縮短你屋企樓下嘅路線之後係完全冇補償品嘅，咁你就要問下你投出嚟嘅議員，為乜容許巴士公司作出依個重組。去到呢個時候，其實你應該要搵區議員算帳，而唔係走去問巴士公司點解做得出呢樣嘢，又或者FF更多新區專營權比對家。
• 其實世界上好多地方都比你更加慘，例如埃塞俄比亞、非洲.....呀唔係，我係講緊日出康城、鰂魚涌、炮台山、葵青、東涌依D。
  當北角出嚟投訴自己樓下冇得求其跳上一架車都出到銅鑼灣嘅時候，有冇諗過逸東、日出康城嘅居民上咗車之後兜幾大個圈先至上到公路？
  當你哋投訴緊自己樓下嘅路線比人剝削、要企人嘅時候，有冇諗過有啲地區嘅人係每日望住架頂閘嘅巴士而上唔到呢？
  當你哋投訴自己要再兜耐少少先去到目的地嘅時候，有冇諗過日出康城如果要坐巴士出市區，除咗尖沙咀同埋紅磡之外係冇地方可以去到呢？
  其實好坦白講，正如我第一點講過，現時巴士公司係的確做得好垃圾。好多有需要嘅地方，但係礙於未必一定可以賺到錢，所以唔做；好多賺到錢嘅地方，明明已經飽和，但係繼續投放路線落去，希望可以再賺多啲。依個極端走向其實絕對唔係一個好嘅做法，問題係唔等於你哋不停無限放大自己嘅苦況係一樣好合理嘅事。我真係希望出文嗰兩個人可以擘大你隻屎眼睇清楚你留下個站牌（我建議琴行街），有幾多條路線去到幾多個地方、你等車講緊再耐係幾耐。如果你睇完再對比埋其他區之後，你仲覺得自己係有資格出嚟講自己再慘嘅，咁你請喺下面留言。我都好想見識下人類智商嘅下限。
  

最後，記憶會消逝，但是高麗...白痴長文會留下來。就等大家睇下D人有幾On。

點解康城咁多座距離地鐵咁遠都可以冇正常巴士服務

li1872903 發表於 2018-4-11 10:00
點解康城咁多座距離地鐵咁遠都可以冇正常巴士服務

呢個問題我都想問好耐
當年就話康成初初開人口唔多啫
而家康城架地鐵去到將軍澳站時，繁忙時間就當然仲有企位淨，但係非繁忙時間基本上同寶琳坑口嗰架已經去到分別唔太大嘅地步，未來仲會陸續再有人搬入去。我真係好唔明點解仲可以得一條完全唔知想點嘅796X ._.
順帶一提其實上午繁忙時間工業邨開出嚟嗰幾班796X去到天晉嘅時候好多時都已經冇太多位，部分去到尚德嘅時候甚至仲要企人。
雖然我唔係住康城嗰邊，但係我都好清楚呢個咁嘅狀況係唔合理嘅

係咪因為太中point所以搞到唔想接受意見嘅某位仁兄決定無視就算 OwO

li1872903 發表於 2018-4-11 10:00
點解康城咁多座距離地鐵咁遠都可以冇正常巴士服務

日出康城本身規劃係鐵路城……

RE508@41 發表於 2018-4-11 17:46
日出康城本身規劃係鐵路城……

根本鐵路城呢個idea就有問題。地鐵唔係萬能，唔係周圍去到。就算去到，多重轉乘你玩埋我果份。西鐵、馬鐵原本想拎黎打巴士，但全部要轉車，係西鐵延伸後好d，最後，咪得d接駁線，慢線，同鐵路完全重疊唔駛轉車既線死(82M 62R 268B)，但係，東九龍、港島呢d要轉幾萬次既線，繼續旺場、開分支。講反康城，除左話港島、觀塘線轉一次方便少少，其他地區，荃灣、深水埗、沙田，巴士得繁忙時間有，完全搞到居民唔方便，之前去過康城探人，坐地鐵轉黎轉去，麻煩到死

YY487 發表於 2018-4-11 18:30
康城界走寶林坑口三分一地鐵班次就唔該乖乖地坐地鐵

咁你又有冇諗過，坑口寶琳人口其實係一路縮減緊
同埋如果冇康城車，我諗將軍澳站嘅居民朝早應該唔使上地鐵
雖然而家連康城車都唔能夠100%清走將軍澳站嘅人龍

gordon0530 發表於 2018-4-11 18:33
根本鐵路城呢個idea就有問題。地鐵唔係萬能，唔係周圍去到。就算去到，多重轉乘你玩埋我果份。西鐵、馬鐵 ...

其實我哋可以見到，一路以嚟地鐵城都係一個失敗嘅項目。

太古城：唔揸車嘅居民基本上都係行曬出去坐巴士
杏花邨：同大古城一樣，只係仲有部分人係坐小巴
火炭：其實聽聞都唔少人寧願出去坐巴士

更加重要係，除咗日出康城之外，對出仲有一個遠離地鐵站嘅峻瀅，路上仲有一個清水灣半島。
再加埋入去工業邨返工嘅人，其實我諗兩條全日嘅對外路線都唔係太過份