東鐵列車將改九卡配合沙中綫啟用

http://cablenews.i-cable.com/ci/videopage/news/526977/

沙中綫通車之後，新界東乘車到港島不用轉車之外，還可以乘坐新車。新車的地圖不再是一張紙，而是以螢幕顯示的動態路線圖，改用 LED 燈令車廂更光亮。平日的東鐵綫列車一打開車門會有扶手，但新車把扶手改放於車廂中間位置，港鐵表示是希望乘客走入車廂。

為了確保新車運行暢順，港鐵自 2015 年年末開始試新車，車廂擺放了相等於三千人重量的水馬，測試列車超負載時的運行情況。新車是南韓製造，只有九卡，比起現時的英國製列車少了三卡。港鐵表示 2019 年年中，東西走廊、即烏溪沙至屯門會通車，東鐵班次屆時會加密。

9卡會唔會迫到變屎餅架?

9卡會唔會迫到變屎餅架?

新舊車混跑期間會。

完成換車再加密班次後﹐情況就未必太差﹐真係要放長雙眼去睇。


作為非東鐵的乘客﹐想問下現時情況﹐唔計頭等。
繁忙時間是否11卡都迫滿晒人﹐有無個別位置係比較少人?

kei_hk 發表於 2018-5-14 11:46
新舊車混跑期間會。

完成換車再加密班次後﹐情況就未必太差﹐真係要放長雙眼去睇。

個人觀察，其實早繁情況唔太差，頭四卡去到沙田都大把位企。大圍先打得爆。而大部分時間大圍可以上到第二班車。

所以對於港鐵官方估計，沙中第一期通車後可以食得晒，我係樂觀既。始終講緊大半九龍塘轉綠色線東行+小量馬鐵出九龍南既客會由大圍至九龍塘一段消失，應該幾明顯。未知數反而係沙中一期通車後會搶走幾多其他交通工具客。但按照一卡火車載客量已等如至少兩部巴士計算，影響應該幾輕微。

可以用9卡列車，可以保留頭等車廂。

呢度有高手做過觀察，唔知呢度幾多 c hing 巴打睇過。該位高手既結論：當如有神助兼豪多45秒，一粒鐘最多31班車，東鐵減3卡。結果必定災難性。而佢仲要冇考慮保留頭等既問題。

https://www.facebook.com/photo.p ... ;type=3&theater
https://www.facebook.com/photo.p ... ;type=3&theater

其實而家D車係未仲未有 selective reopen
如果有呢個功能 已經唔洗重新開關40對80隻門啦
重開有問題概車門已經慳左好多秒

mckhgc 發表於 2018-5-15 21:08
呢度有高手做過觀察，唔知呢度幾多 c hing 巴打睇過。該位高手既結論：當如有神助兼豪多45秒，一粒鐘最多31 ...

如果Facebook果位Bruce網友真係高手嘅話，佢冇理由唔知道東鐵信號系統會由目前反應異常遲鈍的TBL會轉做行CBTC Moving Block嘅TGMT；亦冇理由唔知道新車加速率是MLR的兩倍，而TBL的蝸牛式減速率亦能消除；更加冇理由連９卡車比12卡車短咗72米會令埋站離站所需時間縮短呢個common sense都唔知道。最難得係，見到佢個表連埋站離站都計晒秒數咁仔細，都唔識得project埋將來的埋站離站時間會短幾多，實在可惜！

tonyng 發表於 2018-5-15 22:42
如果Facebook果位Bruce網友真係高手嘅話，佢冇理由唔知道東鐵信號系統會由目前反應異常遲鈍的TBL會轉做行 ...

你睇下第2條link，佢有觀察埋觀塘線(8卡)既情況，一樣係咁

https://www.facebook.com/photo.php?fbid=10153857703138169&set=gm.10154421391482738&type=3&theater