東鐵列車將改九卡配合沙中綫啟用

053h4 發表於 2018-5-24 10:38
可以用公開資料核實好D, 所謂加班運力不變, 南港島四卡月台，高鐵去褔田45蚊的歷史在前，無謂再比港鐵玩多 ...

根據建築圖則，第十卡預留位將不作任何裝修，亦不會安裝幕門，屬於通車時九卡月台之外的空間，類似機場快綫的第九及第十卡預留位。另外，某Facebook鐵路專頁前幾天刊登了東鐵紅磡站新月台的工程照片，亦可以看到第十卡預留位。

053h4 發表於 2018-5-24 11:51
好話唔好聽, 港鐵覺得根本唔會迫爆, 所以現時唔裝修, 無公開話十卡, 可見的未來都唔會改十卡

港鐵有誠 ...

有冇誠意就大家心照，不過港鐵係2014年特登將圖則全部update，由9卡改10卡，亦調整咗R-train的設計容許將來加第10卡，連10卡編組都定好，仲做埋負載及救車等等的模擬計算，所以你果句「根本就唔存在所謂十卡營運的可能」就唔太中肯，有欠公道。

053h4 發表於 2018-5-24 11:51
好話唔好聽, 港鐵覺得根本唔會迫爆, 所以現時唔裝修, 無公開話十卡, 可見的未來都唔會改十卡

港鐵有誠 ...

傻啦，唔迫到爆，點可以迫到班客響鑽石山轉車。
九卡根本就係局黎，焗你地九龍塘上唔到車，死死地氣去鑽石山轉。

第十卡響 2011/12 年的圖紙已經有，
由羅湖去到金鐘，全部都定左第十卡位置。

恕本人係呢到好, 港鐵公開宣傳好呃得太多

減卡運力不變呃一次
所謂南港島線四卡又呃一次
廣深港45蚊去福田, 以為東鐵有得分流又呃一次
而家港鐵從來無公開承認12改9下東鐵會出現擠迫問題, 就算成個社會都唔信都好
港鐵無公佈成個系統有能力可以維持30班10卡車, 我會應為做唔到, 港鐵亦無心解決東鐵面對多種綜合因素引起的擠迫問題
港鐵都唔認為會有問題, 點解會因為所謂可見的未來都唔會落實的預留位, 覺得港鐵會擴充東鐵運輸能力?

1. 減卡運力不變, 港鐵沙中線官網之前一直都係講緊大圍出九龍的運力, 又唔可以話係呃, 最多話係公關上玩弄數字遊戲姐~
2. 南港島線由興建到通車階段，我一直睇住建築圖紙都係得3卡，究竟你係邊度睇到有預留4卡？定係信錯source? 港鐵幾時/邊度呃過你南港島線有預留4卡？
3. 廣深港45蚊去福田，想問下係港鐵嘅邊份文件講？