建議沙田48X及49X拆線

由於48X及49X絕大部分乘客均是來往荃灣及沙田，假日於沙田市中心之客量可將每6分鐘一班之48X及每8分鐘一班之49X完全打爆，令到49X於青衣及沙田間，以及沙田市中心及廣源間之路段之空間不能善用。

我建議將48X及36重組、49X全日一開二，以減少來往青衣及荃灣西約之行車時間：
36：改為灣景花園循環來往象山邨，由灣景花園開出後經大窩口、梨木樹至象山邨並折返。43X則改為雙向分段收費。235：改為來回行走大窩口及昌榮路間之青山公路。
48X：不再途經大窩口及梨木樹，與49X聯合提供沙田來往荃灣之特快服務。
48A：原48X來往大窩口及禾輋之短途車，只於繁忙時間清客之用。
48P：東行不再途經整個荃灣市中心，西行不再途經如心廣場，集中服務荃灣西約以西乘客。
49X：大福縮減路線至只行走海濱花園及沙田市中心之間。
49P：改為全日雙向服務，替補原49X於青衣及河東之路段。

詳情如下：

32M：上山方向於石圍角邨增設分段收費4.3，至象山還原4.7並轉方向。增設於象山邨轉乘36之優惠，只適用於4.3分段上32M可免費轉36下山。

36：
循環來往灣景花園及象山邨，往象山邨順序經青山公路、大涌道、沙咀道、荃富街、大窩口站、國瑞路、昌榮路、和宜合道至象山邨，再按原有路線，於梨木樹總站設定時點，到沙咀道，經大涌道轉出福來邨前往灣景花園。
上山全程收費5.8，往象山邨設沙咀道4.3及和宜合道4.0分段，下山全程收費4.3，荃景圍天橋起3.8。增設於象山邨互轉32M之優惠，只適用於4.0分段上36可以0.3轉32M下山。
預計來回行車時間最多70分鐘，並加密班次至最密8分鐘一班，使用最多10輛巴士行走。

235：
東行還原為行走青山公路至昌榮路。

43X：
往馬鞍山增設未到轉車站下車分段4.3。

48A：
循環來往禾輋及大窩口，由禾輋開出經沙田市中心及城隧口後直往蕙荃體育館，大窩口站，然後經梨木樹返回沙田市中心及禾輋，只於繁忙時間服務，以避免大窩口及梨木樹沿途無法登車。
預計全程行車時間不多於60分鐘，使用最多5輛巴士行走，約15分鐘一班，非繁忙時間用車調往48X及49X線。

48P：
因應48X改快，48P往禾輋改為麗城花園後經荃景圍天橋後直去城隧；往灣景花園不再繞經如心廣場，並增設各城隧線於眾安街轉乘73X、278X及其支線之免費轉乘優惠。使用2輛巴士行走。

48X：
改為更快之路線，於眾安街及沙田市中心之間按49X線行走，不經大窩口及梨木樹。
班次並削減至最密約8分鐘一班，使用15輛（不計48A、48P及48S）巴士行走。

49X：
改為循環線，來往海濱花園及沙田市中心，中間按原有路線行走，不再途經青衣及城門河以東。海濱花園將38A調到238X同坑，以供49X遷入。
預計全程來回行車時間不多於80分鐘，繁忙時間班次約12分鐘一班，最多使用8輛（不計49P）巴士行走。

49P：
改為全日雙向服務，來往青衣碼頭及廣源（經沙田市中心），預計單程行車時間約50分鐘，繁忙時間班次約10分鐘一班，最多使用12輛巴士行走。


沙田市中心站位方面，建議全日服務往青衣49P站位改去與249X同站，以方便前往青衣之乘客。而48X及49X兩個站位二合為一，將排隊欄重新設置以供多輛48X及49X巴士毋須等候前車離開同時上客之用，加快上客時間。

大窩口冇全日城隧線？49X沙市以外被減班？係嘅話ban得

10598C 發表於 2018-7-6 17:19
大窩口冇全日城隧線？49X沙市以外被減班？係嘅話ban得

大窩口有73X同278X。如果想保留東行原有車費就唔好意思啦，轉車啦。
49X沙市以外當然要輕微減班，因為沙田市中心一站佔客量之絕大多數。但同時換取到直往青衣之特快。

無左去沙田0.1 BBI，絕版，請
有D野開左個頭就走唔甩架啦

如果想保留東行原有車費就唔好意思啦，轉車啦。

淨係呢句令大窩口無任何好處仲變相加價已經ban得

ate214 發表於 2018-7-6 17:46
無左去沙田0.1 BBI，絕版，請
有D野開左個頭就走唔甩架啦

大窩口有好處，上梨木樹變做5.8。

如果重唔妥呢個價，可以加個4.3分段都得。

一、用車方面
A. 小弟計過數，有8部車剩，48x/49x糸有盈利既大線，點分配？莫非有盈利都要削走8車？
B. 48p兩繁仲有逆向服務，糸用2車

二、放車方面
A. 48x放灣景，48s就冇位，二擇一（放同坑容易混淆，且48x冇6車後仲係車海級班次）
B. 49x海濱冇位, 沙市更加冇位！上個 post你先比大家插完，咁快失憶？

三、路線方面
A. 48s反建議可由36延長去灣景解決，加1-2車
B. 48a糸咪兩繁都糸咁行？
C. 48p非走如心咁點掠水？如心唔夠快，諗點佢！
D. 大窩口站糸好多人排隊你知唔知？48a全日已經冇事（德士古道天橋拆返），可以兩繁都咁行

暫時有以上問題，希望樓主回覆及作更改！！

準巨只會叫你全世界轉車
根本成篇垃圾完全冇討論價值
扣分制幾時先可以出返?

384047x 發表於 2018-7-6 18:36
一、用車方面
A. 小弟計過數，有8部車剩，48x/49x糸有盈利既大線，點分配？莫非有盈利都要削走8車？
B. 48p ...

一、
A. 用車方面你要加返249X嘅用車，呢度我當咗係7輛，有錯請指。
B. 呢度我計錯數，會改。

二、
A. 48S班次疏，可以同34同坑，但代價係要換細車。有其它更好方法處理流水客請指教（呢段流水問題係太獨市，48X一改快就連合理BBI組合都俾唔到，點都要搵線補返荃灣站至梨木樹嗰段）。
B. 海濱花園我打算將38A放去同238X同坑，兩條線都疏車；至於沙田市中心係循環點，唔會停留。

三、
A. 36問題係來回唔同路，要解決嘅話要先將佢還原做大窩口上落，加雙向分段俾43X。但係我認為43X做雙向分段唔理想。
B. 48A兩繁行法一樣，因為西行可以逼客上73X同278X，唔存在容量問題。
C. 如心我打算放棄唔做，用返43X、73X同278X算。我認為青龍頭至荃灣西約咁多個站明顯快咗嘅效益足夠抵銷返無如心客嘅影響。如心客可以考慮加眾安街BBI轉特快。
D. 如果大窩口站全日都多人咁48A可以開全日。

Snoopy@FB8617 發表於 2018-7-6 18:59
準巨只會叫你全世界轉車
根本成篇垃圾完全冇討論價值
扣分制幾時先可以出返? ...

如果轉車可以令到絕大多數，甚至全部乘客快咗，咁當然要全員轉車。

簡單啲，48P加班，49X視乎客量變化減俾249X咪算囉；48X建議唔好亂郁